اخبر عيناك الجميله ان تكف عبثاً بقلبي 🤍

22

في الصباح قاعده عهد على السرير تناظر بفراغ
اليوم النظره الشرعيه اليوم الخطبه ماعاد فيه اي خطوه للتراجع بكمل لين الله يحلها
وقفت عهد واتجهت للحمام تاخذ دش تغير نفسيتها وتنتعش اشوي
اما في الصاله ابو عهد بنبره تحذير : وليه رافضه تجي الحرمه تزينها
ام عهد تبسمت : الله يهديك وش له الحرمه تزينها اليوم النظره الشرعيه ولزوم يشوفها بطبيعتها وغير كذا عهد بسم الله عليها مايحتاج لها زينه
ناظر ابو عهد للبعيد وهز راسه : وش يقصر للعزومه
ام عهد تنهدت : كل شي موجود وجاهز بمجلس الرجال اما احنا وش نبي ومافيه حريم جايات
ابو عهد : وش نبي بالحريم طالما عهد بنيتي بتروح مع زوجها لبيته
ام عهد ارمشت بحزن : وشلون يطاوعها قلبها تفرق بين عيالها وش ذنب محمد والبقيه
ابو عهد عقد حواجبه : هذي ماهي حرمه طبيعيه تلاقيها مخرفه
هزت ام عهد راسها بحزن : ان شاء الله عهد بنيتي تعوضه
نزلت عهد من الدرج وقربت منهم : وش تتكلمون
ام عهد بحب : ترى يابنتي الحريم محد بتجينا منهم
عهد بغرابه : عسى خير ليه
ابو عهد تنهد : اقعدي يابنتي بفهمك
قعدت ام عهد وبنتها
ناظرته عهد وبهدواء : وش السالفه يبه
ابو عهد : ترى يابنتي المشاكل تسكن بكل البيوت لكن الفرق بين العايلات اما تكون عايله متماسكه ومتحابه وتصغر مشاكلها واما تكون عايله متفاكه ومتباعده وتزيد المشاكل
عهد رفعت حاجبها : يعني محمد عنده مشاكل مع عايلته
ابو عهد هز راسه : لايابنتي محمد اخلاقه مافيه منها مع ابوه اخوانه وخواته لكن امه ياعهد مشكله بحد ذاتها
ام عهد ناظرت بنتها بحب : الام ياعهد لزوم تحتوي عايلتها كلها بحب وحنان الام تتحمل كل الضغوطات لاجل تسهل حيات عيالها
ابو عهد : لكن ام بندر غير ماتبي غير بندر ولدها الكبير وساره بنتها اخر العنقود اما الباقي مايهمونها ابد
عقدت عهد حواجبها : وشلوون كذاا والباقي ليه جابتهم
ام عهد تبسمت : الباقي الجوهره ومريم وفهده وبدر وجمال ومحمد هذول مضلومين ياعهد
ابو عهد تنهد وبنبره حانيه : بذات محمد ياعهد محمد امه ابد مالتفت له واكبر غلط كان ان ابو بندر انشغل واهمل محمد بعد ولاجل كذا محمد اتجه لاصدقائه واغلب ايامه نامها عند جاسم صديقه اهو وخالد بسبب ضروف خالد الي كانت امه متوفيه بعد
اخذت عهد نفس عميق معقول محمد صار له كل ذا
ام عهد بحنيه : وانتي ياعهد بتكوني له الام والزوجه والصديقه لاتقصرين بحقه باي شي اوعديني ياعهد
وعهد بغصه تحاول ماتبين شي من مشاعرها : اوعدك يمه ماقصر بحقه بقدر استطاعتي
وقف ابو عهد وقرب منها وضمها لصدره : عهد يابنتي ماتدري وش صار لمحمد بحياته لايغرك بسمته ورفعت خشمه ترى ماهي الا ضعف ويحاول يبين القوه
بلعة عهد غصتها وارمشت والدموع تملاء عيونها
،
عند لمى والي كانت الحرمه تزينها وكل من في البيت يتحرك من رجال وحريم يلحقون على التجهيزات بسبب عناد همدان الي اصر انه ماياجل ذا اليوم وفي ليله وضحاها بيكون حفل
لمى تتبسم بخفه والمزينه حبت لمى حيل ومابالغت بتجهيز لمى اضافت لها لمسات خفيفه من المكياج وتركت شعرها براحته بضافة كم خصله ويفي من تحت
ساره قربت من لمى : يالببببى ياجمااااالك يالموش
لمى بخجل : عيونك سارونه خلصتو التجهيزات
ساره تنهدت : خلص حيلنا وماخلصت التجهيزات
ضحكة لمى برقه : ماكان له داعي كل ذي التجهيزات
