اخبر عيناك الجميله ان تكف عبثاً بقلبي 🤍

26

في الصباح ببيت جاسم
ام جاسم والي ماذاقت النوم قاعده تصلي وتدعي لجاسم طول الليل تناظر بفراغ والحزن مضيق عليها
ناظرتها ابرار بشفقه : وش السالفه يالغاليه وش مكدر خاطرك وماذقتي النوم لاجله
ام جاسم بغصه : ولدي وحيدي شايل بخاطره مني كل الي ابيه له هو الاحسن كسرت قلوب لاجله ولكن الزمن دوار وكسر قلبي ولدي لاجلها
ابرار زمت شفايفها بعدم فهم : وش صاير لجاسم مافهمت شي
ام جاسم تنهدت بوجع ونزلت دمعه ندم واسف : كان جاسم طفل وخطب بنت صديق ابوه تعلق فيها جاسم حيل وبشكل ماهو طبيعي ولما صار لها الحادث وانعمت الغيت الخطبه دون يدري جاسم وكذبت عليه وقلت له انها سافرت كسرت قلوبهم لاجل جاسم ماينربط بعمياء بسبب وصيه وكسر جاسم قلبي لاجل العمياء والوصيه شفتي شلون الزمن يدور
ابرار وتجمع الي صار : يعني ذي البنيه ملكة امس
هزت ام جاسم راسها ونزلت دموعها : ايييه امس حس جاسم بنزعت القلب لما لقاها وملكة على غيره وش الحب هذا الي معلق جاسم من سنين
ابرار وحزنت على ام جاسم وعلى جاسم : اوقات نشوف الشي صحيح ونسويه لكن ماهو كل شي نشوفه يعني صحيح خفتي على جاسم من العمياء ماتدري ان العماء ماهو بالنظر العماء بالقلب والدين انتي يالغاليه سويت الي تشوفينه صح كـ ام بالنسبه لك لكن جاسم يشوفه غلط كـ محب يشوف حبيبته راحت من بين يديه وهذي خساره اهو ماخسر البنيه وبس اهو خسر قلبه معاها وبالنسبه له انتي الي تسببتي له بالخساره الموجعه ذي
انهمرت دموع ام جاسم وبشهقات خفيفه : وش بيدي وارجعهم لبعض وش اسوي ولاينكسر قلب جاسم
ابرار عقدة حواجبها : مافكرتي وش حال ام البنيه لما كسرتي قلوبهم كان حالها حالك يالغاليه
فضلت ابرار الصمت بعد الي فهمته وراح بالها بعيييد ....
،
عند عهد فتحت عيونها وتحس الحراره خفت قعدت على السرير تتذكر امس وعضت شفتها : مو معقول الي صار امس ذا الطويل شلون ياخذني ويقرب مني كذا
تنهدت وراسها يالمها وبهمس : لزوم نتكلم يامحمد لزوم نتفق على كلام امس
وقفت وبخطوات صغيره مرهقه اتجهت للحمام تتروش وتبعد ذكريات محمد واهي بحضنه تحت الدش
في الصاله
ابو عهد يتقهوى بهدواء : تدري انه تكدر خاطري حيل امس بالخطبه
ام عهد والي عاذره محمد : لو انه حمد صديقك وصار له شي ماكنت بتفز معاه
ابتسم ابو عهد وهز راسه : اكيييد بفز له لكن ما اقصد ذا الموضوع اقصد انه ماكان متحمس كانه مجبور
ام عهد تضايقة : ودامه مجبور وعهد مجبوره ليه نكمل ذا الزواج
ابتسم ابو عهد : كنت فكرت كذا لكن لما جاني محمد الليل وراحت عهد وداخت بالمجلس شفت الي اتمناه بعيونه
ميلت ام عهد فمها : ووش شفت بعيونه
ابو عهد تنهد براحه : شفت بعيونه قلق وخوف وكان مهتم متى تعبت وكم صار لها وراح جاب لها الدواء حتى انه طلع مبلول من البيت لاجل انه حطاها تحت الدش وماتركها وحدها تبتل
ام عهد توسعت بسمتها : هذا الي نتمناه الخوف والقلق والاهتمام باقي الاحترام والحب
ابتسم ابو عهد : الاحترام ذا على عهد اذا احترمته بيحترمها وزود اما الحب هو مجرد كلمه تنقال لما يجتمع اثنين بينهم كل ذي الصفات الاحترام والاهتمام والقلق والخوف والطمئنينه
