اخبر عيناك الجميله ان تكف عبثاً بقلبي 🤍

50

على الليل وبعد غروب الشمس رد جاسم لبيته وراح جناحه يدور على ليلى ويناديها : ليلى ليلى
ليلى بخجل : جااسم انا في الحمام
قعد جاسم على السرير منتظرها وبصوت مرفوع : ترى بنسافر المانيا
طلعت ليلى من الحمام تتلمس الجدار وتمشي بهدوء : المانيا ليه عسى ماشر
فز جاسم وقرب لها ومسك كفها وتبسم : تقدري تقولين شهر عسل
ليلى رفعت حاجب : والسبب الاساس للسفره
ضحك جاسم وعيونه تتاملها : تتذكرين المصوره رنيم اختها عندها سرطان في الرئه ويزن وده يسفرهم
ضحكة ليلى برقه : ويبينا نروح معاهم لاجل مايختلي بهم
شالها جاسم من الارض متبسم : وش هالدلع والزين
استحت ليلى والي كانت منتضره جاسم بفستان اسود قصيرر على الجسم بقماش ناعم ومريح وتاركه شعرها بطوله اما وجهها مثل ماهو بدون ميكاب
جاسم تنهد : تدرين وش يطيح شناب الرجاجيل
ليلى ميلة راسها : وشو
جاسم وانتهى صبره : لا اخذت قلبه فاتنه
،
ببيت خالد والي رد وتبسم على صوت التلفزيون المرتفع قرب من الكنب ولقى ابرار بفستان احمر بفتحات جانبيه وروج احمررر وشعرها كيرلي
تبسم خالد وقعد يتاملها اشوي : وش اسوي فيك يابرار صغيره بشكلك وعمرك وكبيره بعقلك
تنهدت ابرار وتحركت بخفه وفتحت عيونها وعقدة حواجبها : خالد متى رديت
خالد رفع حاجب : كنتي بحفله
عدلت ابرار قعدتها وارمشت شوي تستوعب سؤاله ومن ثم تبسمت بسخريه ووقفت : ايه وجاني خطاب بعد
حد خالد عيونه على مفاتنها الي ظهرت بوقفتها وتمايل الفستان عليها : ابرار لسانك متى يعتدل
ابرار مالت بوقفتها تناظره : خالد تعبانه راسي مصدع اتركني بحالي
التفت ابرار متجهه للدرج الا ان يد خالد وقفتها وبغضب : قلت مليون مره لما اكلمك ماتتركيني
تاملت ابرار ملامحه الحاده وعصبيته واقتربت منه وضمته وبهمس : امانه لاتبعدني اتركني اشوي
قلب خالد تحول طبول وعقله محتار وش صار لها ومكدر خاطرها تنهد خالد وضمها بحنيه : وش صار فيك
ابرار ضحكة بخفه ورفعت راسها له : لما اتكلمت مع البنات قالن ان ازواجهن بيردوا بدري وتضايقت ليه انت قلت بتتاخر وانا مستنيتك
خالد استغرب حالتها وكانها مو واعيه وتوه انتبه : وزعلت لجل كذا ياعيوني
هزت راسها بالرفض ومن بعده هزت راسها بالموافقه : بعدين رحت شفت الثلاجة الي بغرفتك الصغيره ولقيت المشروبات حقك واخذتهم كلهم وخلطتهم
خالد بصدمه : لاتقولي شربتيهم
حطت ابرار راسها على صدر خالد وضحكة : كلهم
خالد بصدمه : ابرارررر المشروبات حق طاقه وانتي تحت الـ ١٨ وشلون تاخذيهن من غرفتي
ابرار بغضب : بكيفي انا اسوي الي ابيه
هز خالد راسه وميل فمه بخبث : زين اجل تحملي كيفك
،
اما ببيت محمد والي رد تعبان دخل البيت واتجه للمطبخ يشرب شي لكنه انصدم بعهد الي تطبخ وتغني
