اخبر عيناك الجميله ان تكف عبثاً بقلبي 🤍

49

قاعد جاسم مبتسم وفرحان ومالك الدنيا كلها وش يبي اكثر من كذا كل احبابه قربه امه ، خالد ، محمد ، يزن ، وليلى
تنهد جاسم براااحه ووقف متجه لغرفته يدور ليلى واول ما دخل الغرفه لقاها قاعده على السرير بهدوء
قرب منها جاسم وقعد قربها ورفع حاجب : ليه ماجيتي
ليلى وسرت رعشه بجسمها من قرب جاسم ويده الي تحتضنها : تو ما ادري بحركتي في المكان
جاسم ويستنشق عطرها : طيب تعالي ناكل
ليلى هزت راسها : لا ماودي شبعانه
ابتسم جاسم : اجل ننام وانا ماودي بعد
شالها جاسم وابعد اللحاف ومدها وامتد قربها
،
عند عهد الي غيرت ثيابها ونزلت من الدرج للصاله ولقت الاكل على الطاوله عقدت حواجبها وتلفتت تدور محمد بالدور الاول وماحصلته وبهمس : نام تو بدري عليه ليكون محموم ورامي حاله بالسرير
قربت من الاكل ولقته مالتمس تلفتت يمين ويسار بتفكير وتنهدت : مهما كان انا بذمته واهو بذمتي لزوم اتطمن ان كان محموم ماهووو لاجله لاجل ابوي موصيني عليه
صعدت الدرج وراحت لغرفة محمد تنصتت شوي وماسمعت شي فتحت الباب بهدوء ودخلت تتسحب لين السرير ناظرت محمد حاط يده على عيونه وماعليه غير شرت والتكييف مثلج الغرفه
عهد والبرد هزها وبهمس : وشووو ذا صاحي انت بتموت
قربت منه وشالت يده عن وجهه تتلمس جبينه
محمد بصوت هادي مبحوح : خايفه
تصنمت عهد وارمشت بتوتر : و وشوو
محمد فتح عين وعقد حواجبه : خايفه تنامي وحدك
احتارت عهد شلون تفسر له تواجدها قربه وقبل تتكلم
محمد مد يده ناحيتها : تعالي نامي ليه واقفه وغلقي الباب واذا تبي غلقي التكييف بعد
ناظرت عهد ليده الممدوده ناحيتها وحست بشي يجذبها بلعت ريقها ومدت يدها وتمسكت بكفه الي جذبها ناحيته ومدها قربه ولحفها بالبطانيه وغمض عيونه
عهد ناظرته قربها وتاملت ملامحه الي فعلاً جذابه وشعره الناعم وصدره العريض حست ببرودة الغرفه وبهمس : برد شلون تنام
شدها محمد لصدره وضمها وهمس : اشش نامي
،
عند خالد الي انتظر وانتظر ومانزلت ابرار صعد لغرفتها وفتح الباب لقاه مغلق تنهد بيأس واخذ المفتاح الي عنده وفتح الغرفه لقاها بسريرها ضامه البطانيه وشعرها مبلل مغطي وجهها ابتسم بهدواء وشال شعرها عن وجهها مسح على خدها وابتسم بخبث : لزوم تتعاقبين شلون ماتسمعين كلام بابا
شالها خالد بين يديه وتوسعت عيونها بصدمه : لاا
ضحك خالد من قلب وحطها على السرير : لاتمثلي مره ثانيه وشلون تاركه شعرك مبلول بتمرضين
ضربت ابرار بكفها على صدره : عسى اموت بعد اصلاً منو بيزعل علي ماعندي احد
شدها خالد وضمها لصدره : انا عائلتك واهلك وناسك وكل دنياك قلبك لي وبس ماودي حد يشاركني فيه ابد
غمضت ابرار عيونها وتركت جسمها بثقله على خالد وهمست : وش كان مكدر خاطرك بالزفه
ميل خالد فمه : مافيه شي
ابرار تمسكت فيه : ماتقدر تخبي عني كان مبين عليك
تنهد خالد بهدواء : ابد جانا ابوي يبارك وراح
ابرار بخاطرها ( جاك يكسر خاطرك وراح ماهو يبارك ابد لكن على الاكيد بسببي للحين مارحنا نسلم عليه )
