اخبر عيناك الجميله ان تكف عبثاً بقلبي 🤍

19

دخل محمد بيته ويحس مختنق من كل شي رمش عيونه بهدواء يقلبهن على زوايا بيته وخانته دمعه حزينه
: بسببك يمه عشت وحيد بسببك يمه صار حالي حال خالد الي امه متوفيه
قعد محمد على اقرب كنب واخذ نفس عميق يبلع غصته : وش هو حنان الام وشلون عندي ام ومادري عنه ليه يمه ماكنتي مثل ام جاسم وش كان بيصير او لان جاسم وحيد واحنا كثرنا عليك يمه
امتد محمد على الكنب ضم حاله وغمض عيونه ونزلت دمعة قهر وراح محمد بالاحلام علها تواسيه شوي
،
قعدت لمى بعد ماراح عمار مع همدان الشركه
تحسست لمى على خدودها وبخجل : وشلون همدان يخطبني معقول يحبني
نزلت راسها وشتت عيونها بالظلام الي تناظره : كنت احسبه شفقان عليا ومثل عمار
وقفت لمى وتركت شعرها يتحرر وتلمسته برقه : صار شعري طويل وناعم لكن شلون وجهي حلو او يتخيل لي
بلعت لمى ريقها وعضت شفاتها : شلون شافني همدان في المطبخ وشلون ثيابي والوانهم
اخذت نفس عميق ونادت بصوت مرتفع : دارين دارررين
دخلت داري غرفة لمى تتبسم لها بحنيه : نعم انسه
لمى بخجل : شلون ثيابي دارين
ناظرتها دارين بتفحص : حلو جداً انسه لمى
لمى بفضول : وش الوانهم دارين
تبسمت دارين : جنز اسود وتيشرت اصفر
هزت لمى راسها بخجل وتبسمت : الحين طلعي تنوره واسعه دم الغزال وقميص اسود وشيله مثل لون التنوره
دارين : اوك انسه لمى
جهزت دارين الثياب وحطتهم على السرير : اساعدك انسه بتغيير الثياب
لمى بخجل : لا لكن ابيك تسوين لي روج وردي خفيف مايبين يعني
ضحكة دارين بخفه : اوك انسه لمى
،
وقف عمار امام همدان وقعد على مكتبه وبفضول : همدان وش قالت لك لمى لما قلت لها انك خاطبها
رفع همدان حاجب وناظر عمار بحده : قلت لك ممنوع تقعد على مكتبي انزل الكراسي مليان
نزل عمار بطفش : زين وش قالت
همدان ميل فمه : قلت لها لما وقفت وانت فتحت الباب واخذتها مالحقت البنت تتكلم
عمار تنهد : خالتي سلوى مو راضيه صح
همدان حد عيونه ورد يناظر الاوراق
عمار بجديه : همداان ترى مالوم خالتي سلوى انت ولدها الوحيد وشلون بتتقبل انك تاخذ لمى كلنا ندري بذا الشي
همدان بحده : عماار ذا الشي يخصني وانا ودي بالمى
عمار تضايق : همدان لزوم تحط ببالك ان نجاح العمليه ماهو مضمون ميه بالميه
همدان وقف ورمى الاوراق وبعصبيه : ومن قال ودي تنجح العمليه علشاني ، انا باخذها بكل الاحول وعاجبتني لمى كذا بدون تناظر
انصدم عمار وماتوقع ان همدان بيعصب كذا او يحب لمى لذي الدرجه اخذ عمار نفس عميق وبهدواء : انتظر رد لمى
التف عمار وطلع من مكتب همدان بهدواء
اما همدان غمض عيونه بعصبيه وقبض يده بقوه وضربها بالمكتب وبحده : وشلون اتركه ياخذك مني يالمى وشلون
طلع همدان من المكتب والشركه بكبرها واتجه لسيارته منطلق فيها بجنون
،
تبسمت ام جاسم بحنان : يازينك ربي يحفظك
نزلت ابرار راسها بخجل : ومايحرمنا منك يالغاليه