قعدت هديل قربهم بارهاق : جنووون انك توافقين على عناد همدان
لمى بخجل : ماقدرت عليه
هديل رفعت حاجب : اقول همدان اخوي صحيح يحبك لكن لاتطيحين له كذا
لمى ميلت فمها : يصير خير لبعدين
،
صحى محمد يناظر خالد وجاسم بحب اخوي كبييير
تبسم محمد على منظرهم كل واحد نايم على كنب وماهو ابد مرتاح فيها
اخذ محمد طفاية حريق وابتسم بشر وبداء يرش عليهم ويصرخ بقوه
طاح جاسم من الكنب للارض ونزل تحت الطاوله وماهو قادر يفتح عيونه من الي رش محمد عليه لكن الرعب ساكن قلبه ويصرخ بخوف : اهربوا خالد محمد اهربو
اما خالد فز مايدري وين الله حاطه يجري ويطيح ومواصل لين طلع من البيت وقف اشوي ياخذ هواء ويمسح وجهه والتف يناظر البيت ميل فمه بحده وعقد حواجبه وبهمس : اجل كذا يامحمد الزفت
داخل البيت وقف محمد الرش وقعد يضحك وماهو قادر يمسك حاله على الي صار
سمع جاسم الضحك وعقد حواجبه ودقات قلبه تنسمع
اخذ يمسح وجهه ويناظر الي يصير من تحت الطاوله وتفاجئ ان محمد يضحك وبيده طفاية الحريق وخالد ماهو موجود
طلع جاسم من تحت الطاوله يناظر محمد بصدمه
اما خالد وقف خلف محمد وناظر جاسم ورفع حواجبه ومبين الشر بعيونه
هز جاسم راسه بالموافقه على الخطه وكانو فاهمين بعض
اما محمد ماقدر حتى يوقف ومستمر بالضحك
قرب خالد منه وقعد قربه : يضحك الي صار صح
ومحمد مستمر بالضحك ويهز راسه
ضمه خالد يطبطب على ظهره وقرب جاسم منهم وبيدينه حبال قطنيه ورافع حاجب
،
وقف همدان يتاكد من التجهيزات وتبسم بسعاده واخيراً هذا اليوم الي يحلم فيه من سنين جاه ولمى بتكون له بدون يخاف من رجعت جاسم
عمار يناظره بعصبيه : مستانس ياخوي
همدان ببسمه عريضه : ايييه الحمدلله
عمار بغضب : ايه استانس واحنا نشقى
همدان تنهد : عمار كم ساعه بس تحملها وبعدها افهمك كل شي زين ياخوي
ناظره عمار وماهو متطمن ابد ولكن بيواصل معاهم لين يشوف النهايه : زين تامر
ضحك همدان بفرحه وضمه
وعلى توقيت اذان العشاء بداء الضيوف يجونهم بفضول يدفعهم على الحفله المفاجئه
،
عند الشباب
اخذ خالد المبخره وحط العود وقربها من محمد الي جاسم يضبط كشخته
محمد بطفش وابد ماهو متحمس : ياليل ترى انا الرجال ماهو الحرمه
ضحك خالد واخذ المبخره يقربها منه : لزوم نكشخ اليوم قدام الحضور
جاسم ابتعد عن محمد بعد عناء ربع ساعه وناظره بتفحص : اييييه كذا ترفع راسي
محمد رفع حاجب : ابوي ومادري عنك
ضحك جاسم واخذ المبخره من خالد وقربها منه : انا اخوكم الكبير تحترموني
خالد رفع حاجب : ليه الكبير
جاسم بصدمه : انا اكبر منكم
اخذ خالد دهن العود وقرب من محمد : ترى يزن اكبر منك
جاسم زم فمه ورفع حاجب : ماهو موجود وانا اخذ مكانه
ضحك بخفه من خلفهم : ومن قال ماني موجود
التف جاسم بصدمه اما محمد انطلق يضمه وبسعاده : يززن اشتقت لك ياخوووي
ضحك خالد بخفه وناظر جاسم : من اخونا الكبير
جاسم بصدمه : انت متفق معاه وماتكلمت
يزن بعتب : خالد ما اشتقت لي بعد
قرب منه خالد بهدواء وضمه
اما يزن شد عليه وبغصه : لاتكابر ادري اشتقت لي اكثر منهم
ضحك خالد ولمعت عيونه وتبسم محمد وجاسم ماهم مصدقين انهم انجمعو بعد ذي السنين
اخذ محمد التلفون وتبسم : ابوووي
جاسم : والله تاخرنا مالومه
فتح محمد وتبسم : هلاااا يبببه
ابو بندر بعصبيه : وييينك للحين تاخرنا
محمد ناظرهم وضحك بخفه : اجل بنتظرك يبه قدام بابهم مع الشباب
