اخبر عيناك الجميله ان تكف عبثاً بقلبي 🤍

12

يوم جديد وفي الصباح

واقف محمد قرب ابوه ممسك بيده
لو انك يبه مادللته وماوثقت فيه كان ماصار هذا حاله
كنت تقول دايماً انه سندك وانه اخوك ماهو بس ولدك كنت تتركه يسوي الي يبي وماتقول له لا
تنهد محمد وبهمس : ليتك يبه حبيتني ولو نص ماحبيت بندر الخايس
حرك ابو محمد يده بخفه وفتح عيونه بهدواء ناظر محمد وطالت نظرته ومرت دقيقه ومحمد مبتسم له بطمئنينه
ابو محمد ببحه وهمس : والله انك كنت بقلبي مثل بندر
محمد ميل فمه ببسمه ورفع حواجبه : كنت ليه والحين وش صرت
ابو محمد : ملكت القلب كله
قرب محمد من ابوه وباس جبينه وكفه وحنيه : ربي لايحرمني منك يالغالي
ابو محمد ؛ ولا منك يبه ، وينه بندر
محمد ويحاول يكبت غضبه : مدري عنه
ابو محمد برجاء : تكفى يامحمد لاترفع عليه قضيه هذا اخوك يكفيه ان حنا ماعاد بنتقبله
محمد عقد حواجبه : يبه لاترحمه تشوفه وين وصل فيها
ابو محمد شد قبضته على كف محمد : لا يامحمد لاتترك قلبك يقسى حتى لو عليه بعدها بتعتاد على القسى
تنهد محمد وهز راسه بالموافقه : الي تشوفه يبه وترى الاهل جايين بعد اشوي ارتاح انت الحين
وقف محمد وطلع من الغرفه وقعد بكراسي الممرات
رفع التلفون واتصل بخالد وماكانت غير رنه وجاه صوته
خالد بروقان : هلاااا حميد
محمد : قلت لك منت حق دلع لاتدلع اسمي مو لايق
خالد ضحك : تاامر وش بغيت
محمد تنهد : لاترفع قضيه على بندر انسى
خالد رفع حاجب : خير رفض ابو بندر
محمد بخيبه : ايييه اتركه وبراقب وضعه من بعيد اشوف اخرتها معاه
خالد : اتركه لي بشوف اخبار الشركه بعد ما انحبس مشاري وضاعت الصفقه على بندر
محمد بضحكة : زين ياخوي لا اشغلك معي خلك مع البز الي معك
خالد حد صوته : اقول انقلع محد يعطيك وجه يالبزر
ضحك محمد من قلب : يالله بحفظ الله
قفل محمد من خالد والبسمه تشق وجهه
رفع راسه وناظر صديق ابوه وقربه بنت متجهين نحوه
وقف محمد وابتسم : هلا والله حياك عمي بو عهد
ابو عهد تبسم : ربي يحييك ياولدي طمني عن ابوك وشلونه
محمد : بخير وعافيه لاتخاف عليه
ابو عهد : الحمد لله صاحي الحين
محمد : ايه حياك عمي تفضل
قرب محمد من الباب وفتحه ياشر لهم بالدخول
وقف ابو عهد قرب سرير ابو بندر ومسك كفه : طهور باذن الله ياحمد
فتح عيونه ابو بندر وتبسم : حيااااك ربي ياطلال
قعد ابو عهد بالكرسي الي قرب السرير : خوفتني عليك يارجال وش صار
ناظر ابو بندر صديقه وغمض عيونه بهدواء : عهد شخبارك يابنتي
قربت عهد وتبسمت : بخير دامك بخير وبالسلامه ياعمي مايجيك شر
ابو بندر : والله العافيه شوفتك يابنتي
تبسم ابو عهد : خفنا عليك حتى عهد اصرت تجيك
ابو بندر : ربي يحفظك يابنتي اتعبتي حالك
ناظر ابو بندر لمحمد : محمد خذ عهد للكفتيريا وضيفها والسموحه منك يابنتي
عهد تبسمت : لا ابد ماله داعي ياعمي وماعليك قصور
ابو عهد والي فهم حمد صديقه : روحي ياعهد مايصير تردين ضيافت عمك وبالمره نسيت التلفون بالسياره عطيني اياه
وقفت عهد مستحيه وماتدري شلون ابوها مرسلها مع ذا الطويل : تامر يبه وتسلم ياعمي مارد ضيافتك ابد
طلع محمد قبلها وراحت وراه مستحيه
محمد مستغرب بعد شلون يرسلوهم وحدهم على الاكيد بينهم شي وودهم يتكلمون مع بعض
وبدون تركيز من محمد وفكره بعيد ومايناظر امامه اصطدم بالممرضه
