اخبر عيناك الجميله ان تكف عبثاً بقلبي 🤍

13

وصل جاسم بالطياره واخذ سياره وانطلق لبيته فرحااان حيل
محد يدري عنه بيفاجئ الجميع
وش اخبار خالد ومحمد ماعاد كلمتهم من بعد المشكله حق محمد مع اخوه ولاسالت عن اخبار قضية خالد وشلون كذا
تنهد جاسم بحزن فعلاً مدري شلون بقابلهم وانا قاطع اخبارهم ودامهم ماتصلو اكيد مشغولين
خمسه ايام غبتها وصارت اشياااء كثيييره حشى كنها خمسه شهور يالله سبحانك شلون تقلب الامور من حال لحال بغمضة عين
وقفت السياره ونزل جاسم وناظر لبيته وابتسم
دخل بعد ماتاكد ان بنات خواله واعمامه مهن موجودات بالصاله ومافيه الا امه
جاسم بحب رفع صوته ويتأملها : يممممه
التفت ام جاسم بلهفه وتبسمة بشوق : هلااااا يمه هلااا وليدي
جرى جاسم يضمها : والله مشتاااق لك حيييل يالغاليه
ام جاسم نزلت دموعها : تشتاق لك العااافيه اقعد ارتاح
قعد جاسم مع امه يحكي لها شلون كان العمل
جاسم عقد حواجبه : يمه لقيت ليلى
انصدمت ام جاسم وناظرته : متاكد انها هي
جاسم ميل فمه ببسمه ماتوقع انها بتنصدم كذا : اي يمه ليلى بنت صالح يوسف
ام جاسم نزلت راسها : وشلون لقيتها
جاسم بهدواء : يمه لقيتها تتعالج عند يزن صديقي
رفعت ام جاسم راسها ووسعت عيونها : ييززن
هز جاسم راسه : اي يمه يزن دكتور عيون ومشهور بعد وليلى تتعالج عنده
ام جاسم تنهدت : ووش حالها وش حال امها
جاسم : بخير يمه
ام جاسم بهدواء : جاسم انت الحين تعبان يمه ارتاح وبعدين نتكلم
جاسم تنهد : يمه ليه ماودك تتكلمي عن ليلى
ام جاسم نزلت راسها : خلاص ياولدي انتهت ليلى من حياتك وبعدين وين لمى والي كنت تقول ولد خالها ببلعومك واقف
تبسم جاسم يتامل ردت فعل امه : يمه ترى ليلى هي لمى ترى الصدف جمعتني بها لاجل الوعد الي انقطع بولادتها
اتجمدت ملامح ام جاسم وناظرته بصدمه : وشلون
جاسم مسك كفها : يمه مدري ليه مغيرين اسمها لكنها بنت عمي صالح قلبي عرفها يمه قبل ادري عنها
هزت ام جاسم راسها : وشلووون ياولدي بعد ذا الانقطاع نرجع
جاسم عقد حواحبه : وش قصدك يمه وترى للحين مادريت وش سبب الانقطاع ترى يمه ماسافروا ولا شي عمها يكذب
ام جاسم نزلت دمعه حايره بعيونها : جاسم ياولدي وش تبي بها البنت عمياء
جاسم : يمه هذا وعد قطعته اني اتزوجها يمه هذي وصية ابوي وعمي صالح ان حنا نتزوج
ام جاسم : لكن ياولدي وشلون بتعيش معاها
جاسم انصدم من امه : يمه لما كلمتك عن لمى ماعارضتي كذا ليه
ام جاسم بهمس : لاني كنت متاكده انه شعور تعاطف جاسم يمه تلفت حواليك بنات اخوالك واعمامك منتظرات نظره منك ليه يمه تظلم حالك بعمياء
غمض جاسم عيونه يهدي حاله : يمه وشلون انقطعتي عنهم
ام جاسم نزلت راسها وبدموع : رفضت ليلى بعد ما انعمت وقالو مالها امل واعتذرت من عبير وقلت لها مالها نصيب معاك ومن بعدها قطعت انا الاخبار يمه ادري انهم ماسافرو لكن وشلون ارضى انك تتزوج عمياء لاجل وصيه او وعد
بلع جاسم شعور مايدري شلون يفسره ضم امه وماهان عليه دموعها باسها بجبينها ووقف : يمه بطلع اشوف محمد وخالد صارت لهم مشاكل وبتطمن عليهم وانتي ارتاحي يالغاليه
طلع جاسم وراسه يالمه وشلون سوت امه كذا وشلون مخبيه عليه وهي تناظره يدورها
اخذ سيارته وانطلق يدور اصدقائه
،
وقف خالد بكوفي المول منتظر محمد
ارتشف القهوه وعيونه تراقب المحلات
وش اشتري لها الحين وش يدرين بذي الامور
تنهد خالد وميل راسه
محمد من خلفه : وابتدت قصة غراااام وين سارح يالاخو
ضحك خالد بخفه : اقعد اقعد باقي تكتب عني بالجرايد
محمد قعد بحماس وناظره : هاه بشر نقول مبروك
ميل خالد فمه ورفع حواجبه : تقدر
قفز محمد يضمه بسعااده : مبرووووك وترى توها بزر ماهو تتضاربون بكره
باعده خالد وبحده : محمد صاحي انت اقول لك متزوجها ابعدها من ابوها ولين تكمل مدرستها يصير خير
محمد رفع حاجب : وشلون لين تكمل مدرستها
خالد رفع حاجب : يعني اذا كملت دراستها الجامعيه وتبي الطلاق وفيه حد شاريها الله يوفقها
جاسم ضحك : يالخااااين تتزوج بدوني
وقف محمد وخالد وضموه
محمد : والله اشتقنا لك يارجال