عقد محمد حواجبه مستغرب ثيابها القصييره والشفافه نوعاً ما وبغضب : حد جانا البيت
التفت عهد تناظره معصب واستغربت : لا ليه
محمد بشك : انتي طلعتي من البيت
عهد عقدة حواجبها : محمد وش فيك ماطلعت ولا حد جانا انت فيك شي
محمد ناظرها من فوق لتحت : روحي غيري ثيابك
عهد بصدمه : وشوو لييه
محمد بانزعاج : ماعجبتني وش طابخه حدي جوعان
عهد ومنقههههره من ساعتين تتجهز وتتزين وبالاخير يكلمها كذا : طابخه زقوم عساه اكلك في جهنم
تركته عهد بغضب والدمعه ماسكتها بقوه وبداخلها تلعنه وتلعن حالها الي تزينت له وصدقت البنات
تبسم محمد بخفه : زقوم وانتي بذا الزين اكله وانا مغمض عيوني
قرب محمد يتفقد الاكل واخذ له صحن وراح الصاله
وبصوت مرتفع : بشاهد فلم لو تبي تشاهدي
عهد صرخة بعصبيه : عسااااك تنعمي قول امييين
ضحك محمد بصوت مرتفع : الغيييييره
سمع صوت شي تكسر وهز راسه بضحك وقعد ياكل ويشاهد ومعلي الصوت على فلم رعب
،
في الصباح جاسم وليلى اتجهزوا واخذ جاسم الشنط يوديهن للسياره وقبل يطلع : اقعدي لين ارد لك
راح جاسم وتما ليلى ميلة فمها بعناد : مو لاني عمياء يعني ماقدر ادل دربي
تمسكت ليلى بالبرقع وتلمست الجدار وراحت تمشي لبرى الغرفه تركت الباب وتقدمت بخوف لين تمسكت بالجدار المقابل واتجهت نحو الدرج ونزلت خطوه خطوه بخوف لين وصلت للنص وتوقفت بصدمه من صوت بنت
شهد بغنج : جاااسم على وين مسافر
ضحكة بوقاحه وخبث : لكن بشتاق لك حيل ترى ماكتفيت منك امس
تبسمت شهد وبميوعه : احبببك ولكن العمياء ووصية ابوك مانقدر عليها لكني مسامحتك يكفي انك بحضني كل يوم ياحبي
نزلت دمعه حاره من عيون ليلى والصدمة بصوت جاسم
جاسم بهدوء : شهد بنتحرك الحين ردي مع السواق
شهد بخبث ابليس : يكفي كحلت عيوني بشوفتك قبل تروح يابعد هلي
طلعت شهد دون تترك مجال لجاسم يرد تطق الارض بكعب جزمتها بغرور
اما جاسم يناظرها بصدمة من جرائتها الي مالها حدود ولا لها حد يردعها وبهمس ماينسمع : عسى روحه بلا رده
التفت جاسم واتجه للدرج وصعد للدور الثاني وانصدم بشوفت ليلى قاعده بالارض مابين الدرج وغرفتهم
قرب منها جاسم بقلق : ليلى تعورتي وش صار لك
مسحة ليلى دمعها وتمسكت بكفه متبسمه : طحت وتالمت شوي
جاسم بغضب : شفتي عنادك وش سوى بك قلت لك برد واخذك لاتتحركي
ليلى برقه : جاسم ماني دميه بقعد دون حراك لاني عمياء
تنهد جاسم وشالها بيديه وضمته ليلى تستنشقق عطره الرجولي الي ما اختلط فيه اي عطر انوثي وتبسمت : جاسم اخاف اثقل عليك نزلني اقدر امشي بروحي
جاسم تنهد : والله لو اقدر ادخلك بقلبي واشيلك طول عمري ماتعبت
استحت ليلى وحطت راسها بصدره تفكر بحيره من البنت ( من انتي يالخبيثه )
،
ببيت محمد والي صحى واهو نايم على الكنب والصدمه انه متلحف وان راسه بحضن عهد الي نايمه على الكنب واهي قاعده
ارتفع عن رجولها وناظرها بغرابه : معقول خفتي
