اخبر عيناك الجميله ان تكف عبثاً بقلبي 🤍

43

فتحت ابرار الباب سحبت لمى لداخل وضمتها بقووووه ونزلت دموع ابرار واشوي اشوي بكت بقوه مع ليلى
لمى مستغربه وببكى : ليه تبكي
ابرار وتبسمت من بين البكاء : اخرج مشاعري معاك
قربت ابرار لمى من الكنبه وقعدتها : انا افضفض من على قلبي وانتي ليه تبكي بدال تفرحين اليوم انتي عروسه
لمى من بين شهقاتها : وين العروسه تراني مسحوبه لين عندك حتى عمار اخوي كسرني باعني لجاسم
تنهدت ابرار ومسحت دموعها : انتي هدي بالك اشوي ولين تهدي بتكون عهد وصلت وانا اجهز لنا شي ناكل
هزت لمى راسها بهدواء وضمت المخده تخبي وجهها
راحت ابرار المطبخ وغطت وجهها بيدينها نزلت دموعها وعضة شفايفها بقوه متندمه من الي سوته مع خالد رفعت راسها تتنفس بسرعه تحاول تمنع دموعها اقتربت من المغسله غسلت وجهها ومسحته واخذت تناظر وش تطبخ لجعتهن رن جرس الباب وراحت تفتح وتبسمت على وجه عهد المعصبه
عهد بعصبيه : ليه تبكي وش صار وين لمى
ابرار ضحكة : ادخلي بالاول ورانا سهره طويييله
دخلت عهد وتنهدت : وش حال لمى
ابرار تبسمت بحزن : تقصدين ليلى حرمت جاسم تراها تبكي ومقطعه حالها
عهد ناظرتها ورفعت حاجب : وانتي
ابرار بلعة ريقها : خلينا نجلس بالاول
قربت عهد من لمى وقعدت قربها وضمتها عهد بحنيه : وش له داعي تبكي انتي عروووس شفتي شلون اقنعتوني يوم انزفيت لمحمد وسلمت على ابوي ومابكيت وصرت قويه وجاسم يحبك وهذي وصية ابوك وش تبي اكثر
لمى غمضت عيونها وتحس محد فاهمها : انتي ماشفتي وش صار لي عمار اخوي اخووووي طلب من جاسم يملك وياخذني الليله عمار اخوووي انكسرت ثقته فيني
ابرار عقدة حواجبها : وش صار وش السبب
لمى وبشهقات : السبب تخيلي يلوموني ليه همدان ضمني وانا حلاله والاخ جاسم ضمني وماني حلاله
عهد عصبت : وعمار عصب ليه همدان ضمك يعني همدان حرام وجاسم حلال
ابرار قعدت قرب لمى وبغرابه : انتي قلتي ان جاسم ضمك قدام عمار
هزت لمى راسها بالنفي : وشلون اقول لعمار اذا اهو استنكر ليه همدان يضمني وانا زوجته وحلاله وش بيقول لو يدري عن جاسم
عهد بحده : كان تكلمتي ماكان عمار بيوافق ياخذك جاسم
لمى بكت بحرقه : ماتفهمون عمار انكسرت ثقته فيني بسبب همدان والي سواه وشلون اتجراء واقول عن جاسم والي سواه والله ان عمار مايعترف فيني بعدها
ابرار رفعت حاجب : طيب احس احساااس ان عمار وده تاخذي جاسم لاجل كذا استنكر الي سواه همدان
عهد ارمشت بهدواء : فعلاً لان انفعاله وذي الحركات كلها مالها داعي غير ذا السبب اما على الي سواه همدان عادي ماهو حرام
لمى نزلت دموعها بهدواء تفكر بالي يقولونه وبهمس : كان يقول لي ماهو يسوي كل ذا الجنون كان يضمني ويفهمني ماهو يهاجمني