خالد تبسم : زواج على ورق لاتكبرها المهم انتهت القضيه
قعد جاسم معاهم : والله اعذروني انشغلت هناك وماعاد سالت وش صار معاكم
محمد ابتسم : مانلومك شغل ولقيت يزن اكيد انشغلت
جاسم باهتمام : وش صار مع بندر
محمد عقد حواجبه : ساعدني خالد واكتشفت ان الورقه مزوره والشركه الي العقد لها كانت لبندر وصديقه
جاسم : ووش سويت
محمد تنهد : رحت لبوي وتحديت بندر واني برفع قضيه عليه لكن ابوي طاح واسعفته وبندر هرب
جاسم بعصبيه : الحيوااان يترك ابوه ويهرب
محمد : تخيل المهم وصلت المشفى والحمدلله اني اسرعت فيه وسلم من الجلطه
جاسم : والله انه حقير ارفع عليه قضيه
محمد رفع حاجب : ابوي رافض
خالد : وتدري صديق بندر ذاك لقيته بالقضيه حق مهدي
جاسم التفت له : ايي وانت وش صار للقضيه
خالد : ابد اخذت توكيل ابرار ومهدي رفض يعترض على اي تهمه وطلعت برائة ابرار وتطلقت
جاسم رفع حاجب : ايييه
ابتسم خالد : وتزوجتها
جاسم بصدمه : من جدك
محمد ضحك : تخيييل بينهم ١٢ سنه المجرم
خالد ناظر محمد بحده : قلت لك زواج ورق يالحيوان
جاسم عقد حواجبه : وليه خالد
خالد : جاسم البنيه ابوها بايعها لاطرف مجرم والبنت خايفه ووعدتها في المحكمه اني اخذها
جاسم : ووشلون طلعت برائتها
خالد ابتسم : البنيه عذراء والتهم الي عليها باطله
جاسم ميل فمه : والحين شلون ببيتك هي
ضحك خالد بخفه : اي بسجلها السنه الجايه تكمل دراستها يعني حسبة اختي
محمد يمثل الجديه ؛ بطل كذب ياخالد وش الي حسبة اختك
خالد ناظره : وش تبي انت مني ياخوي دور لك حرمه تشغلك عني
ضحك جاسم : اقول خالد من جد من تذكرها تبتسم متاكد حسبة اختك
خالد ببرود وجديه : اذا ماودها اياني وبتكمل دراستها الله يوفقها لين تكمل الدراسه وتتطلق
جاسم بصدمه : يااااقوة قلبببك
محمد رفع حاجب : لين بكره خليه يعيد ذا الكلام هذا وجهي ان تركها خالد
ضحك جاسم على هواش خالد ومحمد : اقوول اتركه يامحمد وانت منت ناوي تتزوج
محمد : تخيل ياجاسم انقذني الله من ذا التفكير بعد ما انت سافرت وخالد انشغل بالقضيه حسيت بالوحده والموضوع ذا طرى لي لكن الحمدلله جاء بندر العله الهاني
خالد رفع حاجب : اقول جاسم وش صار باين ماهو يزن الي اشغلك وحده
تنهد جاسم : والله مدري شلون اشرح لكم
محمد بصدمه : يكون صار شي جاسم وماتكلمت
تبسم جاسم : ماصار شي لكن الي قعد قربي بعد ماودعتوني كانت لمى
خالد : العمياء
محمد بصدمه : هذي متعمده وش تبي منك
جاسم ناظره بعتب : وازيدك شي جناحي قرب جناحها والبنرده حقي قرب البرنده حقها
محمد ناظره بصدمه : وش ذااا
خالد ابتسم : وعسى عدت الصدف على خير
جاسم التف له : منها دريت عن يزن تتعالج عنده ومن يزن دريت عن ليلى
الاثنين ناظروه بصدمه وبنفس الوقت : ليلى
خالد رفع حاجب : وشلون لقيتها وانت ماتركت حد ومادورت وسالت عنها
محمد ناظره بفرحه : وش شعورك يوم لقيتها
ناظرهم جاسم وابتسم : شعوري شفته بعينك يامحمد
محمد : وشلوون وين انا
جاسم تنهد : يوم لقيتها بالمول
خالد بصدمه : تقصد ان ليلى هي لمى
هز جاسم راسه بارهاق : تخيل
محمد هز راسه بصدمه : وشلووون يعني ليلى
تبسم جاسم : ماقدرت ادري عن اي شي ولافهمت شي غير ان ليلى هي لمى بحد ذاتها
خالد عقد حواجبه : ماسالت الوالده
جاسم : تو جيت من عندها وكل الي قالته انها قطعت الاتصال بيننا وانهت الخطوبه الي بيننا انا وليلى
خالد ميل راسه : يعني الوالده تدري انها ماسافرت
هز جاسم راسه : اي لكن باين ماتدري انهم انتقلو لبيت خوالهم
خالد : وعمها ليه يكذب عليك
جاسم بهدواء : هذا الي ودي افهمه
محمد للحين يستوعب : ماتكلمت معاهم ليلى مدري لمى
جاسم : لا قلت بفهم من امي بالاول وغير كذا ماستوعبت ان اسمها تغير
محمد : انت الي سميتها صح
هز جاسم راسه : اي
خالد ميل فمه : تبي اساعدك جاسم
جاسم ناظره وتبسم : ماتقصر ياخوي لكن بنتظر لين افهم من امي الي صار زين وبعدها بشوف عمار ونتكلم
محمد بهدواء : يعني ليلى او لمى مابه فرق بتاخذها
هز جاسم راسه : اي هذي وصيه ووعد وعدت ابوي وعمي صالح
صمت الثلاثه وكل واحد يفكر شلون يساعد الثاني