محمد وقف وابتعد محرررج : اسسسف السموحه ماكنت مركز
هزت الممرضه راسه وراحت
اما عهد رفعت حاجب مبين ان الممرضه كانت قاصده ذي الحركه لكن ذا الطويل من جده مايشوف او هو بعد متقصد ليه لا
وقف محمد عند الاصنصير وافتتحت البوابه دخل مع عهد وكان موجود ممرضات ومرضى وزوار
برغم كبر الاصنصير الا انه مزدحم
اما عهد تضايقت بالحيل من الزحمه
ناظر لها محمد واشر لها بعيونه تقرب من الزاويه
وقفت عهد في الزاويه وقرب محمد منها وعطاها ظهره
رفعت عهد راسها بصدمه مع قربه وشو كل ذا طول او انا قصيره بزياده
كانت عهد توصل لصدره بدون كعب
وقف الاصنصير وطلعة ممرضه لكن الي دخل بدالها رجال مع حرمه بكرسي متحرك وهنا صارت الزحمه
رجع محمد خطوه لوراء ولاجل يتغلق باب الاصنصير
احتشر الرجال لداخل اكثر واندف محمد لوراه
رجع محمد يدينه لوراه متمسك بهن قبل يوصل للبنت
اما عهد رفعت يدينها تلقائياً لظهره لايطيح عليها
محمد عقد حواجبه وناظر للرجال : وشلون تنحشر كذا ماتشوف المكان زحمه رجال وحريم
الرجال : سلامات ياخوي مستعجلين والوالده تعبانه كنت تطلع يالشهم وتترك المكان للمرضى اولى
محمد انصدم من الكلام ورفع حاجب بسخريه : واضح انك متخلف اصنصير المرضى الي مثل الوالده والتعبانين بالجهه الثانيه وهذا للزوار والممرضين
صمت الرجال يستوعب والتف عنه يستغفر وكانه ماهو الغلطان
وقف الاصنصير وطلع محمد وعهد منه وتحرك محمد للكافتيريا
وقف محمد وناظرها : سمي وش تبي
عهد رفعت راسها تناظر الموجود وميلت فمها من تحت النقاب : عصير فواكه مشكل
هز محمد راسه واشر لها تقعد وقرب للعامل يطلب
عهد بهمس تناظره : باين شايف حاله اعوذ بالله
التف محمد يناظرها ونزلت راسها بسرعه
وش ذا الاحساس الي عنده معقول درى اني اتكلم عنه
دفع محمد الفاتوره وقرب منها وقعد بالكرسي الي مقابلها : تبين شي تاكلي
عهد بهدواء : لا شكراً
محمد رفع كتفه والتف عنها يناظر الي قاعدين : العفو
ابتسم محمد بجاذبيه وكانت بنت تناظره من بعيد وتدلع
عهد بسخريه تناظره باين الاخو حق بنات ياشين الجمال الي فيه واخلاقه كذا وع
محمد رفع حاجب على نضرتها له : انتي الكبيره حق عمي طلال
عهد اخذت العصير : الوحيده
محمد : ماعنده غيرك
هزت عهد راسه بالايجاب
محمد بفضول : كم عمرك
عهد ناظرته بسخريه : 18
محمد رفع حاجب على سخريتها : يعني نقول بزر
عهد بهدواء : العقل ماهو بالعمر ناس الشيب بيترس راسهم وعيونهم خلف خلق الله
محمد ميل فمه بصدمه وش ذا اللسان كنه سيف : وش قصدك
عهد هزت اكتافها ببرود : سلامتك
،
في المحكمه وعند خالد
طلعة ابرار عذراء وطلعت برائه
ووقعت ورقة طلاقها من مهدي
ابرار بحماس : والحين انتهيت منهم
ابتسم خالد بهدواء وعيونه تتامل عيونها : اي تعالي
قرب خالد من الي قاعد بكراسي الانتظار وبسخريه : تعال وقع على الاوراق
وقفت ابرار خلف خالد وتمسكت بجاكيته بخوف
وقف علي ابو ابرار وناظر له بحقاره : تامر يااا محامي
مسك خالد يد ابرار وتحرك رايح لعقد الزواج وعلي خلفهم بعد ماهدده بالسجن ودفع له مبلغ مالي لاجل يوقع على ورقة الزواج
اخذ خالد الورقه ووقعها وعطاها علي
علي رفع حاجب : واذا غيرت رائيي
ميل خالد فمه بحده : وديتك عند اصدقائك
وقع علي على الورقه وراح بدون يلتفت لبنته او بالاحرى بدون ردت فعل .....