تنهد محمد وغمض عيونه بقوه وبصوت هادي : عهد عهد اصحي
فتحت عهد عيونها بانزعاج وناظرته وتلفتت تناظر حولها بصدمه تتذكر انها نزلت تتطمن على محمد بعد ماهديت حركته وتبسمت عليه لما لقته نايم واهو قاعد على الكنب وماعليه الا تيشرت وتكييف الصاله بااارد وراحت تجيب لها لحاف ولما لحفتها قعدت قربه محتاره تتركه نايم واهو قاعد او تمده على الكنب او تصحيه وتوديه لغرفته لكن محمد صدمها لما مال وامتد على الكنب وطاح راسه بحضنها وقعدت تتامل ملامحه الجذابه لين غفت دون شعور
محمد رفع حاجب على سرحانها : عهههد ماهو وقته نتكلم بعدين عن نومتك هنا والحين يزن وجاسم وليلى والمصوره واختها مسافرين المانيا بروح اودعهم للمطار تجين تودعين ليلى
انصدمت عهد وعقدة حواجبها : وشوو ليلى مسافره ليه توك تتكلم
محمد تاملها شوي : اتذكر انك امس طبختي لي زقوم ورحتي تتدعي علي ورفضتي تنزلي تقعدي معاي
عهد وقفت وبغضب : تو بحاسبك على كلام امس لكن مافيه وقت بروح اتجهز
راحت عهد متجهه للدرج ومحمد خلفها وبحده : عسى خير ليه ثيابك كلها قصيره عهد هانم
عهد وقفت بداخل غرفتها ممسكه الباب : ثيابي وبكيفي استاذ محمد
غلقت عهد الباب بوجهه وبلعة ريقها بخوف من حركتها مع محمد
محمد رفع حاجب وبهمس : قويه يابنت طلال لكن بتندمي على حركتك ذي
،
في المستشفى جهز الاطباء ريم ورنيم واقفه قربها تسندها وبفرحه : واااو بنسافر ياريم متحممممسه
تبسمت ريم بتعب وهزت راسها : هدي شوي مايصير ترفعين صوتك بمكان عام
رنيم ضحكة بفرحه : لاتلوميني الفرحه فرحتي منه بتتعافي ومنه بنغير جو وااه المانيا مره وحده
ريم ناظرت يزن الي انهاء اوراق المستشفى وبحياء : رنيم الرجال شهم خلك عاقله زين ياعيوني
رنيم ناظرت يزن وميلت فمها : زييين تاامري
قرب منهم يزن وتبسم : جاسم وليلى سبقونا للمطار
رنيم بفرحه : احلا شي ان ليلى بترافقنا
ريم بخجل : اتعبناك يزن وباقي متحمل كثير
يزن رفع حاجب : مامن وراك تعب يكفي انك تتعافي
رنيم بطفش : يززن مابه وقت يلا عاااد
ناظرها يزن بياس : تامري انسه رنيم
تحرك يزن واهم وراه لسيارته وتحرك يزن للمطار
،
ببيت خالد الي صحى واستغرب عدم وجود ابرار قربه فز يتلفت يدور عليها ومالقها اخذ ثيابه ومن ثم واح لغرفتها ومالقاها ونادها بصوت مرفوع وماردت وبحيره وخوف تملك قلب خالد : ليكون انصدمت وبتلومني
نزل خالد للدور الاول وقعد يدورها بكل مكان ومالقاها تجمد الدم بعروقه وبغضب : والله ان طلعت من البيت خطوه اني للقيها واكسر رجلها
رد خالد لغرفته بسرعه واخر فكره عنده انه يتصل عليها لكن الورقه الي قرب تلفونه لفتت انتباهه اخذها ورفع حاجب ( اعتذر علي الي سويته اين كان مابدر مني لاني ما اتذكر شي واسفه جداً ادري انك بتصحى متندم ومو طايق وجهي او صوتي لاجل كذا بقعد في السطح لين تطلع )
