اخبر عيناك الجميله ان تكف عبثاً بقلبي 🤍

34

في المشفى قاعد جاسم ويزن امام غرفة ابو بندر ينتظرون وكل واحد يناظر بهدواء
يزن : جاسم وش تفكر فيه
جاسم تنهد : ما افكر لاني احترت وش افكر فيه ازدادت المشاكل
يزن بحيره : حل مشكلتك ومحمد بيحل مشكلته وانا وخالد بنوقف معاكم
جاسم بسخريه : المشاكل تجينا بالدور خايف عليك وعلى خالد
يزن حط يده على كتف جاسم : لاتفكر بالي جاي خلنا بالموجود ياخوي
هز جاسم راسه : يصير خير خلنا نكمل اليوم على خير ومن بكره يصير خير
جرى محمد لهم وناظرهم بقلق : وشلون ابوي
وقف جاسم وضمه : بخير لاتخاف طمن الدكتور عليه ساعه ويصحى
قعد ابو عهد على الكرسي بتعب : الله لايجيب اليوم الي عيني تفقد حمد ياجعلني قبله
قرب منه محمد وضمه : الله يحفظكم اثنينكم ومايحرمني منكم
،
في فلة ابو عهد
عهد متمسكة بامها وبرجاء وصوت باكي : خذوني معاكم يمه ارجاك ماودي اترك ابوي بتعبه
ام عهد ضمت بنتها بقوه : طلال مرتاح انه بيتركك لمحمد ووده يتعالج بهدواء وجودك يمه بيقلقه عليك
ام جاسم بهدواء : عهد يابنتي لاتخيبي ظن طلال فيك وانتي العاقله ومحمد يابنتي تربى قدام عيوني مع جاسم والله انه يحطك بعيونه تراه ضعيف يابنتي
عهد ومنهاره : وشلون برتاح وابوي تعبان وبعيد عني
ام عهد : علاج طلال انه يهدي اعصابه ويرتاح وطلال مابيرتاح الا بشوفتك مع محمد
ام عمار بحزن على حالهم : عهد امك بتكون قرب ابوك وبتعتني فيه زين وانتي خلك مع محمد اهو بعد تعبان وحاله مايسر والله ان وجهه سود اليوم المسكين
عهد ناظرتها ومن بين دموعها : اهي مستحيل تكون امه
ام جاسم تنهدت وضمت ابرار : ربي دايماً يعوض الانسان
ابرار بغصه : شوفي شلون ربي عوضني بخالد
ام جاسم بحنيه : وربي بيعوض محمد فيك ياعهد
عهد نزلت راسها وغمضة عيونها بقوه
ابرار ناظرت ليلى ورفعت حاجب : عقبال ربي يعوض جاسم اخوي
ابتسمت ام جاسم بهدواء وضمت ابرار
اما لمى لفت وجهها تناظر البعيد وتفكر بكلام ابرار عن جاسم وقرارها هل صحيح باختياره همدان
ام عمار : تعالي ام عهد نجهز اغراضك 
راحت ام عهد مع ام عمار وام جاسم
تنهدت لمى وبهدواء : عهد لما تودعين عمي طلال لزوم تكوني قويه لاتضعفين لاجل يتاكد انك بتكوني بخير
ابرار رفعت حاجب : والله عهد محمد مزعلني اكثر منك
ناظرتها عهد بحزن : يعني اهو المظلوم وانا الظالمه
ابتسمت ابرار بشقاوه : ايه
ضحكة لمى بخفه : ابرار عهد بتطلع كل الي فيها فوقك
ضحكة ابرار وناظرة عهد بحزن : اتخيلي ان محمد كان حاله حال خالد اليتيم تخيلي انها ناسيه ولدها غير بالمشاكل تذكره تتوقعي وش حال محمد بعد الي سوته امه وشلون صار وجهه بين الناس
لمى بلعة غصه حزن : والله حزنت على محمد وش متحمل يعني شي مستحيل نشوفه ام تعامل ولدها كذا
ابرار بسخريه : مثل معاملة زوجة ابو خالد لخالد
عهد عقدة حواجبها تمسح دموعها : معقول تكون ماهي امه وفيه سر