عهد عقدة حواجبها : اسمعي لمى اتركي كل شي وهدي حالك ناخذ استراحه من التفكير الحين وبعدها بنفكر بخطط للمستقبل الماضي نتركه ماعاد بنقدر نسوي شي
ابرار وقفت وتبسمت : ايه صحيح بنتفق عليهم والحين وش ناكل
عهد رفعت حاجب : حنا ضيوفك احنا الي نسالك
ابرار كتفت يدينها وبملامح بريئه : لكن انتي الي بتطبخي
عهد باستنكار : وشوو لاتمثلي بوجهك الطفولي مستحيل اطبخ انا بفكر
ابرار بسخريه : مالقينا من وراء تفكيرك شي زين هدي حالك بس
لمى بقلة صبر : المطعم يحلها لاتتضاربون
ابرار تبسمت وناظرت عهد : ااايه اتصلي بزووجك
عهد بتوتر : ووجع وليه ماتتصلي انتي بزوجك
ابرار بلعة ريقها : مستحيل اكلمه بعد الي سويته
عهد رفعت حاجب : وش مسوووويه
ابرار التفت تناظر بعيد : بوسته
لمى بصدمه ؛ وووشوووو
عهد للحين ما استوعبت وتناظرها : وش قلتي
ابرار عصبت : بوسته وش يعني زوجي عادي لكن خالد الله ياخذ عدوه مايترك لي مجاال ابد ولما شفته قرب وجهي بوسته وجريت
لمى بذهول : والله كفو عليك وش مبقيه ماسويتيه
عهد ضحكة وصفقت بيدينها : نزعت الحياء والله احييك
رمتها ابرار بالمخده : نصايحك ياحيوانه
وقفت عهد مستنكره : متتتى قلت لك بوسيه قلت لك تدلعي قدامه
وقفت ابرار بحده : والله نصايحك ماتفيد مثلك بالضبط
عهد رفعت اصبعها تهديد : ابرااار يالبزر انتي الي مامنك فايده
ابرار تنفست بسرعه وقفزت فوقها يتهاوشون ولمى منصدمه من الي يصير : ماهو من جد تتهاوشون
ابرار بحده : شيلي رجلك من بطنننني
عهد بعصبيه : شيلي يدك من شعررري
احتارت لمى وش تسوي وضحكة بسخريه : والله حالنا عجيب انتم تتهاوشون والعمياء تتسمع
رن تلفون ابرار وقربت لمى منه تتبع صوته واخذته وردت
خالد وميل فمه ببسمه : والله يابرار لنا كلام لما ارد وبعلمك وشلون الجرائه فاهمه
بلعة لمى ريقها  باحراااااج : ااخوي خاالد ابرار تتاهوش مع عهد
خالد انصدم بالي تكلمه وبالي يصير : لـ ليلى ووش صار
لمى ناظرتهن وبسخريه : يتهاوشون على الطبخ
ضحك خالد : اجل بطلب من المطعم
قفل خالد وحطت لمى التلفون تتسمع هواشهن ومازالت كل واحده متمسكه بالثانيه
،
ببيت محمد والي وصل خالد وجاسم وقعدو متبسمين
يزن رفع حاجب على بسمتهم : دام الله بسمتكم
جاسم تنهد ورفع حواجبه : امييين
يزن بسخريه : ووش سبب البسمه
جاسم ناظره مستغرب : هذا سؤال تسأله
خالد ناظر يزن بطرف عين : يزن يقصدني ياجاسم
تنهد يزن وهز راسه : مالقيتوا محمد
خالد ومعصب من يزن وعدم فرحته لجاسم : لا
جاسم ناظر خالد وضحك : الا خالد ليه تاخرت لين طلعت
خالد عض شفته وشتت عيونه : الهبلا الي عندي كانت مقفله على حالها الباب ورحت اخذ المفاتيح الاحتياطيه وفتحت وتهاوشنا
ضحك جاسم : من جدك خالد تهاوش بزر