ضحكت ام جاسم : خالد معلمها وش تناديني
تبسم خالد : لا والله ماقلت لها وش اناديك
ابرار بتعجب : وش هو
خالد ابتسم لها : انا دوم اناديها بالغاليه
توسعت ابتسامت ابرار على المصادفه : صدفه
ام جاسم بسعاده : ربي يجمع بينكم على خير ومايفرقكم
نزلت ابرار راسها بخجل وتبسم خالد وعيونه عليها : امين يارب
جاسم من قرب الباب : خااالد تعاال ياخوي
طلع خالد وناظره والبسمه مرسومه على فمه : هلاا
جاسم رفع حاجب : ماكنت تتبسم كثير من قبل صدق ان الزواج يغير
خالد رفع حاجب : عسى خير دوم لما اقعد مع الغاليه اتبسم وين الجديد وبعدين كم صار لي مع ابرار ماهي الا ليله
جاسم تنهد : ومن امس وانت تضحك وتتبسم
خالد ميل فمه : اتصدق عليك انت ومحمد
ضحك جاسم : تو تدري ان البسمه صدقه وينك من زمان عن المعلومه ذي
خالد ضحك : وش تبي انت
ناظر جاسم للبعيد : ودي بمعلومات عن ليلى وعمها واخوالها تقدر ياخوي
هز خالد راسه وناظره باهتمام : اكيد لاتشيل هم انت
تنهد جاسم وناظره بقلق : مدري ليه احس بشي لكن مدري وش هو
خالد حط كفه بكتف جاسم : لاتقلق ربي رجع ليلى لدربك مو صدفه هذا قدر
هز جاسم راسه بهدواء : تتوقع شلون محمد
خالد تنهد : مدري خايف عليه يتوهق ببنت طلال
هز جاسم راسه : اجل انت رد لامي وحرمتك وانا بروح اتطمن عليه
خالد عقد حواجبه : وطمني عليه لاتنسى زين
جاسم : زين لاتقلق
راح خالد دخل البيت وجاسم اتجه لسيارته اخذ التلفون واتصل برقم محمد لكنه رن و رن لين فصل
عقد جاسم حواجبه بقلق : وينه اول مره مايرد
اتصل مره ثانيه و رن لين فصل
بداء جاسم يقلق و دور على رقم اخوان محمد لين لقى رقم جمال
جمال ببحه : هلا جاسم
جاسم بهدواء : هلا والله اخبارك جمال
جمال بغرابه : بخير اسال عنك علومك
جاسم : بخير ياوجه الخير
جمال : عسى خير وش عندك متصل لي
تبسم جاسم : اا اسال على عمي حمد انت قربه
جمال عقد حواجبه : لا ماني قربه
جاسم : اجل من قربه
جمال : بدر ليه رايح لهناك
جاسم : اا اييه قلت بمر اطمن على عمي حمد واخذ محمد شوي
جمال تنهد بحزن : محمد ماهو عند ابوي انت ما تواصلت معه اليوم
جاسم بقلق : بلى كنا مع بعض لكن عمي حمد متصله وقاله يروح
جمال تنهد : اجل محمد ما اتصلك من بعد الظهر
جاسم : خييير جمال وينه محمد
جمال بقهر : محمد صار له كف تلاقيه ببيته اكيد روح تتطمن عليه وغير جوه
جاسم تنهد بحزن : لاحووول مع السلامه جمال ازعجتك
جمال : لا ابد اسعدتني بروحتك لمحمد لانه منعني اروح معاه
جاسم : لاتقلق جمال انا بطريقي له
جمال : اجل في امان الله
جاسم : مع السلامه
سكر جاسم التلفون وقبض يده بقوه وضرب الدركسون ااااخ ياجعل يدها للكسر وش ذي من ام ذي مصيبه ذي مرت اب
اخذ التلفون كتب رساله نصيه
ودعس على البنزين وانطلق بسرعه متجه لشقة محمد
،
دخل همدان حديقة الفلل واتجه لفلة عمته عبير وناظر دارين بعصبيه : هيه انتي وين لمى
دارين بخوف : عند فناء الازهار خلف الفلة