خالد ناظرها وابتسم : لا تنامي قومي جففي شعرك
دفنت ابرار راسها بصدر خالد : ماودي اقوم تعبانه بنام
امتد خالد بسريرها ضامها لصدره يمسح على شعرها ويحركه عله يجف وهمس : كل عام وانتي صغيرتي الي ماتكبر ودلوعتي وكل دنيتي
ابرار بخاطرها ( كل عام وانا الحائط الي يحب يسند قلبك كل عام وانا ظلك الي يمنعك من السقوط كل عام وانا لك روح بدل روحك المرهقه الي اتعبتها السنين )
،
في المستشفى واقف يزن عند باب الغرفه مع رنيم الي تبكي بخوف : لا تتركيني ياريم لا تروحي مثل ابوي وامي
قرب يزن بهدوء : استهدي بالله ان شاء الله مافيها شي
رنيم هزت راسها بالنفي : ريم ماتقول شي لكن ادري انها تعبانه ومخبيه علينا
يزن عقد حواجبه : شلون يعني
طلع الطبيب من غرفة ريم وقرب منهم : سوينا لها فحوصات ننتظر لين تطلع النتائج ونطمنكم عليها
يزن هز راسه : نقدر ندخل الحين
الطبيب : ايه تفضلوا
فزت رنيم تجري لغرفة اختها ويزن يمشي وراها بهدواء
ارتمت رنيم بحضن ريم تبكي بخوف وتصحيها
يزن ببحه : انتي كذا تعوريها ابعدي عنها شوي
فتحت ريم عيونها شوي وهمست : رنيم
ناظرتها رنيم وتبتسم من بين دموعها : ريييييم
ابتسمت ريم بتعب ورفعت نظرها للي واقف تتامل ملامحه ابد ماتعرف صاحب ذي الملامح منهو اجل
ابتسم يزن وعيونهم على بعض وبصوت مبحوح : الحمدلله على السلامه اختي ماتشوفي شر
ريم بصوت ناعم : يسلمك ربي يالشهم
رنيم مسحت على شعر اختها : وين رائد عنك
شتت ريم نظراتها بحزن : رائد ... ايه رائد راح دوريه للحدود مابيرد غير بعد كم شهر
رنيم ناظرت اختها بغضب : مصدقه انتي انه في المعسكر ريييم تراه يكذب وش قال لك هو
يزن غمض عيونه ويدري ان ذا ماهو مكانه وانه غلطان بقعدته مع بنات بدون محرم لكن في شي يمنعه يروح
يزون بهدوء : رنيم غسلي وجهك بالاول شوفي شلون صرتي وتعالي
هزت رنيم راسها بغضب وراحت للحمام ، قرب يزن من سرير ريم وعيونه تتامل جمال ملامحها الذابله : وش صار ممكن اساعدكم
ريم ابتسمت بهدوء : ماتقصر اخوي واتعبناك معانا
يزن رفع حاجب : طيب وين اهلك من بيجيكم الحين
ريم ابتسمت بسخريه : جزاك خير تقدر تروح
يزن كتف يدينه وبشبح ابتسامه : ماقدر اترك حريم واروح
ناظرته ريم وضحكة بخفه : يقولون الاعذار كثيره والسبب واحد وشهو
ردت رنيم وتبسمت : مشكور دكتور يزن اتعبناك اليوم
ريم عقدت حواجبها : دكتور شلون ماهو مديرك
ضمت رنيم شفايفها ورفعت حواجبها : ماتوضفت يزن عميل صورت له ثلاث عروسات
ناظرته ريم بصدمه : ثلاث
يزن هز راسه بالرفض بسرعه : لا لا مو الي ببالك مو لي الحريم
ضحكة رنيم : ليه خايف
يزن ابتسم بهدوء : هذي تهمه كبيره وتوني ماتزوجت
رنيم شهقت بخفه : صرت شايب وماتزوجت للحين
ناظرها يزن ورفع حاجب : ترى تو ماصرت ثلاثين يالبزر
ريم تبسمت بتعب وغمضت عيونها شوي ترتاح
ناظرها يزن الي يسترق النظرات وبقلق : يألمك شي
فتحت ريم عيونها تناظره : بخير
تلاقت عيونهم لدقيقه وتنرفزت رنيم بغضب : وينه رائد ليه مايرد على تلفونه الحيوان
ريم بحده : وجع اخوك تحترمينه فاهمه