ارتسمت بسمه على شفايف خالد ومن ثم ضحكة خفيفه وتنهد براحه : ابد منتي صاحيه
رمى الورقه واتجه للسطح يدور عليها لقاها متكوره على حالها قاعده تبكي بشهقات مسموعه
قرب منها خالد متاملها ببجامته وكشت شعرها قعد امامها ورفعت ابرار راسها بصدمه وخدودها حمرا من كثر البكاء وبصوت باكي هامس : اسفه خالد ماكنـ
شدها خالد لحضنه وضمها متبسم : وش اجمل من وجهك على صباحي ياصغيرتي
ضمته ابرار اكثر وبكت اكثر ومن بين بكائها وشهقاتها كانت تعتذر له وانها ماكنت تدري وش تسوي
خالد ومتمسك فيها وعاقد حواجبه بغضب : يكفيييي ترى شوفتك بذا الحال يالم قلبي يابرار هدي حالك
صمتت ابرار واكتفت بضمته تهدي حالها شوي
تنهد خالد ومسح على شعرها ينزله شوي من وجهه : ترى ماسويتي شي انا الي اخذتك من الصاله ماقدرت ابتعد عنك اكثر ولو علي ماتركتك تبعدي عني شوي
ابتعدت ابرار تناظر وجهه وارمشت بهدوء ونزلت الدمعه العالقه برمشها : تحبني
ميل خالد فمه وقرب منها وبوس دمعتها من على خدها وتبسم : اعشق صغيرتي لاتحاولي تكوني كبيره
تبسمت ابرار وضمته تدفن راسها بصدره على ضحكة خالد الفرحان ان ماعاد بينه وبين صغيرته حواجز
،
في المطار وصل جاسم وليلى ونزل جاسم من السياره والتف لباب ليلى وتبسم : وضاح اننا اول الواصلين
ليلى بنعومه : ليتك نمت اشوي وارتحت
ذاب جاسم بنعومتها وهمس : راحتي قربك
التفت عنه ليلى بحياء وشد جاسم وجهها برقه : اشوف البرقع وش رايك تلبسين الكمامه من هنا ازين واريح لك
ليلى تبسمت : الي تشوفه
اخذ جاسم الكمامه السوداء الي مجهزها لليلى ولبسها قبل تنزع البرقع ومن ثم شال البرقع عنها وبغضب : لا والله عيونك جميله
ضحكة ليلى برقه : وش يرضيك بعد لا ببرقع ولا بكمامه
تنهد جاسم وبغيره : المشكله بعيونك وشلون يشاركني غيري بشوفتها واهي حلالي
ليلى بهدوء : يكفي انها ماتشوف حد
جاسم تبسم : لا مايكفي لما نرد من المانيا بحبسك ببيتي ممنوع تطلعي منه ابد
ليلى بصدمه : تمزح
جاسم بحده : لا والله وين ودك تروحي يشوفون عيونك
ليلى ارمشت تستوعب غيرته : جااسم اقصد امي وعهد وابرار وشلون ماروح لهم
جاسم رفع حاجب : الي يبيك يجيك هذا قانوننا الجديد
محمد من وراهم رفع حاجب : لا والله يالاخو
التفت جاسم يناظره وضحك بخفه : وش جابك ليكون بتسافروا معنا
محمد شدها واهو مبتسم مبتعدين عن السياره : ليت والله لكن المره الجايه ان شاء الله نروح سفره كلنا
جاسم هز راسه : ان شاء الله وليه جبت عهد معاك
محمد ناظر للبعيد : تسلم على ليلى ومنه اغير جوها شوي نروح ناخذ اغراض للبيت
جاسم رفع حاجب : وشلونكم عسى زان عقلها
محمد ضحك وغمز له : والله صارت زينه لكن تقدر تقول اني ابتعد عنها وحط حاجز
جاسم تنهد : والله لين لانت لك سويت حدود عسى خير