ام عهد تنهدت براحه : الله يوفق بينهم ويجمعهم على خير يارب
نزلت عهد الدرج وتبسمت بحب قربت منهم وباست راسهم : صبحكم الله خير اخباركم
ابو عهد تامل بنته وابتسم : بخير شلونك عسى خفت الحراره
رفعت عهد حواجبها بتاكيد : اييييه لاتخاف صرت بخير
ام عهد تبسمت لها : وش له نخاف ومحمد امس ماقصر
عقدة عهد حواجبها على طاري محمد : ايه صحيح لكن وشلون تسمحو له يقرب مني ويشيلني
ضحك ابو عهد بخفه : الحمدلله انه كان موجود لو دختي يابنتي ماعاد بقدر اشيلك من وجع ظهري
عهد بتوتر : لكن يبه تتركني مكاني لين اصحى ماهو يشيلني محمد وتو ماصار بيننا شي مايجوز
ابو عهد بسعاده : وهذا الموضوع تم تكلمت مع عمك حمد وان شاء الله الملكة بعد بكره لاجل يبقى محمد قربك
انصدمت عهد وتوسعت عيونها وبتلعثم : و وشوو ييبه
ام عهد ضمت بنتها بحب : بنعجل الملكه لجل تعتادين عليه وبعد شهر ياخذك وانتم متعودين على بعض
حست عهد برعشه بجسمها وبقلة حيله : قبل الملكة ودي اتكلم مع محمد اليوم
ابو عهد عقد حواجبه : اليوم محمد مابيفضى ابد بيروح مع جاسم وينشغلو بقصة جاسم الله يعينهم
عهد وتغير الموضوع : وش قصة جاسم
تنهد ابو عهد وبداء يشرح لها القصه ..........
،
وقف فهد يناظر الفله الفارغه وين الناس ووين الحياه
ناظر لدلة القهوه الفارغه وغمض عيونه بندم : ليتني مت بدالك ياخوي
انفتح الباب ودخلت بنت بسن العشرين عليها بنطلون وتي شرت وشعرها قصير بوي حاطه مكياج اسود وحول معصمها وشم جديد غير الي مالي يدينها
فهد بجنون : ياسمين وينك من امس ووين شعرك
رفعة ياسمين حاجب : وش عندك يالاخو وترى اسمي صار جيسو
فهد بغضب : ياسمين بدال ماتكوني البنيه العاقله وتنصحين امك تصيرين اخس منها
ياسمين ضحكة بسخريه : الود ودي انصحك احجز قبر وتفقده ماني فاضيه ادور لك بعدين
دخل خلفها ولد بعمر ٢٢ سنه يتمايل وريحت الخمر ماليته : شصار اول مره اشوف هل الحلاوه ببيتنا
فهد يصارخ : مروااان هذي اختك يالحيوان وش شارب انت وش مهبب
مروان ناظر اخته وابتسم : اللوك نااار ياااا
ياسمين ميلت راسها بغرور : جيسو
ضحك مروان بحقاره : ياااجيسوو
التف مروان يناظر ابوه : شارب من نفس الزجاجه الي مخبيها بدرج مكتبك ياااابوووي
جن جنون فهد ويدري ان الزجاجه ذيك نوع قوي وبينه حشيش بعد : وش موديك مكتبي يالحيوااان
مروان هز كتفه بعدم مبالاه : اخذ فلوس
بصوت قوي وضحكة ساخره : كنت تجيني يامروان عندي حلال كثيير
التف فهد يناظر ولده الكبير والي بعمر ٢٥ سنه : طلال وينك من خمسه ايام ومن وين لك الفلوس
قعد طلال على الكنبه ورفع رجوله لفوق الطاوله : كان عندي شغل وقريبا اكون اغنا منك
ياسمين غمزة له : اجل نطلب منك
ميل طلال راسه وبحقاره : باي وقت تبين
رمى فهد المزهريه وبجنون : انقلعو لابارك الله فيكم انقلعوا
كل واحد وقف وراح باتجاه عدا طلال الي وقف ورجع قرب من ابوه وبهمس مستفز : ماشيين على خطاك يابوي ماله داعي لذي العصبيه
ضحك طلال وراح متجه لغرفته......