خالد تنهد : لا ابد هذي حرمه ماهي بزر ابد
غمزله جاسم : وش مسويه
هز خالد راسه بالنفي وعيونها تناظر البعيد : ماصار شي
ضحك جاسم بقوه : يعني صار شي
خالد ارمش بعيونه : صارت جريييئه
وصل محمد متبسم : كلهم مثل بعض لاتنصدم
قعد محمد قرب جاسم وضمه بسعاده وضحك : تصدق ان عهد تقول فرحان لايكون انت الي ملكت
ضحك جاسم : متى بتبلع لسانها ذي
محمد ضحك : قررريباً
ضحك خالد : والله تلاقيهن يتفقون علينا
جاسم براااحه : يتفقووون براااحتهن دامها صارت حلالي
محمد ضرب جاسم بكتفه : هاه الحين صدقتني
جاسم ضحك : ايييه والله رغم كل شي فرحاان
خالد رفع حاجب : الا جاسم لمتى بتمثل القسوه عليها
جاسم تنهد : لين اكسر راسها وابرد قلبي بهمدان
محمد رفع حاجب : اتركه في السجن وانسى
هز جاسم راسه وناظر خالد وتبسم : اتصل لزوجتك اسال عن ليلى
ناظره خالد وتبسم : تاامر لكن بعطيها درس بالاول علشان ماتعتقد اني نسيت
اتصل خالد بتلفون ابرار وبحده اول مافتحت التلفون : والله يابرار لنا كلام لما ارد لاتفكري اني نسيت وبعلمك وشلون الجرائه فاهمه
انصدم خالد وناظر جاسم بصدمه : لـ ليلى ووش صار
ضحك خالد وناظر محمد : اجل بطلب من المطعم
قفل خالد التلفون وناظرهم وضحك من قلب
جاسم رفع حاجب بصدمه : مجاوبتك ليلى
هز خالد راسه ويضحك : ابرار وعهد يتهاوشون من تطبخ
ضحك الكل منصدم منهن جاسم نطق : بدال يهدون ليلى يتهاوشون عندها 
محمد ومستمر بالضحك : اضمن ان عهد بتفوز
خالد اخذ نفس عميق يهداء من الضحك : لا والله تعادل سمعتهن يصرخن ابرار متمسكه بشعر عهد وزوجتك حاطه رجلها ببطن ابرار
ردوا يضحكوا بقوه متخيلين المنظر
وقف خالد يمسح عيونه من كثر الضحك : بروح اخذ لهن اكل ولنا بعد
راح خالد وناظر جاسم محمد : اقول وين اتروش
محمد يضحك : حافظ الدرب لغرفتي انطلق
جاسم رفع حاجب : غرفتك مافيها شي من ثياب عهد
محمد بسخريه : وليه احرقت ثياب الجوهره اخذت الغرفه وتملكتها
وقف جاسم متبسم : اجل نلتقي بعد اشوي
انطلق جاسم لغرفة محمد اخذ بجامه من دولابه وانطلق للحمام
يزن بضيق : محمممد حرام عليكم تضحكون كذا وفرحانين والبنت منجبره وشفت الي صار لها
محمد ناظر يزن بصدمه : منت فرحان
يزن عقد حواجبه : والي صار عااجبك ترى حتى عمار ماله حق يعصب على اخته وهمدان زوجها وعادي اذا ضمها
محمد تبسم بسخريه : ولو ان الكلام بيجرحك لكن ما الومك لانك ماكبرت معانا ماشفت الي عاناه جاسم ماشفت كم بحث عنها جاسم وكم بحث عنك وترى حتى انا وخالد كنا نبحث عنك وعنها بدون ملل او يأس انت ماتعرف عنا شي لاتغرك بسمتنا ياخوي ترى انصفعنا من الحياه كثييير ودامك منت فرحان لجاسم فلا تنكد عليه
يزن ناظره بعتب منجرح منه : فعلاً ماكبرت معاكم وما ادري عن معاناتكم لكن الغلط غلط مستحيل يكون صح
