اخبر عيناك الجميله ان تكف عبثاً بقلبي 🤍

40

عند جاسم ومحمد الي انتهوا من كل شي بعد تشديد وترتيب كل شي قعدو يناظرو بعض
محمد تبسم بحب : مشكوووورين والله انتم تكفوني عن الدنيا
ضحك جاسم : اهم شي نشوف ضحكتك الي تنسي الهمووم
رن تلفون محمد وناظره وعقد حواجبه : هذي صاحيه
جاسم بغرابه : خير
محمد ناظر لجاسم مستغرب : عهد مسويه مكالمه جماعيه وضايفتني
ضحك جاسم : اقووول رد شوف وش عندها
محمد تبسم : اخاف متصله لي مع ابليس واخوانه
رد محمد ببرود وحطه اسبيكر : نعم
عهد وللحين معصبه عليه : ونعامه جاسم عندك
محمد ناظر جاسم ورفع حاجب : ترفسك وش تبي منه
عهد وسعت عيونها وبحده : محمد نتفاهم بعدين لمى وابرار في الخط
ضحك محمد بخفه : هلا والله بخواتي السموحه فكرتهم ابليس واخته
ضحكة ابرار بقوه ومغطيه وجهها بمخده وبان اشوي من صوتها
لمى بتوتررر وخجل : اخوي محمد جاسم عندك
محمد ناظر جاسم الي وجهه تشقق من الفرحه : ايه حطيته اسبيكر يسمعك جاسم
لمى عقدة حواجبها مستغربه سكوته : جاسم
جاسم ويثقل صوته : خير ليلى
لمى وشوي وتقطع اصابعها من التوتر والخجل لكن لاجل همدان لازم تستقوي : تهددني ياجاسم بهمدان واخوالي
جاسم رفع حاجب مستنكر هجومها : والله بيني انا وهمدان شوي مشاكل وبنصفيها اما عن تهديدك فانتي حر كل الخيارات بين يديك
لمى بلعة ريقها : يعني بتترك اخوالي وهمدان لا
جاسم ناظر محمد الي غمز له يثبت : لا ماني متنازل عن همدان تبي شي ثاني
انصدمت لمى من بروده وجفاه معاها ما كانه مسوي كل ذا علشانها : طيب بطلب الطلاق الليله من همدان وتترك اخوالي
فز جاسم بانتصار ومحمد ياشر له مايطلع صوت
جاسم كح شوي يعدل صوته وببرود : اجل الملكه اليوم بيننا او بكره بلتقي باخوالك في المحكمه
لمى بلعة غصة من بروده وحدته : موافقه لكن عندي شرط
جاسم بسخريه : ايه من حقك تتشرطين يابنت صالح
لمى ونزلت دمعه وتحاول تكون قويه : شرطي ماتدخل بيتنا تملك الا وهمدان معك وماينام في السجن
قبض جاسم على يده بعصبيه وبصوت حاد من بين اسنانه : ليلى تدرين انك مضطره توافقين وانتي بالعه لسانك وهمدان متى مابرد قلبي طلعته من السجن
لمى بعناد وبصوت باكي : اجل احلم اني اتزوجك
قفلت لمى التلفون ورمته وامتدت على السرير تضم حالها وتبكي
عهد بحده : السموحه لكن زودتها اخوي جاسم خلاص بيصير الي ببالك ماله داعي تتركه بالسجن
جاسم ضرب على الطاوله بقوه : والسموحه اخت عهد مالك حق تحرقين ثياب الجوهره اخت محمد وتطلعي جنونك فوقهن
توسعت عيون عهد بصدمه وتناظر التلفون تستوعب
ضحكة ابرار وتحاول تثبت صوتها : ماعليه هدي حالك اخوي جاسم كفيت كفيت
رفع محمد حاجب وضحك وقفل التلفون : والله والله ان عهد بيجن جنونها
جاسم رافع حاجب : والله الله يعينك عليها اما ابرار تستحق خالد وبجداره
ضحك محمد من قلب متخيل شكل عهد
،
عهد ومنصدمه : ثياب الجوهره اخت محمد وش تسوي في بيته وبيت ابوها اقرب لها
انقلبت صدمة عهد لعصبيه : جاااسم وش الوقاحه الي ترد فيها كنت انصحك
رن تلفون عهد وناظرت وردت بعصبيه : ابرار ماني ناقصتك
انفجرة ابرار تضحك : والله تمنيت اشوف وجهك ارتحتي الحين طلعت ثياب اخت محمد الجوهره
عهد بعصبيه : ومصدقه جاااسم اكيد يدافع عن محمد
ابرار وتاخذ نفس لاجل تسكت وبسخريه : والله جد الله يعين محمد اساساً انتي ماتبي تعذري محمد وعلى طول لبستيه تهمه ترى بعض الضن اثثثم
عهد بحده : اقلبي وجهك
ابرار ضحكة : طيب
قفلت ابرار التلفون ورمته على الكنب تضحك من قلب : والله فااااات خاااالد
فتحت شاشة التلفاز تتنقل بين قنوات الاغاني لين وقفت على اغنية راشد الماجد :
خذ راحتك .. ماعادها تفرق معي
تبي تغيب ونفتـرق خـذ راحتـك
شكرا على ذوقك .. وبس لاتدعي
إنك صريــح .. وشكراً لصـراحتــك
ماكان غيرك في حياتي .. مطمعـي
في قلبي الأوحد .. وقلبي ساحتـك
من كل درب ودرب .. أسعى لك سعي
