اخبر عيناك الجميله ان تكف عبثاً بقلبي 🤍

25

رمى منصور التلفون بقوه للارض وبحده : جاسم الزفت
سعد بضيق : ما اكتفى بصفقت الحديد الي بنخسرها
منصور بجنون : بنخسر سلطاان يعني بيوقف نصف استيرادنا الي معتمدين عليه
ضاق صدر سعد وبداء الضغط يهبط عليه
جرى همدان واخذ الدواء وعطاه بسرعه وبعصبيه : ابد ماهو رجاال مستحيل اترك له لمى
منصور بجنون : صاااحي انت بنخسر الشركه وبعدها شلون بنعيش
عمار عقد حواجبه : سلطان ولده يزن وحمد ولده محمد يعني جاسم حرك كرتين في الساحه وصار كل ذا
سعد ويناظره بتعب : ليه باقي كروت بعد
عمار رفع حاجب : باقي خالد وباقي جاسم بحد ذاته
اخذ منصور يناظر بعشوائيه : دام ان جاسم يقاتل على لمى يعني شاريها طلقها ياهمدان كذا بننفذ وصية الميتين ونتجنب الخساير
همدان وفقد اعصابه : جاسم شاريها وانا وشوووو
منصور بعصبيه : صالح كان يبيها لجاسم ولمى بتختار جاسم طلقها قبل تطلبه لمى
همدان بجنون : مسسستحيل لمى تختار جاسم وتتركني
عمار بهدواء : همدان لمى صارت تدري بكل شي وانت تدري شلون لمى تذكر ابوي دايم وش تعتقد لما تدري انه وصى تتزوج من جاسم
همدان هز راسه بالنفي وبحده : مابتختاره وتتركني
سعد بضيق مايدري يوقف مع ولده او مع مصلحة الشركه : يكفي الحين الكل يروح ينام ويفكر ومن بكره بنستقبل جاسم ونتكلم ونشوف لوين بنوصل
تركهم منصور بعصبيه وراح وانطلق همدان بجنون لغرفته اما عمار ناظر خاله سعد وقرب منه : لاتضيق صدرك ياخالي دايم تجيك الخيارات بشكل صعب لمى بعد متضايقه بالحيل ماودها تترك وصية ابوي ولا ودها تترك همدان وينجرح بسببها
هز سعد راسه بحزن : الخيارات صعبه وجاسم ماهو سهل وهذا الي يبيه والله يستر من الجاي
راح سعد مهموم ومتضايق متجه لفلته
تنهد عمار من قلب : اصعب الاختيارات عندي اختار وصية ابوي واطلب من لمى تنفذها وانا متذكر فرحت ابوي بخطبتها من جاسم او اختار همدان صديقي واخوي وفرحته واهتمامه بـ لمى او اوقف مع خالي منصور لاجل الشركه والضغط الي بيحصل لنا
غمض عمار عيونه يخفف الصداع ومن ثم اتجه لفلته
،
نزلت عهد من الدرج مستغربه طالبها ابوها الحين وش يبي راحت المجلس دخلت بهدواء وانصدمت من الي قاعد قدامها تجمدت ملامحها تناظر بصدمه هذا محمد ماغيره
محمد بلع صدمه قويه بشوفت عهد وناظرها ومانزل عيونه من عليها
عهد كحت واستوعبت والتفت بتروح لكن وقفها صوت محمد : لزوم نتكلم
اخذت عهد تتنفس بهدواء تنضم دقات قلبها : عصير
محمد بهدواء : مايحتاج تفضلي قعدي
التفت عهد وقعدت بعيد عنه بهدواء : تكلم
محمد عيونه تتامل ملامحها الذابله وبحنيه : انتي تعبانه
عهد وقلبها مو راضي يسكت وبسخريه : متعود تحنن صوتك للبنات
محمد بصدمه : اي بنات
عهد ومازالت تناظر الارض بسخريه : وش جابك بعد مارحت تركض كانك عريس هربان
محمد بعد ثواني يستوعب رفع حاجب : لسانك الطويل ذا متى تبلعيه
عهد تنهدت : دامك مجبور وانا مجبوره بعد ليه ماترفض
محمد انقهر ومابين وببسمه : ماني مجبور باخذك لاجل ابوي تعبان وماودي ارفض له طلب
عهد ناظرته بحده : ولين ابوك يطيب
هز محمد كتفه : وقتها بشوف الي يريحني
عهد بعصبيه : ليه لعبه انا
محمد باستفزاز : غريبه اول مره اشوف حد لسانه اطول منه ياسنفوره
عهد قبضت على كفها بقوه تكتم عصبيتها وبسخريه : صدق الي قال كل طويل لايخلو من الهبل
ضحك محمد بخفه : وكل قصير لايخلو من الخبث
عهد وقفت وبحده : متعود تستفز البنات لاجل كذا قاعد معي وكانو بيتك
وقف محمد وقرب منها بحده : ابلعي لسانك لاجل ماقصه لك
عهد رفعت راسها بتحدي لكن التعب زاد عليها وماتحملت الضغط الي يصير وطاحت مغمى عليها
انصدم محمد واخذها بين يديه قبل توصل الارض وحملها للقعده ومددها تحسس جبهتها لقاها محمومه محمد وبقلق اتصل على ابو عهد وجاهم مسرع يتفقد بنته
محمد بقلق : من متى تعبانه
ابو عهد بحزن : من يومين
