اخبر عيناك الجميله ان تكف عبثاً بقلبي 🤍

33

حط محمد عهد بغرفتها وبضيق : صار لك شي تاذيتي
عهد ومازالت الصدمه ماثره عليها وبتردد : انا بخير وانت
ناظرها محمد لثواني وهز راسه : خلك هنا لين تنتهي الحفله
تركها محمد ونزل وراح للمجلس وانصدم بشوفة ابوه طايح وجاسم ضامه وابو عهد قاعد قربه بخوف
جرى ناحيتهم واخذ راس ابوه وبخوف : وش صار لبوي
جاسم مسك كتف محمد : بخير لاتخاف الحين يقوم
رفع محمد ابوه وضمه حيل وغمض عيونه
جاسم ناظر للحريم واشر لهن يطلعين
،
دخل خالد غرفة الاستقبال وسحب ابرار لامامه يناظرها بتفحص ويرتب شعرها : تاذيتي
ابرار ودموعها تنزل : لا
خالد ناظر وجهها ومسح دموعها : اجل ليه تبيكي راسك يألمك
هزت ابرار راسها بالرفض : كلام محمد حيل انجرحت عليه اهو يتمنى انه يتيم وانا اتمنى اشوف امي
ضمها خالد لصدره وعقد حواجبه هذا الشعور عنده بعد يتمنى امه ترجع له : كل شي مكتوب لنا ولزوم نرضى بالي الله كاتبه لنا
هزت ابرار راسها وبضيق : روح لهم لاتتركهم لاتخلي محمد وحيد
هز خالد راسه وعقد حواجبه : وانتي بتكوني بخير صح
ابتسمت ابرار من وسط دموعها : اي روح لهم
تركها خالد وطلع ودخل المجلس وانصدم بالي يصير
اشر جاسم لخالد يطمنه وقرب منه وهمس : صارت له ازمه قلبيه لكن الحمدلله لحقته بالعلاج قبل يصير شي خطير
خالد تنهد وبحقد : متى يجي الصباح واشفي غليلي
جاسم هز راسه : لا تتهور لين نشوف الوضع
دخل يزن بعد ماتاكد ان مافيه حريم : المملك منتظر وقع يامحمد وعطو عهد توقع
جاسم ناظر خالد : خلك عند محمد لين يتم وانا ويزن بناخذ عمي حمد للمشفى نتاكد من سلامته
وقف محمد باعتراض : بروح مع ابوي
مسك طلال صدره وحس بنغزه في قلبه وضاق عليه النفس
جرى له يزن وبقلق : هدي اعصابك ياعمي وحاول تتنفس ببطئ
التف يزن يناظر للواقفين : مافيه مهدي اعصاب
هزت ام عهد راسها بالرفض ودموعها تنزل : لا مافيه
قعد جاسم خلف ابو عهد وتركه يستند عليه ويميل لاجل تتفكك اعصابه : يزن وش نسوي
قعد يزن قدام ابو عهد يدلك له صدره لين رد النفس لابو عهد
خالد عقد حواجبه : اذا تبون رائيي محمد يملك وياخذ عهد اليوم وبكره يسافرون عمي طلال وزوجته وعمي حمد وجمال
محمد ناظره بصدمه : وانا بسافر معاهم واذا على عهد باخذها بعد
ابو طلال بتعب : لا يامحمد ياولدي انت لزوم تمسك شركة ابوك وشركتي وعهد بتكون بامانتك لاجل اتعالج وانا مرتاح انا وحمد
محمد بقلق : لكن ياعمي لو احتجتو لشي
يزن عقد حواجبه : ام عهد وجمال بيكونو معاهم وغير كذا بحجز لهم لايطاليا وابوي بيستقبلهم ويكون معاهم
هز محمد راسه بضيييق وضم ابوه اكثر
قرب جاسم ومسك كتف محمد : اشتد يامحمد عمي حمد وعمي طلال واثقين فيك خلك قد الثقه
هز محمد راسه وميل فمه بسخريه : بكون قد الثقه
ضغط عليه جاسم وقرب يزن منهم وحملو ابو بندر وانطلقوا فيه للمشفى
قرب خالد ووقف ابو عهد : الملكه الحين اشتد ياعمي
هز ابو عهد راسه وناظر محمد وبرجاء : تكفى يامحمد انا واثق فيك بنيتي بذمتك من الليله وانا بسافر اتعالج ومرتاح انها معاك
قرب محمد وضم عمه : اوعدك ياعمي مايمسها مني شر ريح بالك وتعالج زين وارجع لنا انت وابوي مالي غنى عنكم
خالد عقد حواجبه : ام عهد غطي عهد وابرار زوجتي وخلكن قرب الباب لين ينادي المملك
ام عهد بصوت باكي : الحين ياولدي
اخذ خالد يساعد طلال ومحمد يجر رجوله جر للمجلس
وقف المملك وناظر الي باقيين وماكنا غير محمد وخالد وجمال وبدر وبندر الي مغمى عليه من الضرب الي جاه
وابو عهد وعمها وخالها الي مو راضيين ابد عن الي يصير
واعمام محمد الي سود وجههم بضيق والود ودهم يروحو
وعمار وهمدان الي يناظر الي يصير بسخريه
خالد بحده : بسم الله وش منتظر
هز المملك راسه : بسم الله وعلى سنة نبينا محمد وقدام الجميع بنملك اليوم لمحمد حمد ال...... على عهد طلال ال....... امام الجميع والكل يشهد على موافقتهم
الاخ محمد حمد ال...... انت موافق على زواجك من عهد طلال ال...... وبجميع قواك العقليه
محمد هز راسه : ايه اوفق وبجميع قوايا العقليه
المملك رفع صوته : الاخت عهد طلال ال....... موافقه على زوجك من محمد حمد ال...... وبجميع قواك العقليه
عهد نزلت دموعها وتحاول تقاوم : اي موافقه وبجميع قوايا العقليه
المملك : ابو عهد موافق على موافقة بنتك من زواجها على محمد حمد ال.......