رنيم بسخريه : من زينه اخو ماندري وينه حتى
ريم بعصبيه : يكفي رنيم
حست ريم بألم وكحت وطلع دم انصدم يزن وقرب منها بسرعه يناظر كفها الي تغطئ دم وناظرها : هذي مو اول مره تكحين دم
رنيم بخوف : لا مو اول مره الله يخليك شوفها
يزن وعيونه متعلقه عليها : وش تحسين فيه
ريم بهدوء وصار شي عادي بالنسبه لها : بخير ماصار شي
يزن ناظر رنيم بحده : روحي نادي الدكتور محمد عبدالله
طلعت رنيم تجري والتف يزن يناظر ريم الي تناظره ومبتسمه بهدوء : ليه خايف
يزن بلع ريقه ومايعرف شلون يوصف شعوره وسبب خوفه اهو فعلا محتار بنفسه : اتركي لي مجال لاجل اقدر اساعدك
ريم ناظرت للبعيد : ماني متعوده حد يساعدنا بدون مقابل
يزن شتت عيونه يفكر : ووش المقابل بيكون
ريم رفعت حاجب بحزن : المقابل كان دايماً صعب بينما احنا مانمتلك شي غير
عقد يزن حواجبه ويستوعب الي فهم : فيه حد بذي الحقاره
ريم بسخريه : الغريبه ان فيه حد بشهامتك اذا مالك سبب فعلاً
يزن تعمق النظر بملامحها الملائكيه وببحه : شهامتي مدري عنها والسبب ماودي اترككم بذي الضروف احساس شي زي كذا
ريم ميلت فمها وناظرته : وش سبب الاحساس ذا
يزن غمض عيونه لاجل يبتعد عنها : قولي وين اخوك
ريم تنهدت : اجت الشرطه وخذته
يزن هز راسه : شي كايد او بسيط
ريم ارمشت لدقيقه : مادري
طلع يزن تلفونه : عطيني اسمه الكامل
ريم : رائد يوسف محمد بتقدر تطلعه
يزن هز كتوفه : على حسب
دخلت رنيم ومعاها الدكتور محمد
يزن صافحه : ليه تاخرت يادكتور محمد
الدكتور محمد : اعتذر لكن مريت على الفحوصات
يزن هز راسه : هاه طمن شلونها
الدكتور محمد شتت نظره على رنيم وريم : ممكن نتلكم برى ومنه تدفع الحساب الي عليكم
ريم عقدت حواجبها : لحظه لو سمحت انا المريضه واهو فاعل خير ممكن تكلمني انا
يزن حد عيونه عليها : رنيم انتبهي لاختك لين ارجع
طلع يزن مع الدكتور لممر المشفى
يزن بقلق : عسى خير شي كايد
دكتور محمد : والله ماودي اتكلم قربهم لانه كايد
يزن ارمش بعيونه شوي : وش مرضها طيب
تنهد الدكتور محمد وبحزن : سرطان
يزن عقد حواجبه : وين مكانه بضبط
الدكتور محمد : في الرئتين مع الاسف
غمض يزن عيونه وضاق صدره وهمس : مشكور دكتور
الدكتور محمد حط يده بكتف يزن : لو تقدر تاخذها المانيا الطب هناك ممتاز جداً والدكتور هنري معروف جداً بذا المجال
هز يزن راسه : مشكور بشوف وش الي بيصير
،
في الصباح وبفلة جاسم
صحت ليلى وحست بجاسم ضامها ابتسمت بخفه : ليكون خايف اهرب
رد جاسم بصوت نعسان : ايه خايف
انصدمت ليلى وبلعت ريقها : اا ك كنـ ت اا بروح الحمام
ضحك جاسم بخفه : ليلى عندي قوانين تمشين عليها فاهمه ياحلوه
ارمشت ليلى تستوعب : قوانين
ارتفع جاسم بصدره يناظر وجهها : ايه قوانين بتسمعينها وتنفذينها او
ليلى عقدة حواجبها : او
طبع جاسم قبله على شفايفه : بتتعاقبين
توسعت عيون ليلى بصدمه : جاااسم
جاسم رفع حاجب : نعم زوجتي حلالي وش تبين
شدت ليلى البطانيه على وجهها وضحك جاسم عليها
،
ببيت خالد الي صحى وناظر الملاك الي بحضنه وتبسم من قلب : انتي نعمه من الله واجمل عطاياه