محمد بلع ريقه : وين غرفتها ياعمي
ابو عهد : في الدور الثاني ثالث غرفه على اليمين
حملها محمد مره ثانيه وانطلق فيها مسرع دخل الغرفه وانطلق للحمام فتح الدش ووقف تحته وعهد بين يديه
فزت عهد وضمته بخوف : يببه
محمد يطمنها : معليه شوي بس تخف حرارتك
اما عهد ترجف بين يديه بضعف
وقف محمد المي وناظرها : خفت الحراره
عهد ومستحيه منه حيل ومرتبكه : نزلني
ما اهتم محمد وطلع من الدش وقفها امامه واخذ روب الاستحمام ولفها فيه وحملها للسرير وغطها بالبطانيه
وعهد كل الي تفكر فيه هو ان محمد يتعامل معها مثل باقي البنات وبداء ظن السوء يشتغل عندها
محمد عاقد حواجبه : دامك ماتبيني لذي الدرجه ماله داعي تقطعي الاكل وترهقي حالك بنتزوج بالاسم قدام ابوي وابوك لين يحلها الله ومابلمسك ماودي الناس تتكلم عن عمي طلال بالسوء ويقولون مجبر بنته وغاصبها على الزواج بذا الزمان
التف محمد عنها وطلع متضايق حييييل وش شايفه عنه ذي القصيره وليه كل ذا الكره
،
في فله جديده على الروايه
قاعد بكرسي الصاله في الضلام بين تأنيب الضمير وانهدام بيته وين العايله السعيده وين الحب ووين الدفئ
غمض عيونه بارهاق جسدي وفكري ، فعلاً اهو كسب المال لكن خسر كل شي مقابله
التجاعيد الي بوجهه تحكي عن عجزه وقهره في بيته
خدع وظلم وتخلى عن اقربائه بالمقابل تخلو عنه زوجته وعياله ، تعاطى المخدرات والخمر لعله يرتاح من الهموم الي ماتفارقه لكن كل شي يرد ينقلب ضده
همس بعبره تخنقه : وين بوصل ومتى برتاح
انفتح الباب ودخلت حرمه بعمر الاربعينات متبرجه وريحت عطرها تسبقاها والعبايه مخصره والشيله تاركتها على اكتافها ناظرته وبسخريه ؛ هيه فهد صاحي انت او ميت
هز فهد راسه باسف وعيونه تتاملها : ربة الاسره ترجع البيت الساعه 1 الليل بذا الشكل ماتستحين على وجهك ياصفاء
صفاء رفعت حاجب وكشرت بوجهها : اجل تبيني اقعد مقابلك واقهويك واضيع عمري وشبابي معك يالعجوز ترى صرت استحي اقول ان ذا الشايب زوجي
غمض فهد عيونه بقهر وبغصه : اي عمر واي شباب ترى ما اتوقع انك تقدرين تعدين عمليات التجميل الي مسويتهم ماعاد صار فيكي شي من خلقة الله الا وخربتيها
صفاء بعصبيه : اقول عد ايامك وانت ساكت او موت وخلصنا من هرمك يالعجوز
ناظرها بحده : انت تدرين وين عيالك فيه يا الام الحنون
صفاء بحده : ترى كل واحد بلغ السن القانوني وعقله براسه يروحو وين ماراحو مالي خص فيهم
تركته بغضب متجهه لغرفة نومها
نزلة دمعه تعتصر وجعه وخيبته وضيقه وبللة لحيته البيضاء الي تحكي تفاصيل الماضي .......
،
وصل خالد ومحمد لبيت محمد ناظرهم جاسم ورفع حاجب : وش عنده المعرس
محمد قعد بعصبيه : طويلة اللسان وش عندي غيرها
خالد ناظر جاسم وميل فمه : اترك عنك محمد وخلنا فيك جاتني معلومات عن عم ليلى
ارتسمت البسمه بوجه جاسم وقعد باهتمام : بشرني
خالد رفع حاجب : عم ليلى بعد موت صالح الله يرحمه زور اوراق وقلب كل الاموال له من بيت وشركه وما الى ذالك
يزن تنهد : وليه خايف ان جاسم يلاقي ليلى
خالد رفع حاجب : لاجل الاوراق الي عند جاسم والي هي الشراكه بين صالح وراشد الله يرحمهم بتكشف خداعه وهذا الشي الوحيد الي ماقدر يخفيه غير انه يخفي ليلى بكلها عن جاسم
جاسم عقد حواجبه : والله انه حقييير 
خالد وابتسم بحده : غير كذا عياله ضايعين ولده الكبير بين المخدرات ويتاجر فيهن تجاره صغيره وولده الثاني سارق كبير وبنته للاسف اوقات ماترجع للبيت حتى
جاسم ميل راسه : يعني بقدر ارجع كل شي يخص عمي صالح برضاه او غصب عنه
ضحك خالد بخفه : هذا هم طاحو بين يدينا من كل جهه
جاسم رفع حواجبه : وهمدان مانقدر نمسك عليه شي
تنهد خالد : ماقدرت عليه كل ملفاته نظيفه
يزن هز راسه : يالله ننام ومن الصباح نتحرك
وقف جاسم وقرب من محمد ومد يده ووقفه : اترك عنك عهد وروق وطويلة اللسان ذي بنلاقي لها حل
وقف محمد بضيق وهز راسه وراحو ينامو