ابو عهد ابتسم : ايه موافق
المملك : من الشاهدين
خالد طلع بطاقته : انا شاهد
عمار طلع بطاقته : وانا شاهد
المملك اخذ كتاب الملكه وعطى محمد : وقع عليه
وقع محمد وبصم واخذه ابو عهد ووقع وبصم
ومن ثم خالد وبعده عمار
المملك : ودوه لعهد تبصم وتوقع
اخذه خالد وطلع وناظر للحريم : خذي ابرار عطيه عهد توقع وتبصم
اخذته ابرار متبسمه وقربت من عهد : دورك
ناظرت عهد على بصمة وتوقيع ابوها ومحمد ونزلت دموعها اكثر رفعت يديها ترجف وبتردد : مقدر يدي ترجف
ابرار قعدة عهد على الارض وحطت كتاب الملكه بحضنها : لاتتراجعي بعد كل الي حصل انتي قويه ياعهد
اخذت عهد القلم ووقعت وشهقة بقوه ومصيرها انربط بمحمد
ثم اخذت تبصم وهنا انهارت عهد تبكي
خالد بحده : ترى محمد بذمتك لاتنزلين دموعك وتخوفين اهلك محمد ضعيف بالحيل ويكفيه الي فيه ماهو ناقص بعد
اخذ خالد كتاب الملكه ودخل للمملك
المملك : الحمدلله التي بنعمته تتم الصالحات الفاتحه
رفع الكل يديه يقراء الفاتحه متمنيين تكون اخر المشاكل
وقف محمد وسلم على عمه طلال : والحين عن اذنك ياعمي بروح لبوي
مسك ابو عهد كتفه : وانا معاكم ماني تارك صديقي
وقف عمار وقرب من خالد وبهدواء : خالد تحتاجون شي
ناظره خالد بحده : لو انك توصل محمد وابو عهد للمشفى وانا بروح احجز لهم اقرب رحله
هز عمار راسه : تم
اشر خالد لجمال : تعال انت معي وانت بدر خذ بندر وشوف وين توديه لبكره الصباح المهم مايغيب عن عيونك
هز بدر راسه واخذ بندر وقفه واخذه معاه
عمار ساعد ابو عهد واخذه لسيارته وراح معاه محمد
خالد بهدواء : السموحه على الي صار لكن انتهت الحفله
طلع البقيه بعدم رضى على الي يصير
خالد : جمال عندك جواز عمي حمد
جمال : ايه اخذت منه اغارضه قبل ياخذونه جاسم ويزن
تنهد خالد : زين كذا
طلع خالد وجمال انطلق لسيارة خالد ينتظره
خالد ناظر الحريم : ام عهد ممكن جوازك انتي وعمي طلال
وقفت عهد بصدمه : لييه
راحت ام عهد تجيبهم وابرار مسكت عهد
خالد رفع حاجب : ابوك تعبان ولاجل كذا انتي بياخذك محمد اليوم واقرب طايره بيسافرون عمي طلال وزوجته وعمي حمد وجمال ولده
عهد ومنهاره : وليه مانروح انا ومحمد انا مع ابوي وهو مع عمي حمد
خالد بحده : محمد لزوم يمسك شركة عمي حمد وشركة عمي طلال
هزت عهد راسها بالنفي : لاا ماني قاعده مع محمد بروح مع ابوي
قربت ام عهد وعطت خالد جوازها وجواز طلال : تفضل ياولدي
خالد تنهد : جهزي الثياب ياعمه وعقلي بنتك
التف خالد وناظر ام جاسم : خلك يالغاليه مع ابرار لين نرجع لكم
ام عمار : وعمار وهمدان وين راحو
خالد رفع حاجب : مادري عن همدان لكن عمار اخذ محمد وعمي طلال للمشفى اتنظري هنا والدار دارك
هزت ام عمار راسها برضى ولمى واقفه قربها بهدواء
راح خالد لسيارته وناظر جمال : السفر لايطاليا بنحجز الرحله وتروح تجهز ثيابك وثياب عمي حمد
جمال وخايف على ابوه : زين ومحمد اخوي لاتتركه ياخالد
خالد ابتسم بحنيه : متى تركنا محمد ياجمال المهم انت تنتبه على عمي حمد واثقين فيك
هز جمال راسه وبقلق : وبندر
خالد ببرود : السجن يربيه والكلام مايوصل عمي حمد
جمال تنهد : يكون احسن بدال نترقب مشكله جديده