ابرار تنهدت : الله يرزقني بحب خالد ويرزق جاسم زوجة تستحقه ويسعد محمد مع من تحبه ويوفق يزن
عهد رفعة حاجب : اقول كانك صرتي ضمن صداقتهم
ابرار ابتسمت : اهم اخوان وانا زوجة واحد منهم يعني هم صارو اخواني الان
لمى ناظرت للبعيد عاقده حواجبها بضيق : ماشاء الله مانسيتي حد بدعواتك وش عرفك وش يبون
ابرار رفعة حواجبها باستفزاز : جاسم يبي يتزوج وتمنيت له زوجة تشبهه بطيبة قلبه وشهامته وعاد ياحظها شاعر يتغزل فيها ليل نهار
ضحكة عهد بخفه على ابرار وعنادها وعصبية لمى الي بدت تظهر : الله يسعده جاسم يستحق كل خير
ابرار تنهدت : ومحمد ربي يسعده الله يسخر له حرمه تحبه
عهد رفعة حاجب : حرمه تحبه قولي زوجه تحبه
ابرار ميلت راسها : خايفه ادعي كذا اشوفك بكره تموتين عليه
عهد كشرت بوجهها : ابرار ليكون راسك تاثر بضرب ام بندر
ضحكة ابرار من قلب : والله حسيت شعري تقطع منها وكتفي يألمني من ضربها
ضحكة عهد : والله شكلك كان تحفه وانتي بين يدها رايحه راجعه
ابرار تبسمت : لاا وبعد خالد لما دخل اهو يسحب وام بندر تشد حسيت اني بصلع قريب
ضحكة عهد بهدواء : زين محمد مسك شعري وماعاد حسيت لما كانت تشد
ضحكة ابرار : والله المفروض محمد يعلم خالد بدل مايساعدك ويتركنا
ضحكة لمى من قلب على شرحهن : ليتني شفت الي صار
التفت ابرار تناظرها : الا وين اختفيتي
لمى تبسمت بحرج : قلت مابفيدكم بشي وطلعت واتجهت لليسار ماعاد حسيت الا بجاسم شايلني للمطبخ
ضحكة ابرار : طلعتي بدل تدخلين الصاله
لمى عضة شفايفها : والله تمنيت لو قعدت اسمع هواشكم ولا الي صار
ابرار ناظرتها بتفحص : ووش صااار
لمى بتوتر : ماصار شي
عهد بسخريه : اخذك للمطبخ وحطك بدون مايصير شي
لمى شتت عيونها : يعني بس هاوشني ليه طالعه وانا بالفستان ووو
ابرار بتشويق : وووو
لمى بلعة ريقها بخجل : مدري شصار له ضمني وراح
ضحكة عهد وابرار ولمى تحاول فيهم يسكتون
،
وقف خالد قرب محمد وابتسم بهدواء : جمال راح يجهز ثيابه وثياب عمي حمد وام عهد تجهز ثيابها وثياب عمي طلال
هز محمد راسه بهدواء : الله يسهل متى الرحله
خالد رفع حاجب : الساعه ثنتين الفجر
محمد ناظره : بعد ساعه
جاسم ابتسم : محمد ساعه او عشر ساعات المهم يسافر يتعالج ويرد بخير
يزن تنهد : ابوي بينتظرهم في المطار وبينقلهم للمشفى حجز لهم غرفتين نوع خاص يرتاحون فيها ويبقون تحت المراقبه
هز محمد راسه وبخفه : وش كنت بسوي بدونكم
خالد قعد قدامه على راس اصابعه وسك كفه : لاتقول كذا نسيت لما درست اول سنه جامعه على حسابك لولاك وش كنت بسوي
ضم جاسم محمد : ونسيت لما مات ابوي وعمي صالح وشلون عمي حمد وثق اوراق الشراكه الي بين ابوي وعمي صالح الي لولاهم ماكنت بقدر اسوي شي لعايلة عمي صالح
يزن تبسم : كل واحد منا مستند على الثاني مانقدر نستغني عن بعض وبنقعد كذا ومانفترق لين نموت
غمض محمد عيونه ووقف خالد ضم محمد بشقاوه
وجاسم ويزن ارتمو على خالد ومحمد وهم يضحكون
ومحمد يتبسم عليهم