محمد حد عيونه : وكل الي صار هو الصح لو انك ترجع يزن القديم
تركه محمد واتجه لحديقة بيته يناظر كومة الثياب المحروقه تنهد بشوفتهن : وش اقول للجوهره
بداء محمد يجمع الثياب المحترقه لبرميل
،
لمى بعصبيه : ومتى بتوقفووون
عهد بحده : لين تترك شعري
ابرار شدت اكثر : ارفعي رجلك عننني بالاااول
عهد صرخت : والله ان ماتركتي شعري بتندمي
ابرار شدت بقوه بعناد وعهد داستها بقوه وصرخوا الثنتين
لمى هنا حست راسها بينفجر وقربت من ناحية اصواتهن لين مسكت كل واحده بيد من شعرهن واخذت تشدهن يمين ويسار بعصبيه وتخرج قهرها عليهن
تحت خوف الثنتين وصمتهن
لمى بحده : هااه اكمل
ابرار وعهد بصدمه : لا
تركوا بعض وعهد تغمز لابرار على لمى الي تتنفس بقوه وكانها خرجت شي كبير مضايقها
ابرار رفعت حاجب : لمى من اتصل لتلفوني
عهد بسخريه : عندك حد غيرنا وغير خالد
ابرار ناظرتها من فوق لتحت : الي يسمعك يقول عندك بالدرزن ماكانك منبوذه بطبعك المجنون
عهد بحده : على الاقل ماوصلت فيني وصرت جريئه ونازعه الحياء مثلك وابوس الرجال غصب
ابرار ضحكة وبسخريه : حلااالي وزوووجي وبعدين انتي انسانه مستحيل تفهم معنى الحب وايامووو
عهد فتحت عيونها بصدمه : لا انتي الي تفهمي بالحب يالقاصره
ابرار بدلع : قاصره ذي عند الغرب اما هنا زوجي وانا حرمته
لمى قطعت حديثهن بعصبيه : ليت جاسم خذاني ارحم منكن ياربي ماتسكتون
رن جرس الباب وتبسمت ابرار: من فمك لربك استجاب هذا جاسم قومي
لمى بعصبيه : ووووجع اتصل خالد وقال بيجيب اكل من المطعم بدل تتهاوشون
عهد بصدمه : وليه ماتكلمتي وتركتينا نتهاوش
لمى بسخريه : تطلعون الي بقلبكم
راحت ابرار تجري وفتحت الباب وتنفسها للحين سريع وشعرها منكوش ولبسها محووس اشوي
ناظرها خالد من فوق لتحت يتفحصها اذا تاذت : للحين تتهاوشون تاذيتي
ابرار ابتسمت : لا قبل اشوي وقفنا
اخذت اكياس الطعام وقرب خالد منها يرتب شعرها شوي وعدل قميصها ويتفحص وجهها بحنيه : كنتي تتصلي بدل تتهاوشون
ابرار وذااايبه بتعامله ولكن كلامه ذكرها بفعلتها عضت شفايفها وناظرت لبعيد
رفع خالد حاجب وبحده : دام محرجه كنتي تسوين رساله ودامك تدري موقد ذي الحركه ماتسوينها
ناظرته ابرار والدموع لمعت بعيونها ماتدري ليه لكن كل المشاعر داخلها تحركت من ضيق لحزن لزعل
انصدم خالد ومسك كتوفها وحرك عيونه عليها : وش يالمك
ابرار وارمشت ونزلت دمعه لامست خدودها ورفعت يده وحطتها على صدرها : ذا يالمني
التفت عنه بدون تسمع جواب ودخلت وقفلت الباب بوجهه وقعدت خلف الباب تبكي وتشهق والي كان واصل لمسامع خالد الي لمس الباب من الجهه الثانيه وتنهد بقوه وبهمس : حتى انا يالمني من شفت عيونك تحديت الكل لاجلك