،
محمد قاعد يقلب الاوراق ويناظر بتركيز
قرب خالد منه : عسى خير وش عندك
محمد بهمس ومايبي يقطع تركيزه : هذي اوراق التجار اصحاب الشركات الكبيره
خالد رفع حاجب : وش تبي فيهم
محمد ترك الاوراق وتنهد : عندي شغلتين فيهن الاوله بشوف الشركه الي بيتعاقد معها ابوي وعمي طلال وش وضعها
خالد هز راسه : عطني اسمها وبتلاقي خير والثانيه
محمد ابتسم : والثانيه بشوف شركة منصور وسعد ومن الشركات المتضامنه معاهم
خالد رجع ظهره للوراء ورفع حاجب : وش ناوي عليه
محمد بسخريه وهمس : بجيب لك الخيط الي انت بتشد عليهم فيه
خالد توسعت بسمته وانحدت عيونه : اذ كذا خلني بساعدك
طل عليهم يزن وناظرهم ورفع حواجبه : وش كمية الشر ذي الي تطلع منكم اعوذ بالله
ضحك خالد : ابد نتناقش بهدواء
يزن رفع حاجب : تتناقشون اكيد على مصيبه تنطبخ بنار هاديه
محمد رفع كتفه : وش الذ من شي ينطبخ على نار هاديه
جاسم من خلف يزن : طبختي
قلب خالد وجهه ومحمد لاعت اكباده : لاتذكرها ربي يسعدك
يزن ضحك : عسى ما اكلتو بس
خالد : مستحيل اذوق شي من يدين جاسم
محمد : اتركونا الحين من ذا الكلام وش الخطه
جاسم ميل فمه ببسمه : انا وخالد بنروح لعم ليلى
يزن ابتسم : وانت محمد بنروح مع بعض
محمد هز راسه : طيب وين بنروح
يزن رفع حاجب : خذ اوراقك ذي كلها وبنروح لصديق ابوي بيساعدنا كثييير مع الاوراق الي جمعتها
محمد ضحك : والله كنت احتاج مساعده من خبير فعلا
جاسم : اجل نتحرك ونتقابل العصر تعال خالد
راح خالد وجاسم وجمع محمد الاوراق وراح مع يزن
،
لمى وقفت بهدواء ولمت السجاده تحس بسكينه بقلبها بعد الصلاه تحس براحه لكن لشنو ماتدري قعدت على السرير بهدواء : وش بيسوي جاسم وش بيقول
دق الباب ودخل عمار وتبسم بحب : شوفتك باجلال الصلاه كانك قمر او ملاك
تبسمت لمى بخفه : حسيت براحه لكن مدري من اي ناحيه
عمار مسك كفها وبحنيه : ماعندك اي اساله
لمى رفعت حواجبه : عندي كثير لكن من يجاوب
عمار تنهد : لمن الاساله من تبي يجاوب
لمى بلعت ريقها : جاسم همدان انت امي ام جاسم
عمار رفع حاجب : عمي
لمى بغرابه : عمي
عمار هز راسه : لما بين الحوار الي حصل امس قال يزن ان عمي ماترك اي امل لجاسم علشان يلقاك
لمى عقدة حواجبها : جاسم يتواصل مع عمي
عمار : وهذا الي ودي افهمه
لمى بحزن : مايكفيه الي سرقه مايكفيه انه اجبرنا نطلع من بيت ابوي وريحت ابوي ماليه المكان
عمار ضمها : خليك منه الحين وش تبي تساليني
لمى بهدواء : عمار وشلون كانت علاقتك مع جاسم
عمار رفع حواجبه : جاسم كان اكبر مني بكم سنه كان دايم يكون قرب ابوي وعمي راشد لاجل كذا ماكنا نلعب مع بعض او نختلط
