اخبر عيناك الجميله ان تكف عبثاً بقلبي 🤍

38

عند لمى الي صحت ومبين الحزن بملامحها
نزلت للصاله وبهدواء : يمه
ضمها عمار بضحك : وش عندك
لمى وزعلانه من عمار : وين امي
عمار رفع حاجب : مو معقوووول لمى زعلانه مني
لمى لفت وجهها بعناد : يمه
ضحك عمار بتعجب : لمى لو انك تنتبهين هذي اول مره تزعلين مني
لمى كتفت يدينها : عمار من جد وش له داعي تمنعني من عهد تراه بيت محمد مو بيت جاسم
تاملها عمار بهدواء وبعدها نطق : والله وصار فيه تغيرات من دخل جاسم حياتك
لمى رمشت بصدمه : وش دخل
عمار مسك يدها وسحبها معاه للكنب : من متى كنتي تزعلين مني او تعصبي
لمى بتردد : لكن عمار ودي اتطمن على عهد كانت حزينه
عمار تنهد : لمى لما تقابلتي مع عهد وزوجة خالد وش الكلام الي دار بينكن
لمى بتوتر : كلام عادي
عمار مسك كفوفها : ماسالوك عن جاسم وعن الي سواه بخطبة عهد ماسالوك عن اسمك ليلى لو لمى
بلعة لمى ريقها ونزلت راسها : اي
عمار بحنيه : ماحاولو يقولون لك ترجعين لجاسم
لمى بنفس الوضع : اي
عمار ميل فمه : شفتي شلون زوجة خالد وزوجة محمد يدرون بالي يعاني منه جاسم وبيحاولو يفهمونك وانا ماودي حد ياثر عليك بقرارك
رفعت لمى راسه وابتسمت بخجل : الي مكتوب لي بيصير
قاطع حديثهم دخول همدان بجنون : عمااار
وقف عمار بصدمه من جنون همدان على الصباح : خير
همدان بعصبيه : الحيوووان الي قلت انه متفهم ومابيجبرني اترك لمى رافع قضيه على راسي
عمار ناظر لمى والتف يناظر همدان بعتب : انت غلطان ماقلت لك تستفزه امس قدام الناس
همدان بجنووون : ولمى مااااتبيه شلون ياخذها اجبااار
لمى وقفت وضمت يديها بخوف : همدان ماكنت كذا وش غيرك
همدان بحده : غيرني الزفت الي مايتسمى تركك علشانك عمياء ولين طلع فيه امل تردي تشوفين يبي ياخذك اجبار
لمى عقدة حواجبها : ماتركني كان طفل وقتها وامه الي تكلمت من راسها
همدان بحده : وعاااجبك ان امه رافضتك
لمى بعصبيه : همداان حتى خالتي سلوى ماتبيني حالها حال ام جاسم
همدان بصدمه وبصوت مرفوع : والله وتغيرتي يالمى ليكون انزعجتي على جاسم الزفت
لمى قبضة يديها بضيق وزعل : وانت ماتغيرت ياهمدان مثل ما انت تغيرت انا تغيرت وجاسم الزفت ماشفت منه غير كل خير ولو انك ما استفزيته ماكان بيصير شي وانا اخترتك انت ما اخترته اهو
نزلت دموع لمى : لكن خاب ظني فيك
التفت لمى متجهه للسلالم
وقبل يتكلم همدان قاطعه عمار بحده : همدااان يكفي الي قلته وبدال تطلع جنونك على لمى تعال نشوف وش بنسوي في المحكمه