تحركت ابرار بانزعاج وضحك خالد بخفه ومسك انفها : لو انك ماتتحررركين
صحت ابرار تناظره بغضب : خااالد من جدك تمزح كذا مع نايم كنت اغرق وانت ماقصرت خليت الحلم حقيقه
ضحك خالد من قلب : وعسى بس نطيت انقذك
ابرار ناظرته وحدت عيونها : انت الي رميتني للمسبح
غمز لها خالد : لاجل بعدها انط وانقذك
ابتسمت ابرار بخجل وعيونه متعلقه فيه برومنسيه
خالد رفع حاجب : وش بتسوين فطور ياعيون بابا
قعدت ابرار بغضب واخذت المخده تضربه وخالد يضحك
،
اما ببيت محمد
صحى محمد وعهد نايمه بهدوء مسح على شعرها برقه وطبع قبله خفيفه على جبينها وانسحب من قربها بهدوء
اخذ ثياب وتلفونه وطلع
فتحت عهد عيونها بعد خمس دقايق والتفتت تناظر يمين ويسار وبصدمه : وينه محمد
ارمشت تستوعب : جيتك وتركتني يامحمد معقول تركتني اغفى ورحت
تنهدت عهد وغمضت عيونها تضم ركبها لصدرها ونزلت دمعه حاره تتبعها دموع ماتدري وش سببها
دخل محمد ياخذ محفظته وانصدم من منظر عهد الي ضامه ركبها لصدرها وتبكي
محمد بصدمه جرى لعهد ورفع راسها : عهد فيك شي
عهد انصدمت من تواجده وماقدرت تتكلم
محمد بقلق : عهد وش صار تكلمي
عهد بلعة ريقها وبصوت باكي : اشتقت لابوي وامي
تنهد محمد وشدها لصدره وضمها وبهمس حنون : زين لاتبكي عمي طلال بخير وعافيه والحمدلله وانا اول ما انتهي من الشركتين باخذك ونروح لهم زين
هزت عهد راسها منصدمه من الحنيه ودفنت راسها برقبة محمد اكثر لعل الفراغ الي بصدرها يمتلي
،
على العصر جمع يزن اصدقائه برساله نصيه لكافيه وماتاخروا ابد
يزن ميل فمه ببسمه : ابد ماتاخرتوا
خالد بجديه : يزن الي رسلت لي اسمه مدمن مخدرات وسارق وعليه سوابق صعبه يطلع من السجن بكل ذي التهم وفوقهم دليل قاطع
جاسم عقد حواجبه : وش صار من الي تسال عنه يزن
يزن تنهد : المصوره الي صورت حريمكم لما وصلتها لبيتها تفاجئة باختها مغمي عليها والبيت مفتوح واسعفتها والي صار انها مريضة بسرطان الرئة والاخ مثل ماسمعتوا الشرطه مسكته
محمد رفع حاجب : زين مالهم اهل رجال او اي احد
يزن هز راسه بهدوء : لا الاب اهله قطعوا صلتهم فيه لما تزوج ايرانيه وغير كذا تتبع الديانه ( الزردشتية )
خالد بصدمه : لكن هذي الديانه نسبتها قليله في ايران شلون صادفها ابو المصوره
يزن عقد حواجبه : سافر مره لايران وصار الي صار المهم الحين ودي اساعدهم صعبه بنتين يعيشون بروحهم
جاسم بهدوء : اذا كان على المريضه اتوقع بالنسبه لفقرهم ان حالتها متاخره دام اتضح السرطان واهو اصلاً مايبين اعراضه الا لما ينتشر فما ترفع امالك في المساعده ياخوي
يزن انحدة عيونه وناظر للبعيد : باخذها لدكتور في المانيا معروف بشفاء ذي الامراض وان شاء الله تتعافى
محمد ميل فمه : يزن وش وراك
جاسم رفع حواجبه : يزن تدري نحنا معاك باي شي لكن
قاطعه يزن بهدوء : ادري اني مابوقف كذا غير لما يكون عندي سبب مثل ما انتم تدروا لكن مادري ليه
خالد ارتشف القهوه : يزن المهم الحين ماتحط امال انها بتتعاقى لاجل ماتنصدم بعدها