لمى بهدواء : يعني كان مقرب من ابوي
عمار ابتسم : كنت اغار منه صحيح ابوي يحبني لكن كان يتامل جاسم كل مالقاه كان جاسم ياخذ اهتمامهم بذكائه ماكان يلعب كان يفضل يستمع ويتناقش مع الكبار
لمى عقدة حواجبها : مالعب ابد
عمار : كان يلعب مع اصدقائه يزن محمد خالد وماعنده غيرهم ابد
لمى ميلت راسها : اجل ليه ما اخذ شركة عمي راشد ليه تاركها ومسوي شركة عطور
عمار تنهد : ما ادري لكن اظن انه مايبي ينحبس بذكريات عمي راشد وابوي وقرر يسوي شي كبير بنفسه لاجل يثبت انه كفو
لمى هزت راسها : زين
عمار : والحين من تبي تسالي
لمى بهدواء : همدان
وقف عمار واخذ يدها : اجل تعالي
ابتسمت لمى بحب عمره عمار ماخيب ضنها
وقف عمار قرب النافوره : اقعدي هنا الحين يجينا همدان
لمى : وشلون كان همدان امس
عمار ضحك بخفه : شخص ماتعرفينه
قرب همدان منهم وابتسم وعيونه على لمى : اخبارك لمى وش مسويه
نزلت لمى راسها بخجل : بخير بشر عنك
هز همدان راسه : بخير دامك بخير
عمار تبسم : تبي تسال كم سؤال
قعد همدان قربها ورفع حاجب يناظر عمار : وش الاساله ذي يالمى
لمى بتوتر خايفه يعصب همدان : متى عرفت انه ولد عمي راشد
رفع همدان راسه شوي وقبض على يده : وش له داعي لذي الاساله
لمى بلعة ريقها : همدان استعجلت الملكة لجل كذا
همدان حرك فك فمه الاسفل بعصبيه : ايي ليه وش تفرق ليه تسالين عن جاسم وش تفكرين
لمى بخوف وتحس نبرة همدان مو طبيعيه شي اول مره تسمعه : مافيه شي
عمار ناظر همدان بقوه : همدان سؤال كان وانت حطيت عشره بداله
وقف همدان وقرب من عمار وهمس بحده : بدال ماتساعدها تحط ذي الاساله فهمها شلون عمتي عبير ضلت شهور تبكي وقلبها مكسور
ابتعد همدان وناظر لمى : ادخلي يالمى الجو ماهو حلو
وقفت لمى بهدواء واتجهت للفله بهدواء تتفقد طريقها
عمار ناظر همدان بصدمه : همدان انت تغيرت او انا اتخيل
همدان ناظره بحده : انا متغير او انت صاير لك شي عمار تبي لمى تاخذ جاسم بتوقف ضدي
عمار هز راسه بصدمه : مابوقف ضدك لكن انت تدري اني بوقف بصف لمى باي شي ودي لمى تختارك بقناعه
همدان رفع يده وومسح على شعره : ماهو المهم انها تختارني المهم اني اخترتها وبخليها  تكون سعيده دايم
عمار بعصبيه : انت اخترتها واعتنيت فيها من كانت صغيره بس انت تدري انها بتعطي اهميه كبيييره لوصية ابوي وتدري انها تحبببك لكن مثل ماتحبني انا
قبض همدان على يده بعصبيه : عماااار
رفع عمار حاجب : وشو وش بتقول كمل كذبني حاول
تركه همدان وراح بجنون
تنهد عمار ومسك راسه وهمس : ماودي اوقف ضدك ياخوي لكن ماودي تعيش مع ندم لمى تعيش معك جسد دون عقل