همدان بحده : ووين كنتي يابقره لما لمى انجرحت في المطبخ
دارين والدموع تنزل : كنت اشتري في السوبر ماركت
اخذ همدان نفس عميق : اخر مره تتركي لمى بحالها فاهمه
هزت دارين راسها بخوف وانطلقت تجري لما اشر لها همدان تبتعد
اما همدان انتظر اشوي يهدي اعصابه وراح لخلف الفلة وناظر لمى بين الزهور تتلمسها برقه قرب منها وناظر لها عاقد حواجبه : ليه ماترتاحي بغرفتك
لمى تبسمت برقه والتفت له : طفشت من الراحه ياهمدان لكن انت ليه معصب
كح همدان يعدل نبرة صوته : لا ماني معصب ليه طفشانه البنات وين راحو
لمى تبسمت : لاتحاول تخفي عصبيتك بنبرة صوتك وش عندك
اخذ همدان نفس عميق : شي في الشغل عصبت عليه ليه وحدك يالمى وين البنات
لمى تحركت تمشي بهدواء : عندهن اختبارات وقاعدات يراجعن
همدان يمشي معاها بهدواء وعيونه تتاملها : وانتي ليه ماتراجعي
لمى تنهدت : راجعت وكملت وحتى لو رسبت عادي ماتفرق
همدان : تفائلي خير بتسوين العمليه وتردي تدرسي الجامعه
لمى وقفت ونزلت راسها بحزن : ويمكن تفشل العمليه وابقى كذا للابد لاجل كذا ياهمدان ماودي تتوهق فيني وانت الف بنت تتمناك
همدان قلب عليونه للبعيد يمسك عصبيته : لمى انا لما احاول وادور افضل الاطباء لك علشان تناظري الحياه وتعيشيها ماهو علشان اتزوجك انا يالمى ودي فيك وبنسبه لي عاجبتني كذا ماتشوفي حد
احرجت لمى وبخجل : همدان الي يشوف والي مايشوف مايستوون
قاطعها همدان قبل تكمل ولفها له وناظر وجهها وتبسم على الروج الي اول مره تسويه : عندي انتي تسوين كل البنات
نزلت لمى راسها بخجل والتفت تهرب من همدان لكن داست على حافة الممشى الي بين الزهور ومالت تطيح
وكانت يد همدان اسرع شدها من يدها لصدره وتبسم لما حطت لمى يدينها على صدره : انتبهي قبل تجري
ابتعدت لمى عنه خطوتين وضمت حالها بخجل ونزلت راسها : همدااان
ضحك همدان وعيونه مافارقتها : لبيه ياحرمت همدان
لمى توسعت عيونها من الي قاله : همدااان تونا
همدان صفق بيدينه : يعني موافقه
نزلت لمى راسها وماتكلمت وماهي عارفه وش تسوي او وين تروح
همدان تنهد بحب : الصمت علامة الرضاء الليله الخطوبه اجل
لمى بهمس وراسها للارض : لاا بدرري بكره على الاقل
ضحك همدان بفرحه والود وده يقفز يضمها : تم الي تبيه ياحرمت همدان اجل بكره الخطوبه والعقد وماودي ابد اعتراض
اكتفت لمى بالصمت وهمدان طاير من الفرحه وبصوت مرتفع : داررررين
جتهم دارين تركض بخوف من همدان الي اول مره تشوفه بذي السعاده : هلا طال عمرك
همدان ناظرها مبتسم : لاتتركي لمى بحالها لين توصلينها لغرفتها زين
دارين مستغربه : تامر
ناظر همدان لمى وتبسم : لمى امسحي الي على شفايفك وبكره سويه
راح همدان يضحك ولمى تتمنى الارض تنشق وتبلعها من الخجل
دارين ناظرتها وهمست لها : وش صار
لمى تلمست خدودها وتحسهم نار : خطبني ويبي العقد بكره يادارين
دارين بفرحه : الف مبرووك
اخذت دارين يد لمى واتجهت فيها لغرفتها بسعاده