محمد حط يده بكتف يزن : طالما فيه دكتور ممتاز في المانيا خذها واي شي تبيه حنا قربك دايماً
يزن هز راسه : ادري لاجل كذا جمعتكم وقلت لكم شي عاجل انا حجزت التذاكر والرحله بكره لكن ودي حد يرافقني مع حرمته
محمد تنهد : الود ودي لكن باقي فوقي شغل وفوق كذا انت بتروح المانيا وابوي وعمي في ايطاليا
خالد ميل فمه : يمديني اجهز لبكره
جاسم تبسم : لا مايمديك خلك تشوف سالفة اخوها ذا المسجون واذا بتقدر تحوله تاديب يكون افضل وانا باخذ ليلى ونروح ومنه شهر عسل
ضحك يزن بخفه : قول تبي تاخذ ليلى وتهرب
،
عند ابرار الي قعدت على الكنب بعد ما نظفت البيت وطبخت واخذت دوش وتزينت
ابرار بتفكير : اممممم على من ادق ودي اطفش كل وحده بروحها لكن برضو ماااقدر اصبر بسمعهم مع بعض
اخذت ابرار التلفون واتصلت لعهد وليلى
ردت ليلى بهدوء : هلا وغلا
عهد رفعت حواجبها : غريييبه شلون صبرتي للحين
ضحكة ابرار وبلهفه : المهم الحين وش صاااار
ليلى استحت : ماصار شي
عهد بسخريه : وليه مستحيه وانتي الي كنتي تبكي خايفه منه وش صار
ابرار بتدخل سريع : لييييلى تحبيييينه وماتدرييين حب الطفوله وشي زي كذا
ليلى بصدمه : وش تقولين انتي ترى كنت بعمر السنتين ماتذكره ابد لكن مدري ليه احس بقربه بالامان رغم اني اخاف منه مدري شلون
عهد تنهدت وتذكرت حنان محمد عليها : اصعب شعور الحيره
ابرار بخبث : ليه محتاره بحب محمد
عهد بهدوء : مدري مابيه لكن محمد يصدمني بحنانه بكل مره وبكل مره الشك يزداد انه راعي حريم
ليلى رفعت حاجب : عهد اذا ناظر حرمه وابتسم مايعني انه راعي حريم ماتدري عنه لاتظلمينه بشكك ترى حرام
ابرار تنهدت : وان كان يتبسم للحريم شوفتك تغنيه عن حريم العالم صدقيني ياعهد انك ملكتي قلبه
عهد ارمشت بحزن : خايفه اتعلق فيه واكتشف شي وانكسر بعدها
ابرار ابتسمت بهدوء : كنت مثلك خايفه احبه واتعلق فيه ويتركني بعد فتره بسبب قصة زواجنا لكن بنعيش الحياه ذي مره وش ضرنا نعيشها بكل مشاعرنا وصدقها احبه ايه احبكم ايه اكره ابوي ايه وماني متندمه على اي شي
تنهدت ليلى بحزن : ما انكر اني مرتاحه مع جاسم جداً وبلطفه وحبه وتمسكة فيني رغم كل ذي السنين لكن جاسم اوقات يقسى يمكن بسبب تصرفي معاه وعنادي لاجل همدان لكن هذا زوجي وبنسى كل شي قبله وكل الي اتمناه اعيش معاه بهدوء وفعلاً نسيت همدان وماعاد اشوف غير جاسم اعتقد اوقات انه بسبب وصية ابوي واعتقد اوقات بتمسكة لكن
ابرار قاطعتها : خطف قلبك ياليلى والله اشوفك محظوظه بجاسم حيل
عهد تبسمت : اي محظوظه فعلاً سمعت من محمد ان جاسم حرم عليه كل الحريم دون ليلى
تبسمت ليلى وارمشت بحياء
ابرار ضحكة : وانتي بعد ياعهد محظوظه بمحمد لو تركزين معاه رغم كل القسى الي تلقاه منك الا انه يعاملك زين وحنون معاك وانا بعد محظوظه بخالد لو انه بس يعاملني كزوجه بدال بنته
ضحكت ليلى وتنهدت : اقول اشغلتوني بروح اتجهز لجاسم لين يرد يقول مابيطول
ابرار عقدة حواجبه : اجل ليه خالد يقول بيتاخر وش عنده
عهد تبسمت : قفلي واتركي خالد بحاله ولو اشوي
ابرار بطفش : بااااي