قلب همدان الطاوله بجنون بالي فيها من مزهريه وورود وكاسات وكل شي تحول لقطع صغيره
تنهد عمار ونادى الشغاله تنضف المكان وراح وراء همدان
،
في الكافي عند الاصدقاء الي يضحكون
قطع ضحكهم رساله بتلفون خالد الي ناظرها وضحك
محمد رفع حاجب : خيييير صاير اليوم توزع ضحكات
خالد رفع حواجبه : حسسسد
جاسم الي منتظر من خالد يبشره : خيير
خالد تنهد ببسمه : ابرار تقول جوعانه هدي بالك كل شي بيصير وبيطيح همدان عند رجولك
يزن ناظر خالد : وشلون تتركها جوعانه
خالد رفع حاجب : صدمتني وطلعت ونسيت كل شي
محمد تبسم : وش مسويه
خالد تذكر وضحك بخفه : تقول مابتدرس ولابتطلع من البيت وبتبقى عندي لين تموت غصب عني
ضحك الثلاثه وخالد للحين متبسم : والله قعدت دقيقه منصدم وبعدها طلعت وعقلي مو معي ابد
جاسم يمسح عيونه : ناويه عليك ياخالد ماهي هينه ذي البزر
محمد يضحك من قلب ويحس حاله بخيير لما يجتمع معاهم : كنت تعطيها حلوى تهدي اعصابها
يزن عدل قعدته يحاول يلم ضحكته : والله تطورات ماعاد بتكون بنتك بتصير زوجتك
خالد ضحك من ثم تنهد : والله محتار وشلون اتعامل معاها
وصلت محمد رساله وناظر تلفونه وتوسعت عيونه بصدمه : لااااا ياعههههد
ناظروه الثلاثه بغرابه جاسم عقد حواجبه : وش صاير
محمد ناظرهم مصدوم ورد لف التلفون لهم
وكانت عهد جامعه الثياب في وسط الحديقه تحرقهم
خالد حد عيونه بغرابه : ذي ثيابها
محمد حط يده على راسه : ذي ثياب الجوهره يوم جتني زعلانه من زوجها وخافت تروح عند امي
ضحك جاااسم وانعطف على بطنه
وخالد حط يدينه على وجهه ويضحك من قلب
يزن هز راسه يحاول يوقف الضحك : ليلتك سوداء يامحمد
خالد ويالله يتكلم : اهي من اول كانت تشك فيك والحين تاكدت وبتحرقك وراهم
جاسم ياخذ كم نفس يهدي فيه : والله مستحيل تقتنع انها ثياب اختك واهي كانت تشك فيك
ضحك محمد على حاله وعلى الورطه : باين انها تحترق مو بس تحرق الثياب
يزن بجديه : دامها ماتبيك ليه تسوي كذا بكل الاحوال بتفترقون لين يرد عمي طلال
محمد مبتسم بتعب : وش يدريني بها
رن تلفون جاسم ورفعه وناظر الاسم وضحك : والله همدان الي قاعد يحترق
رد جاسم والضحكة بصوته : هلااا عمار
عمار ميل فمه على ضحكة جاسم والسعاده الي بصوته : هلا جاسم ممكن نلتقي الحين
جاسم رفع حاجب : ايييه اتفقنا امس نلتقي تعال حياك
عمار ابتسم : وينكم
جاسم ناظر المكان : قريب منك في الكوفي ........