ابو بندر : زين لاتتاخر
قفل محمد وكلاً ناظر الثاني وانطلقوا يجرون للسياره
قعد جاسم ويزن قدام وخالد ومحمد وراء وانطلقوا بها
يزن ضحك بخفه : اخونا الكبير هاه
ضحك جاسم : ترى بيننا شهر لاترفع راسك عليهم
ضحك يزن والتف يناظر الي وراء : كان ودي اكون معاك ياخالد السموحه
تبسم خالد : لاتاخذ بخاطرك ترى محد درى عني
محمد بسخريه : حتى انا ماكلمني اكون شاهد للعقد حقهم
جاسم وتذكر : خاالد كان المفروض امس الليل تاخذ حرمتك للوالد
رفع خالد حاجب بعدم اهميه : انشغلت مره ثانيه
هز جاسم راسه
وقاطع صمته يزن الي مسك كتفه : ترى وانت لزوم تاخذ خطيبتك ذا الشهر ماعندي اجازه طويله
ميل جاسم ببسمه على الكلمه : خطيبتي يازين الكلمه
ضحك محمد : تبي ناخذ الجماعه ونروح اليوم
جاسم تبسم : لا اليوم انت وحدك ويالله نلحق
ضحك خالد : جاسم ان شاء الله الليله او بكره توصلني الاخبار حقها
يزن ناظرهم وتبسم : حقت جاسم لمى وحقت محمد عهد وانت خالد وش اسمها
ابتسم خالد : ابرار
جاسم رفع حاجب : حقي اسمها ليلى
يزن ضحك : ليلى وقيس
تنهد جاسم وناظر البيت قرب : يقول قيس
وقالوا لو تشاء سلوت عنها
فقلتُ لهمْ فانِّي لا أشَاءُ
وكيف وحبُّها عَلِقٌ بقلْبي
كما عَلِقَتْ بِأرْشِيَة ٍ دِلاءُ
لها حبّ تنشّأ في فؤادي
فليس له-وإنْ زُجِرَ- انتِهاءُ
وعاذلة تقطعني ملاماً
وفي زجر العواذل لي بلاء
ضحك محمد : اشك انك تحفظهم لاجل ليلى
خالد صفق : العاشق الابدي
يزن ابتسم : اقول انزلو ترى الباب هناك
نزل خالد ومحمد ويزن مسك يد جاسم لاجل ماينزل
جاسم ناظره : خل الكلام عنك الحين مطول عندنا انت
يزن ناظره بتشديد : جاسم ترى تواصلت مع عمار امس وقال انهم مشغولين خايف عليك ياجاسم
تنهد جاسم وناظر محمد : حتى لو صار وخطبها باقيه لي ماودي اي شي خرب علينا فرحت اليوم ترى بصعوبه نضحك محمد تدري انه منجبر
هز يزن راسه : ايه اتواصل معاهم وادري بالي صار لجل كذا جيتكم بعد ماودي اترككم بذي الاوقات ابد
هز جاسم راسه وقرب خالد منهم رافع حاجبه : بينكم اسرار
تبسم يزن : لا ياصاحب الملامح الحاده نتكلم عن قيس وليلى والى متى
ضحك خالد : تجينا الاخبار لاتخافو
راحو الثلاثه وقربو من ابو بندر وسلمو عليه
ابو بندر ناظرهم بحب : لاتقول ان ذا يزن
تبسم يزن ورفع راسه : اي ياعمي انا يزن
تبسم بسعاده وناظرهم الاربعه : الله يديمكم لبعض اخوان ومايفرقكم شي
جاسم تبسم : امييين يارب
ابو بندر ميل فمه : وعقبااالكم يارب
ضحك خالد : عقبالهم انا عندي حرمه
ابو بندر بعتب : افااا ولاتعزمني
خالد ابتسم : ماصار شي الملكه واخذتها
ابو بندر : وش ذي العجله ياولدي
محمد ابتسم بشقاوه : حالف يسبقني يابوي حتى انا مادريت غير امس
ابو بندر عقد حواجبه : ليه متى ملكة وبنت منهي
ناظر خالد لمحمد وميل فمه : تو ملكة عليه قبل امس اما بنت منهي مايهمني ياعمي
ابو بندر ضيق عيونه : وشلون تعرفت عليها
خالد : انا المحامي لامها على قضية طلاق وعندهم ذي البنت والاثنين رافضين يقبلونها واخذتها انا
انصدم ابو بندر وانصد معاه ابو عهد الي طل عليهم يدخلهم بيته : وشلوون كذا ياخالد
تنهد خالد وابتسم : صار الي صار
ابو عهد : كم عمرها ياولدي
خالد : ١٦ سنه ياعمي
ابو بندر : تووها وشلون ذول يكونو اهل
ابو عهد : وشلون تتزوج ياخالد بزر
خالد رفع حواجبه : تتوقع اني كذا ياعمي طلال
