اخبر عيناك الجميله ان تكف عبثاً بقلبي 🤍

24

انطلق جاسم لبيته واصدقائه فضلوا الصمت طول الطريق لاجل يهداء جاسم
وقف السياره بقوه عند باب بيته ودخل منطلق يدور على امه بجنون : يممه يمه
دخل اصدقائه وراه وكان خالد يسبقهم لجل يتاكد من ابرار وفعلاً لقاها وانطلق واقف امامها مخبيها وراء ظهره العريض : ماعندك حجاب انتي
تمسكت ابرار بخالد من وراه بخوف وهمست : وش صار
طلت ام جاسم تناظر بفزع جنون ولدها : جاسم وش صار
جاسم بجنون : لييييه يمممه ليييه ليلى راااحت بسببك
ام جاسم بضعف والي تحاول تفهم : وين راحت
جاسم بعصبيه : خذااااه الحيواان الززفت ملك عليهاااا وانا وقلبي بستين داااهيه تركتيها يمه تروووح
نزلت دموع ام جاسم وهزت راسها بالنفي : مالي ذنب ياجاسم
جاسم ناظرها بضعف : وشلووون مااالك ذنب ليه تلغي الخطبه لييييه
قرب يزن وسند ام جاسم وناظر جاسم بعتب : صار وانتهى ياجاسم الحين نبي حل مو عصبيه
قرب محمد من خالد ومعطيه ظهره وعطاه الشماغ : حطه على شعر البزر وتعال نطلع جاسم
اخذ خالد الشماغ والتف يناظر ابرار وملامحه حاااده : غطي شعرك احنا بنروح بيت محمد وانتي قعدي الليله بعد عند الغاليه وانتبهي عليها واذا صار اي شي تتصلين لي فاهمه
ابرار بخوف من ملامحه الي اول مره تشوفه بذي الحده : زين تامر
قرب خالد ومحمد من جاسم يسحبونه لبراء البيت اما يزن قعد ام جاسم على الكنب وبحنيه : لاتاخذي بخاطرك منه تراه من حرقت قلبه يالغاليه
ام جاسم بدموع تتامله : يزن يززن انت صح
هز يزن راسه : اي يالغاليه ارتاحي الحين وانا بروح مع جاسم وبرد اتطمن عليك بكره ونقعد زين
هزت ام جاسم راسها بخوف على جاسم : روح يمه لاتترك جاسم اخاف يصير له شي
طمنها يزن وراح يجري خلفهم
واكتفت ابرار بالنظر وتحاول تجمع وش الي صار  تحت بكاء ام جاسم الي الندم تملكها بقوه
،
ببيت محمد وكلاً قاعد بكنب يناظر الفراغ ويفكر باي شي
محمد بقهر على جاسم : جاسم اقدر اخسرهم الصفقه وبيحسون بالضغط
هز جاسم راسه : همدان مايهمه الصفقه وبس
خالد والي يحيك شباك على همدان ويبي بس يمسك طرف خيط وقف واخذ جواله وطلع واتصل بعدت ارقام
اما يزن اخذ جواله واتصل بوالده : هلا يبه
ابو يزن بحب : هلا عسى لحقت عليهم
تبسم يزن : اييه لحقت لكن يبه حصل شي وودي اسالك عن شركة ال.......