عمار تنهد : دقيقه وانا عندك انا قربه
قفل جاسم التلفون وابتسم بنصر : فعلها ياخالد
خالد ضحك بخفه : غريبه مارسلي
جاسم بنظرات نصر : المهم انه فعلها همدان يشب نااار
يزن هز راسه : هذا عمار جايينا
قرب منهم عمار مبتسم بخفه : اخباركم
يزن ابتسم : بخير وفي خير
عمار غمز لمحمد : هاه نقول مبروك
ضحك محمد : قول قول
ضحك عمار : مبروووك وعقبال نشوف عيالك
ضحك محمد متخيل جنون عهد بحرق الثياب : ان شاء الله ليه لا
التف عمار يناظر جاسم الي البسمه شاقه وجهه : فعلتها ياجاسم
جاسم ماقدر يكتم ضحكته وضحك من قلب : وش حال همدان
هز عمار راسه : وش تتوقع
اخذ جاسم نفس عميييق : خله يحترق
اخذ عمار كرسي وقعد مابين جاسم وخالد : جاسم انت قلت انك بتقتنع بقرار لمى
جاسم رفع حاجب والبسمه للحين على وجهه : غيرت رائيي
عمار بجديه : جاسم ترى لمى مو لعبه
جاسم بحده : لييلى لي وانتم عاد بكيفكم
خالد حط يده بكتف عمار وميل فمه : وترى الدور ماشي على الجميع فرجعوا ليلى لجاسم قبل يجيكم الدور
عمار ناظر خالد ورفع حاجب : الي سجله نظيف مايخاف
محمد ضحك : صحيح ان سجلك نظيف لكن اخوالك غارقين فيها
عمار ناظر جاسم وبهدواء : جاسم اذا انت على استفزاز همدان امس امسحها بوجهي
ضحك جاسم اشوي ورفع حاجب : وجهك محشوم لكن ماني متنازل عن ليلى ولا عن القضيه
عقد عمار حواجبه : شلون يعني
جاسم ببرود : باخذ ليلى وهمدان خله يحترق
عمار عقد حواجبه : يعني مابتتنازل عن القضيه حتى لو تاخذ لمى
هز جاسم راسه ببرود
يزن تنهد : عمار ليلى لجاسم من انولدت والكل يدري وكلمة ام جاسم مايعني النهايه وجاسم شاريها فماله داعي نوصلها لابعد من كذا نختصرها ونعطيه خطيبته
عمار شتت عيونه وبهدواء ناظر جاسم : جاسم ادري انك شاريها ورجال يعتمد عليك وانا واثق اني اعطيك لمى بتحطها بعيونك لكن لمى اذا اخذتها اجبار مابتعطيك قلبها
يزن ببرود يناظر فنجان القهوه : معليك بتلين مع الايام
هز عمار راسه : اجل بجمع اخوالي ونتكلم وبكره يكون لنا كلام
جاسم رجع ظهره للخلف ورفع راسه بسخريه : الليله يطلقها او بكره يوصلكم بلاغ من المحكمه
عمار ميل فمه بضحكة : يصير خير
راح عمار تحت نظراتهم الحاده والساخره
رن تلفون خالد وابتسم بهدواء : هلا
ابرار بعصبيه : قلت لك جوعااااانه والمطبخ فاضي
خالد بحده : وجع لاترفعين صوتك قلت طيب
ابرار بعناد : طيييب من ساعه قايلها
خالد غمض عيونه يهدي اعصابه : جايك الحين
قفل خالد التلفون بوجهها ووقف : بروح اودي لها اكل وبعدها بنطلق لشركة عمي طلال
وقف جاسم : ود لها اكل مو تاكلها بعصبيتك تراها صغيره
ميل خالد فمه بسخريه : صغيره تبي تربيه
تنهد جاسم وضحك : وانا بتحرك لشركة عمي حمد
وقف محمد : بروح معك
وقف يزن ومسك يد محمد : لا احنا لنا موعد وغير كذا روح تطمن على بيتك اخاف محرقته كله
ضحك محمد : خلها تحترق معاه
يزن رفع حاجب : اجل تعال نضرب الابره ترى وجهك باهت من الحمى
محمد بابتسامه صفراء : الموضه ذي
خالد رفع يدينه مستسلم : انا بهرب ذي المره عليك يزن
راح خالد يضحك ومتوعد بابرار
جاسم هز راسه : والله ما اقدر اقول غير الله يعينك
انسحب جاسم وراح ويزن ناظر محمد بحده : وشلون
محمد برجاء : يزززن رجيتك نروح للشركات نساعدهم
يزن ونادر مايكون معصب : ولاكلمه زياده بنروح المشفى تحرك قدامي
انصدم محمد من عصبية يزن العاقل وراح معه بهدواء