جاسم رفع راسه وبهدواء : خالد متزوجها لاجل تبقى عنده وماتضيع بينهم والحين مكمل دراستها
ابو بندر ابتسم : السموحه ياولدي لكن لاني اشوفك شي كبير ماتوقعتها منك وانت فعلاً رجال
ابو عهد هز راسه : ماتوقعت الا انك رجال لكن عمرها صدمني ياولدي الله يوفقك
التف ابو عهد وابتسم على الجماعه : ارحبو حياكم
دخل الكل المجلس وقعدوا تحت ترحيب ابو عهد وجماعته
محمد قاعد وعن يمينه ابو بندر واخوان حمد
وعن يساره اصدقائه واخوانه
ابو بندر بفخر بولده : صار وقت ياطلال نصير انساب
ضحك طلال بسعاده : اي مو معقول كل ذي السنين صداقه وبس ترى لو عليا وكان عندي ولد بعد ماتركت بناتك ياحمد
تبسم ابو بندر : الله رزقك بنت تسوى الرجال وودنا اليوم نخطبها لمحمد ولدي والله يديم المحبه
ابو عهد هز راسه برضاء : ولو انك تاخرت ياحمد وماتكلمت كان تكلمت انا و زي مايقولون اخطب لبنتك قبل ولدك والرجال قلوا بذا الزمن
ابو بندر بمحبه لصديقه واخوه : وترى كل التجهيزات علينا تدلل وتامر عهد واحنا نلبي
ابو عهد باعتراض : لا ابد ماهو كذا ياخوي لكن ودي اطلب شي من محمد قبل نكمل
محمد رفع راسه بنخوه : سم ياعمي
ابو عهد نزل راسه بحزن ومن ثم رفعه وناظر محمد بحب : انت بحسبة ولدي يامحمد ومن صغرك وانا معجب فيك ومن جبت عهد وانا اتمنى تاخذها انت والحمدلله هذا انت متقدم لها لكن ياولدي ابيك توعدني
هز محمد راسه : والله انك غالي ياعمي بغلاوت ابوي والي تبي انا حاظر
ابو عهد بغصه : ترى ماعندي الا هي وحيدتي اوعدني تسكنها قلبك قبل بيتك انا مابطلب منك تعطيها الخدم لكن عطها اهتمام لاتعطيها هدايا عطها حنان لاتدللها لكن حسسها بالامان وانها اميرتك وماعندك غيرها
بلع محمد ريقه : اوعدك ياعمي مايجيها قصور مني
هز ابو عهد راسه بهدواء وماكان هذا الرد الي يبيه او الي كان متوقعه
نزل جاسم راسه هذي كانت صداقة ابوه بعمه صالح واكيد فرحتهم كانت بتكون اكبر من كذا
ناظره يزن وهمس له : جاسم ركز مع محمد
تنهد جاسم وهز راسه بهدواء
وقف خالد واستاذن يروح الحمام تارك تلفونه ناظر جاسم للتلفون الي لمع بعد قومة خالد
مد جاسم يده يقراء الرساله لاجل مايسمع كلام حمد وطلال وصداقتهم والنسب الي بيكون بينهم
،
ناظر عمار المملك حاس بشي غلط لكن مايقدر يتكلم او يفسر امام سعادة همدان وضحكة اخته
المملك بداء يكتب العقد ويوقع عليه همدان والشهود
همدان التف لعمار بسعاده : عمار وده للمى
ابتسم عمار وهز راسه واخذ العقد وراح لصالة الحريم الي تغطوا قرب من لمى يناظرها بهدواء والي كانت تاركه شعرها خلفها بتموج خفيف وحاطه مكياج خفيف يبرز ملامحها الهاديه والفستان كان راقي بدون اي تطريز وتصميمه يوناني ووالي كان ماسك من الخصر ونازل من الاكتاف شيفون ويلتف حول خصرها
( ان شاء الله فهمتوا :)
قعد عمار واخذ يدها وحط كتاب العقد بيدها : مستعده يالمى تبصمين عليه
ابتسمت لمى وبتوتر : عمار احس بجسمي ينفض اهو عادي صحيح من الفرحه
ارمش عمار مايدري وش يقول وضمها : انتي كبرتي يالمى ولك قراراتك الخاصه انتي تدرين وش الصحيح ووش الخطاء وانا اخوك بكون ساندك باي قرار
ضحكة لمى بسعاده : يالبى قلبك ياخوي
قربت سلوى من لمى ببسمه هاديه : لمى بصمي عليه الحين
هزت لمى راسها بهدواء واخذ عمار يبصم لمى وارتفعت اصوات الزغاريد والمباركه
ضم عمار لمى وغمض عيونه وهمس : مبروك يالغاليه