ابو يزن : اييه لو انك اشتغلت معي بالشركه كان مايحتاج تسالني هذي الشركة للاخوان منصور وسعد
يزن ميل فمه بحده : بذاااتهم وصفااتهم يبه
ابو يزن بغرابه : وش صار يزن وش تبي فيهم
يزن بسخريه : ودي يبه يضيق حالهم وش بين شركتنا وشركتهم
ابو يزن بحده : يزن وش مسويين لك ترى والله اهدهم ماهو اضيق حالهم وبس
يزن ابتسم بفخر : فدييت خشمك يابوي بكلمك بعدين بالسالفه بس ابيك الحين تحسسهم بالتهديدد
ابتسم ابو يزن : الحين ولاعليك تراهم بدوني مايقوون انا الي اصدر لهم
هز يزن راسه بخبث : زين يبه اتفقنا اجل استاذنك
قفل يزن وناظرهم بخبث : بنبداء من الحين نتحرك ونروح بكره وعندهم خلفيه عن الي بيصير لهم
ابتسم محمد ورفع خشمه : بيوطون لنا لاتخاف ياجاسم
اخذ محمد تلفونه واتصل للوالد : يبه
ابو بندر بقلق : طمن عسى خير
تنهد محمد : الخير بوجهك يالغالي الصفقه الي بيننا وبين شركة ال...... للحين مادفعنا لهم صحيح
ابو بندر بغرابه : لا الاتفاق ندفع لما تكون بضاعتنا قدام عيوننا ماندفع على سمك في البحر
ضحك محمد بنصر : اجل يبه عطهم رساله قولهم بتعيد التفكير بالعقد
ابو بندر عقد حواجبه : ليه ياولدي خساره عليهم البضاعه وصلتهم اليوم وبكره المفروض نسلم ونستلم
محمد بعصبيه : اخذو ليلى من جاسم يبه مانفذو الوصيه واخذها ولد سعد وانت بتقولهم كذا واهم بيفهمون ان مالهم حل انت من جهه وعمي سلطان ابو يزن من جهه وخالد من جهه مابيقدرو يتحركو ابد غير بالي نبيه
ضحك ابو بندر : قول لجاسم يبشر واي شي يبيه حنا له
محمد ابتسم : هذا ابوي الفخر
قفل محمد وغمز ليزن : جاهم الهم
دخل خالد عليهم وناظرهم محمد ويزن مبتسمين رفع حاجبه بحده : عسى خير
يزن ابتسم على ملامح خالد العابسه : الخير بوجهك عمي حمد بيسحب عليهم وابوي بعد بيسحب عليهم
ميل خالد فمه : عندهم شراكات معاهم
محمد هز راسه : لا طبعاً لكن بيننا صفقه نبي كمية حديد كبيره من برى وتعاقدنا معاهم وطبعاً ماندفع غير لما توصل بضاعتنا واليوم وصلت عندهم لكن ابوي بيسحب
ضحك خالد بخفه : صفقة حديد ضربه قويه
يزن ابتسم بهدواء : اما ابوي طلع بينهم شراكات وابوي الي يصدر لهم كل الي يطلبونه لكن ابوي بيسحب بعد عليهم
رفع خالد حواجبه بصدمه : اتوقع حاصرناهم
محمد غمز له : وانت وين اختفيت
رفع خالد حاجب وناظر جاسم الي يسمع ويفكر : جاسم
ناظره جاسم بهدواء : هلا
خالد عقد حواجبه : مافيه طريقه بالقانون الوصيه كانت زواجكم وطالما امك الغت الخطوبه وانك اختفيت وتزوجت هي قبل ظهورك فهذا حقها ومايتعارض ابداً بالوصيه والقانون
تنهد جاسم وهز راسه : وماهو زين ابد نجمع الناس يوقفون معانا وامي الغت الخطبه
يزن عقد حواجبه : لاتضيق صدرك اذا ماجونا بالرضاء نجيبهم بالقوه وهذي بتوصلهم رساله انهم محاصرين
جاسم ميل فمه : بنجيبهم لكن وشلون ارتاح وهي صارت حلاله لو انه يقرب منها او يلمس حتى شعرها بنجن
محمد بضيق : جاسم بعد الي صار مابيسوي شي حتى ليلى وعمار مابيسمحون له لين تنتهي القصه
ابتسم جاسم وناظر محمد بعتب : شلون تترك الجماعه وتجري وراي يامجنون
محمد رفع حاجب : والله لو انها الملكة ما اهتميت اذا ماوقفت معاك ياجاسم وش لزمتي بعدها وين المخوه
ضحك جاسم بخفه : تربيتي واثق منك
محمد ضحك وفرحان ان جاسم ابتسم : مصدق نفسك سنه ماغيرها فرق بيننا متى لحقت تربيني
ضحك جاسم وتنهد : قم انقلع لبيت عمك طلال اعتذر له على الي صار
محمد عقد حواجبه : اتصله بالاول اذا فاضي رحت
يزن بتاييد : اي لزوم تعتذر اتصله
رفع محمد التلفون واتصل عليه وبهدواء : هلا عمي