محمد ميل فمه بسخريه : نسيت اني حلفت لها ما المسها طول ماهي عندي لين يرد عمي طلال
جاسم بغضب : لااحوول وانت باقي صوم او تصدق
محمد هز راسه : اتركك عني بشر عنك
جاسم توسعت بسمته : عسى قريب ربي يرزقني بولد
يزن من خلفهم : امييييين وش جابك محمد
محمد رفع حاجب : والله الملامه علي الي جيت اودعكم
ضحك جاسم : افااا بالعكس الود ودنا ترافقنا انت وخالد
يزن تبسم : محمد لا اوصيك على الجميع حتى عهد وان جنت اوقات
محمد ضحك : تااامر توكلوا يلا وانا باخذ زوجتي
قرب محمد وجاسم من سيارة جاسم واما يزن رد لريم ورنيم
محمد عقد حواجبه : عسى عجبتكم القعده مدام عهد
عهد رفعت حاجب : اكيد عاجبتني دامك بتنكد فيها
محمد ارمش ببرائه : افااا ياعيون محمد لو تبي بعد احجز لك معاهم ما قول لا
عهد بغضب : محمممد ماهو وقتك
التفت عهد لليلى : انتبهي على حالك لموش ومتـ
قاطعها جاسم بحده : نععععم وش قلتي ترى ممنوع حد يقول لموش غيري
عهد بعصبيه نزلت من السياره : عسى تلتم عليكم ذيابه يارب ماجمعكم ربي الا وانتم نفس الطينه
محمد بحده : عهههد لمي لساانك يالملاك
ليلى ومنقهره على عهد : عسى خير زعلانيني بتتفارقون وحطيتوا حرتكم علينا
كتف جاسم يدينه ورفع حاجب : زعلانيني جداً ليه غيرانه
ضحك محمد بقوه وماقدر يمسك حاله
يزن قرب منهم معصب : وووجع انت وياه اعطيكم بعد قهوه تزين السالفه مابقى على الطياره خمس دقايق
ضحكة عهد وليلى بخفه تحت نظرات جاسم ومحمد الحاده
محمد بحده : امشي قدامي مدام عهد الغلط علي جيت اودعهم لو اني نمت مثل خالد ازين
يزن رفع حاجب : ليتك نمت كسرت راسي لاجل سلامك
جاسم تبسم : عليك بخالد لاتتركه بحاله
ضحك محمد واخذ عهد وراحوا اما يزن عصب على جاسم لين صعدوا الطياره
،
قعد عمار في المقهى يناظر بهدوء الي رايح والي جاي بحيره وشلون وصلت علاقته بهمدان لذي النقطه صحيح انه من امس طالع من السجن لكن من طلع همدان واهم مايناظروا بعض
تنهد عمار بضيق وتمنى لو ترد علاقته بهمدان مثل الاول ماكنوا يفترقوا ولو دقيقه في الشغل او البيت او الطلعات معقول لاجل لمى والي صار همدان بيتغير علي او انا الي تغيرتي عليه دون احس بحالي وش الي يصير
اهتز تلفون عمار برساله من امه تساله وينه رد عمار عليها وترك تلفونه يناظر كوب القهوه
وش اخبار لمى ادق عليها او ادق على جاسم او اتركهم اليوم بعد يرتاحون شوي
قطع تفكيار عمار الي قعد امامه يناظره بحده
عمار بصدمه : همداااان
همدان رفع حاجب وناظر للبعيد : ادري انك كنت تبي لمى لجاسم وادري ان جاسم ضغط على الجميع لين اخذها
اخذ همدان نفس عميق : الله يوفقها اهم شي انه بيسعدها
عمار تبسسسم : والله اني اشتقت لك
همدان بسخريه : واضح الا وش اخبار الشركة بغيبتي وش صار هل فيه شي جديد
تامله عمار ببسمه شاقه وجهه وقعد يحكي له كل شي بغيابه