نزلت ابرار راسها بحزن ومد خالد الورقه لامامها : بصمي
اخذت ابرار نفس اصلا مابيه من متى هميته
اخذت الورقه وبصمة وناظرته بسعاده وحياه جديده بالنسبه لها
انهاء خالد كل اجرائات المحاكمه والاوراق
وقف قرب السياره وناظرها : تبي تروحي لبيتك تاخذي اغراض
هزت ابرار راسها بـ لا وناظرته برجاء
ابتسم خالد يطمنها : زين باخذك بيتي تتعرفي عليه وانا بروح عندي كم شغل انهيه وارجع زين
ابرار بخجل : تامر
ضحك خالد بخفه وصعد على السياره وابرار قعدت قربه
وانطلق بشعور جميييل يغزيه
،
في مطار ايطاليا عند جاسم بعد ماودع يزن
رن تلفونه وابتسم : هلاا والله تو مودعك
يزن ضحك : شفت شلون اشتقت لك
جاسم : اقول وش عندك ادري تكذب علي
يزن : اقول لمى حاجزه الطياره على العصر وش رايك تنتظرها
ضحك جاسم : الصدف اجمل من المواعيد وغير كذا ترى ماصارت بكل مكان التقيها
يزن تبسم : متاكد
جاسم : ايييه بامان الله
يزن : استودعتك ربي
تحرك جاسم وقعد بكرسيه وابتسم بهدواء يناظر الكرسي الي قربه والحين منو بيقعد قربي
حط جاسم الحزام وغمض عيونه مشتااق حييل لامه
،
امام المشفى الكبير واقف همدان وعمار ولمى بعد ماتطمنوا على لمى
همدان : عمار خذ لمى للجناح ترتاح وروح السوق خذ هدايا
عمار : وانت وين بتروح
همدان : بروح احجز على اقرب طياره
لمى مغمضه عيونها من قطرات العيون الي تالمها : تمام اجل لكن محد يقول بنرد خلوها مفاجئه
تبسم همدان : تاامري
عمار عقد حواجبه : كم صار لنا هنا
همدان تبسم : تخيل مرت خمسه ايام
لمى بهدواء : حسيتها خمس شهور
تبسم همدان وناظر لها بامل ترجع تشوف : لاجل عيونك يهون كل شي
عمار رفع حاجب على نظرات همدان : همدان فارق
ضحك همدان ووقف سيارة اجره : فارقو انتو يلا
صعد عمار ولمى وتحركت السياره وعيون همدان تراقبها

لمى بهدوا : عمار انا بجمع اغراضكم
عمار تبسم ومسك كفها : بتقدرين
لمى : اييه ولايهمك
عمار تنهد : لمى لو تقدم لك حد نعرفه زين بتوافقين
لمى بدون تفكير : لا
عمار بصدمه : على الاقل فكري استحي نزلي راسك تاخري بالاجابه ماهو كذا وليه لا اصلا
ضحكت لمى على ردت فعله : ماودي افارق امي
مسك عمار لسانه عن الي كان بيقوله وابتسم لها بحب
لمى : وبعدين عمار شلون اوافق وانا ماشوف شي شلون بعيش معاه
شد عمار على كفها بحنان : ابد مابجبرك يالمى والي تبيه يصير
،
عند ابو بندر بغرفة المشفى
تنهد ابو بندر : شفت شلون ياخوي
ابو عهد : ماعليك منه اقطع عنه كل شي وعندك محمد يسوى كل الرجال
ابو بندر : ايييه محمد من صغره معتمد على حاله
ابو عهد باعجاب بمحمد : قليلين الي مثله
ابو بندر ناظره وابتسم : اجل وش رايك اخذ بنتك لمحمد
ابو عهد ابتسم ولو ان حمد ماتكلم كان بيتكلم هو : والله ياحمد الراي رئيهم تدري بعيال ذي الايام
ابو بندر : وين يلقى محمد مثل عهد عقل وزين وادب
ابتسم ابو عهد بفخر : ومحمد ماعليه قصور رجال من صغره ماهو معتمد على حد
اندق الباب ودخل محمد وخلفه عهد
ابتسم محمد : عسى ماقاطعناكم
ضحك ابو عهد : لا ابد حياكم
ابو بندر تبسم : تمينا ياطلال
ابو عهد : باذن الله ياحمد
محمد رفع حاجب : وش الي تم
ابو بندر : خل عنك الفضول
ضحكة عهد بسخريه هذا جزاك انت وفضولك
محمد ناظرها بطرف عين : يبه خالد متصل لي بروح له
ابو عهد : للحين مع بعض ماشاء الله عليكم
محمد ابتسم بحب : هذولا اخواني ياعمي
ابو عهد : الله لايغير عليكم وهذاك الرابع للحين مالقيتوه
تبسم محمد بسعااده : ابشرك ياعمي لقاه جاسم في ايطاليا طبيب عيون معروف وتكلمنا معاه
ابو عهد باعجاب : كان اعمى اذا ماخاب ظني
محمد : اييه والحمدلله سوى عمليه وكمل تعليمه
ابو عهد رفع حاجبه : انتو الاربعه فعلاً ينقال عنكم رجال من صغركم متخاوين وكلن يسند الثاني
محمد ناظرها بغرور : تسلم ياعمي والحين استاذنكم
ابو بندر : لاتتاخر ياولدي
محمد تبسم : تامر شوي وارجع لك
طلع محمد رافع خشمه بغرور ماناقصني غير البزر تناظرني بسخريه