ابو عهد : هلا ياولدي عسى خير وش صار
محمد بهدواء : اذا فاضي ياعمي جيتك ونتكلم زين
ابتسم ابو عهد : حياك ياولدي انا في البيت
محمد : الحين اجيك مع السلامه
ابو عهد : بحفظ الله
قفل محمد وناظرهم برجاء : حد يروح معي
ابتسم خالد ووقف : يالخواف تعال نروح
وقف محمد وانطلقوا لبيت ابو عهد وبالهم عند جاسم
يزن ناظر جاسم والتف ناحيته وبهدواء : جاسم كلمني
امتد جاسم وحط ذراعه على وجهه يغطي عيونه : كان حلمك تكون دكتور طب نفسي وحتى انه يناسبك
ضحك يزن بخفه : لاني كنت احب اسمعك انت ومحمد وخالد تتكلمون وتفضفضون
جاسم : كنا نحكي لك وانت تسمع لكن عمرك ماشكيت لنا باي شي
تنهد يزن بخفه : انا ياجاسم كنت عايش ومايقصرني شي او اعاني من شي لاجل كذا كنت اسمعكم دون اتكلم لكن الحياه ماتستمر صار لي الحادث ولما احتجت لكم تسمعوني وتوقفون قربي اهلي باعدوني عنكم
جاسم ببحة حزن : لو انك تدري وش صار بعد الحادث الي حصلك ياخوي رحمت حالنا وانا بذات
يزن ناظره ولمعت عيونه بحزن : وش صار ترى مادري بشي وامي وابوي رفضوا يذكروا اي شي عن الي صار
ابتسم جاسم بخفه ودموعه تبلل ذراعه : بذاك اليوم الاسود وبعد الي صار لك نقلناك للمشفى احنا الثلاثه والصدمه ساكنه فينا وبعد ماوصلنا للطوارئ بربع ساعه دخل عمي صالح وليلى بنته الطوارئ بسرير الاسعافات والدم ماليهم طحت ياخوي اغماء عليا وصحيت بعد ثلاثه ايام على حزن محمد وخالد وفقدك انت وليلى
يزن بلع غصته ومسح دمعه نازله تطبطب عليه : وشلون تقبلت الوضع
جاسم بخفه يحاول مايبين غصته : ابد ماتقبلت ولا حتى محمد وخالد تقبلوا لكن ماكان باليد شي غير ان حنا نكمل ونصير شي كبير بالمستقبل لاجل ندور عليك انت وليلى
يزن بخنقه : تعبتوا حيل
جاسم : التعب كنا نحس فيه لما ندور عليكم وبكل مره يقولون ماهم موجودين وقتها نفقد الامل وننام وكل واحد كاتم حزنه وبالع غصته وصباح اليوم الثاني نصحى بامل جديد نضحك ونمزح ونتعاون لين يخيب املنا مره ثانيه واستمرينا على ذا الحال
يزن استنشق الهواء الي يحسه قل : زين وعم ليلى ليه كان يكذب عليك ماسالت
جاسم وللحين مغطي عيونه بذراعه : الحيوان مارح اساله عن السبب بخليه يندم وماينفعه ندمه
،
ابو عهد ابتسم بهدواء يناظر محمد وخالد الي قاعدين قدامه ومستحيين منه : عسى ماصار شي ياعيالي
محمد بهدواء : السموحه ياعمي ادري اني غلطان لكن ماقدر اترك جاسم بموقف مثل ذا
هز ابو عهد راسه بهدواء : وش صار له مافهمت شي
محمد تنهد : جاسم ياعمي خاطب بنت صالح ال..... من انولدت للحياه وصارت حفله والكل يدري انها خطيبته
ابو عهد : اييه اعتقد اني حضرت الحفله كان عمر البنت سنه صحيح
تبسم محمد : اي ياعمي وبعدها مات عمي راشد ومرض عمي صالح بالقلب وبيوم كان يسوق وماخذ بنته لجاسم يوم صار الحادث ليزن لكن عمي صالح جته نوبه قلبيه وانحرفت السياره للجهه المعاكسه وصار حادث انعمت فيه ليلى ومات عمي صالح
ابو عهد بحزن : الله يرحمه اييه حضرت الموت بعد كانت علاقتي فيه سطحيه كنت اروح مع حمد
محمد بحزن : وقتها جاسم ماتحمل الصدمه يزن وليلى بنفس اليوم وكل واحد مغطى بالدم وصديق ابوه والي اعتبره جاسم اب بعد موت والده
خالد ناظر محمد الي صمت يثبت صوته : طاح جاسم ياعمي واغماء عليه ثلاثه ايام وبذيك الفتره ابو يزن اخذ ولده وسافر لان ام يزن كانت تلومنا وتصرخ بحزن على ولدها الوحيد وبعد ماراحو بيزن سمعنا انه بيتم نقل ليلى لمشفى متخصص بالعيون لان الزجاج دخل لعيونها وانعمت بعدها صحى جاسم بثالث يوم يسال عن يزن وليلى بخوف لكن ام جاسم ....