وأمواج حبي .. من غلاك إجتاحتــك
كم كنت أحبك .. في الوعي والإ وعي
والأرض أرضك .. والسماء مساحتك
لك كنت خاتم .. وأنت خاتم بأصبعي
وأتعب على شانك .. وأدور راحتك
وتشوف من فوق السحايب موقعي
إلين طيحت النجوم .. وطاحتك
وألحين ماعادت ترى .. تفرق معي
جنتك مابيها .. ولا تفاحتـــك
تنهدت ابرار ولمعت عيونها : بدري على ذا الكلام ياراشد
وقفت وراحت غرفتها مصممه ماتقابل خالد اليوم
،
عند يزن وخالد الي انتهوا من شركة ابو عهد واتفقوا يلتقوا مع جاسم ومحمد في الكافي
قعدو بعد ماتصافحوا
محمد تبسم : هاه بشرو
خالد رفع حاجب : الشركه بكفه وابو راشد بكفه
ضحك جاسم : عسى ماتهاوشتو
خالد ناظر يزن وضحك : لا يزن تولى امره وانا كملت باقي الشركه
يزن تبسم : بشر جاسم عسى جاك رد من عمار
جاسم بسخريه : لا جاني رد من ليلى
ناظروه يزن وخالد بصدمه : وشوو
ضحك محمد من قلب : اي والله
خالد رفع حاجب بحده : وشلون اتصلت لك
محمد كتف يدينه : كم تجيبوا وتسمعون باذانكم المكالمه
يزن عقد حواجبه : تسجل المكالمات يامحمد
تنهد محمد : ايييه بسبت بندر الكلب لما كان يتصل يهددني لكن نسيت الغيها
خالد توسعت بسمته : معليه سمعنا
محمد ضحك : طبعاً بمشاركة عهد وابرار ترى صارو فريق
خالد بصدمه : وشووو ابرار
جاسم بسخريه : مسويات اتصال جماعي
ضحك يزن من قلبه : الله يعينكم دامهم متفقات
فتح محمد تلفونه وسمعهم التسجيل
ضحك خالد من قلب وبداخله يتوعد ابرار على ضحكتها الي ماقدرت تمسكها : طلعت ليلى عنيده ياجاسم
جاسم رفع حاجب والي فعلاً ناوي شر : بكسر راسها
يزن ويحاول يهدئ من الضحك : طيب طيب عهد الحين مصدقه انها ثياب الجوهره او تفكيرها مختلف
محمد بحده : عهد والله اني اربيها
يزن قلب بجديه : محمممد ترى انت وعدت طلال انك تحفظها وتصونها
محمد ناظره بصدمه : وتبي اشوف الي تسويه واسكت
خالد ضرب محمد على كتفه : عندي لك خطه تجنن عهد فيها وانت محافظ على الوعد الي وعدت طلال
محمد رفع حاجب وناظره بتركيز : اطرب مساااامعي
تبسم خالد : الحين عهد تكرهك وماتطيقك وماتبي قربك صح
محمد كشر بوجهه : كاني مادري ليه تذكرني
خالد هز راسه : الحين انت بكل بساطه بتكون رومنسي معاها وتسمعها الغزل بكل انواعه
ضحك جاسم من قلب الي مركز معاهم : والله هذا عذاب نفسي حرااام عليك ياخالد
يزن ناظر خالد باستنكار : وش الاجرام الي عندك
تبسم محمد ورجع لوراه براحه والفكره عججججبته : صبرك ياعهد والله اني اجننك
يزن بحده : خااالد اذا ذي افكارك وشلون تتعامل مع الضعيفه الي عندك
خالد تذكرها وعقد حواجبه : اهي بتتربى بطريقه تليق فيها
يزن حد عيونه : خااالد
خالد تبسم : ترى صارت عنيده وترفع صوتها وغير كذا ماتفهم الكلام
يزن رفع حاجب : تعامل معاها بطيب باين من معاملتها لك تحبك لكن انت ليه تعاملها ببرود
محمد بسخريه : لاجل مايندم
حد خالد عيونه عليه : محمد مركز اني انصحك دايم واساعدك وانت واقف ضدي دايم
محمد تبسسسسم : كذبني لو تقدر
جاسم ضحك : الا جد خالد ليه تعصب عليها
خالد ناظر محمد الي يستفزه بحواجبه وبحده : ماتفهم اقول لها ابعدي تقرب
جاسم غمز لخالد : احلف انك ماتحبها
ميل خالد فمه ببسمه ماقدر يمنعاها : توها صغيره
ضحك محمد من قلب : شفتوووو
رن تلفون جاسم واشر لهم والبسمه شاقه حلقه وفتح الاسبيكر : هلاا عماار
عمار بهدوواء : جاسم انا واخوالي منتظرينك حياك
جاسم ببرود : تطلقت
عمار رفع حاجب : نتكلم قبل كل شي
قبل يتكلم جاسم نطق يزن بجديه : مسافة الطريق وحنا عندكم
عمار ابتسم : اجل منتظرينكم
قفل جاسم التلفون وناظر يزن ورفع حاجب : اذا ماتطلقت للحين وش له نروح لاني مستحيل اوفق على خروج همدان واتنازل عن القضيه
خالد حط يده على كتفه : طيب مايضر نروح نسمع وش بيقولون وبكل الاحوال كل شي بيدينا
تنهد جاسم والي انحدت عيونه : اجل تتشرطي ياليلى لاجل همدان والله اكسر راسك وراس همدان