قبض خالد على يده وتكلم محمد : ام جاسم صدمت ولدها بان يزن وليلى سافروا وانه لازم يكون رجال ويتحمل رغم انه بعمر 13 عام الا انه تقبل الامر بملامح بارده وساعدنا نكمل واجتهدنا اكثر واكثر
ابو عهد ابتسم بحزن : كل واحد منكم ماخذ من الحياه صفعه بسن صغير الا انكم صرتوا رجال وما استسلمتم
محمد : هذي هي الحياه ياعمي وبعد كل ذي السنين وقبل اسبوعين لقينا ليلى ويزن ومثل ما اختفوا فجائه ظهروا فجائه لكن همدان سعد ال...... تملك على ليلى فجائه خوف يظهر جاسم بعد مادرا عنه وصار الي صار اليوم قدامك
هز ابو عهد راسه : الله يعين جاسم ماهو قليل الي يصير معاه
محمد نزل راسه :  وانا جايك اعتذر عن الي صار ياعمي ادري اني غلطان والي تامر به انا له
ابو عهد ابتسم: مايامر عليك ظالم ياولدي والي سويته كبرك بعد بعيني
خالد ابتسم ورفع راسه : اجل يعمي دامك رضيت من محمد لزوم عهد بعد يراضيها محمد ومنه تكون النظره الشرعيه
ضحك ابو عهد بخفه : قول محمد يبي يشوف عهد واترك عنك اعذار المحامي
ضحك خالد : اييه تراه مستحي يطلب منك لاجل كذا جابني معاه
محمد منصدم من خالد ومنزل راسه ويتوعد بخالد
ابو عهد هز راسه برضى : اجل تعال معي ياخالد نشم هواء قرب النافوره ومحمد ينتظر هنا لين تجيه عهد
خالد غمز لمحمد ببسمه : تراضيها وتطلع لاتتاخر
طلع خالد وابو عهد تاركين محمد ينتظر عهد للنظره الشرعيه
،
قاعده بهدواء تفكر بالي يصير وين الصح ووين الخطاء تنهدت بخفه وضمت مخدتها تتامل الظلام الي تسكن فيه حست بيد لامستها ورفعت راسها تناظر بعشوائيه وبفزع : عمااار
ابتسم عمار بخفه : وش تفكرين به
تنهدت لمى وابتسمت بسخريه : على الي يصير ياخوي
عمار قعد قربها يناظرها وبحزن : وش الي يصير
لمى حطت راسها على كتفه : وشلون يسعون لعمياء مثلي ماكنت متوقعه ان فيه احد بيتقبلني والحين اثنين
كذا فجائه ياخوي
تنهد عمار ومسك كفها يشجعها : ترى جمالك ماهو عند احد يالمى لاتستقلي بحالك وماهو لانك عمياء يعني كل شي بيوقف
لمى ميلت فمها بسخريه : والحين وش الحل انا لمى حرمت همدان او ليلى خطيبة جاسم
عمار ابتسم بخفه : الحل بيدك تبقين لمى حرمت همدان او ترجعين ليلى خطيبة جاسم
لمى بلعة غصه حزينه : كان ابوي متمني اكون حرمت جاسم صحيح
عمار عقد حواجبه بحزن : ابوي وعمي راشد كانو يتمنون متى يجي اليوم الي يزوجونكم لكن محد يدري متى يومه
لمى ببحة ودموعها تلمع : ماودي اترك وصية ابوي لكن ماودي اجرح همدان ابد
تنهد عمار وضمها بحيره : مادري شلون انا بعد لكن فكري زين يالمى وبكره جاسم اكيد بيجينا نسمعه وش بيقول وبعدها صلي استخاره وقرري من بتختاري
غمضة عيونها بهدواء ونزلت دمعه وحيده حايره