اخبر عيناك الجميله ان تكف عبثاً بقلبي 🤍

31

بصالون الرجال دخل خالد المكان وقرب منهم مبتسم وكل واحد حاط مقشر على وجهه : افاااا الحين من العروس
يزن حاول مايضحك لاجل المقشر : انت ومحمد
ضحك خالد من قلب والثلاثه يحاولون يمسكون ضحكتهم : وجاسم عروس بعد
ميل جاسم فمه بامل : ان شاء الله
محمد ناظر خالد وغمز له : اكيد عروس
قعد خالد قرب محمد واشر له على جاسم وش صار
محمد رفع حواجبه بمعنى مستسلم : خله يضبطك لاجل البزر
خالد بطفش : حشى تمسك الشي ماعاد تتركه
يزن ابتسم : احتمال يتركك بعد ثلاث سنين
جاسم : اشك بذا الموضوع
محمد ضحك : الا وش قالت البزر لما وديتها
خالد تنهد : ماتبي تدخل تقول اول مره تدخل تبلشهم
ضحك يزن : ووشلون دخلت اعترف وش مسوي لها
خالد ابتسم : والله عمي طلال انقذها وطلع يدخلها
جاسم تبسم : فيه الخير انقذ المسكينه منك
خالد غمز لمحمد : ومن ينقذ بنت محمد
محمد ضحك بسخريه : عزرائيل
ضحك الثلاثه من قلب
التف محمد وناظر يزن : وانت متى تلاقي لك بزر ترى صار عندنا كلنا بزارين
جاسم باعتراض : انا ماعندي بزر
محمد ابتسم : اسكت بس الي عندك بزر اكثر من حقت خالد
يزن تنهد : والله عاد توه وقت ماودي انشغل عن عملي الحين يكفي منشغل بكم
خالد تبسم : والله لو ان سعيدة الحظ تقابلك لاتترك كل شي وتروح لها
محمد هز راسه : بضبط مثل خالد
ناظره خالد بصدمه : خيير
محمد ابتسم باستفزاز : رفضت تسمع كلام الكل واصريت على القضيه وتزوجتها بدون حتى تطلبني اشهد على زواجك ومابنساها ابد
خالد يناظره بصدمه : حاقد عليا
محمد بحده : ومن قلب
جاسم ابتسم : مالومه والله ياخالد لو اني بعد كنت هنا ماكنت بسامحك
خالد ناظر جاسم : ماله داعي تزيد الطين بله
ضحك يزن : خلاص خل عرسك مع محمد نحتفل فيك
محمد ابتسم : وهذي فكره بنعرس مع بعض
خالد هز راسه بالرفض : مستحيل
محمد رفع حاجب : لاجل اسامحك
خالد باعتراض : مايصير صار لي اكثر من اسبوع متزوجها
محمد بشهقه : تزوجتها
خالد بصدمه : لااااااا اقصد يعني في بيتي هي مو الي ببالك مجنووون
ضحك جاسم ويزن ومحمد وخالد يناظرهم بحده : والله مدري كيف متحملكم
،
على المغرب
وقفت لمى امام الجميع والكل منبهر بجمالها شعرها الي نازل جديلتين وفستانها الازرق المكمم بتصميم ضيق الكحل الازرق والمسكره على الرموش والروج الزهري الهادي
هند ابتسمت بفخر : والله اني ابدعت
سحر رفعت حاجب : تراها جميله بدون شخابيطك
ضحكة ساره بفرحه : ياااازيييينك لموش
خالها منصور بحب : ايييه ربي يحميك
عبير ام عمار بحنان : حصني حالك يمه ربي يسعدك
عمار تبسم : وش يقولون لك لمى القمر شيعود لك
سمر ببسمه : واضح تسمع اغاني كثير ذي الفتره
ضحكة لمى بخجل بشعرها المرفوع ونازل خصلات على وجهها وفستانها الازرق الضيق الطويل ومكياجها الخفيييف جداً : خلاص كفايه بنروح فلتهم بعيده
عمار تبسم : تمام انا جاهز منتظركم عند السياره
منصور ناظر عمار : وين سعد وهمدان
عمار رفع حواجبه : مادري والله
هز منصور راسه وراح يتصل بسعد
طلع عمار ووقف قرب سيارته واتصل بهمدان
همدان : هلا
عمار : وينك انت
همدان تبسم : نلتقي بفلة بو عهد
عمار بصدمه : بتروح
همدان ضحك بخفه : ايه وليه ماروح
انصدم عمار ومتاكد ان همدان صاير له شي : طيب نلتقي
قفل عمار التلفون وعقد حواجبه : همدان رايق بعد وش صاير
طلعت لمى وعبير وطعلو السياره وتحرك عمار بهدواء وباله عند همدان
لمى بغرابه : عمار
عمار تنهد : هلا
لمى بفضول : وش عندك
عمار بحيره : مدري اتصلت بهمدان يقول بيلاقينا هناك ومبين انه رايق
تبسمت لمى بخجل : زين ووش محيرك
عمار عقد حواجبه : لمى من بتختاري
لمى باحرااج : سبق وقلت لهمدان الي من الماضي يبقى بالماضي وماله داعي نعيده
وقف عمار السياره فجائه بصدمه : وشوو
عبير بخوف : عماار مايصير ياولدي كذا
عمار بعصبيه : اسف يمه لمى متى كلمتيه
لمى وخايفه من ردت فعل عمار : لقيته اليوم وانا رايحه لهند وسالني وقلت له
عمار بحده : وشلون تكلميه قبل تكلمينا
لمى بلعة ريقها وبتبرير : سالني فجائه ورديت
شتت عمار نظره بتوتر : الله يستر
حرك عمار السياره وانطلق فيها
عبير تنهدت من الي يصير : خلاص عمار ماهي مشكله همدان من البيت
عمار بعصبيه : الله يستر من الجاي يمه
لمى بخفه : انت قلت جاسم مابيجبرني
عمار بحده : ايه لكن وهمدان رايح اليوم يستفزه ما اضمن جاسم همدان متهور جداً انه يروح
نزلت لمى راسها بحزن ماتدري وش الصح ووش الخطاء
عبير بحيره : همدان بيقعد قربك وانت تحذره ياعمار
عمار تنهد : يصير خيراذا سكت
،
وقفت عهد امام مرايتها تناظر حالها بغرور شعرها الي طايح بنعومه ومغطي ظهرها وكم خصله ويفي
حواجبها المرفوعه والمرسومه وعيونها المسحوبه والي ميزتها برسمه تزيد من حدتها ورموشها الكثيفه برزوا اكثر بالمسكره
الروج الاحمر القامت الي يجذذذذب العيون لشفايفها الواسعه الرقيقه
بفستانها الاسود الضيق الي يبرز جمال خصرها ورشاقتها
وحذاء الكعب المرتفع الاسود
تاملت عهد حالها شوي وتنهدت : ليته يستاهل
طلت عليها ابرار وانبهرت بعهد : ووووش الجماااال ذاااا
التفت عهد وضحكة بخفه : عيونك الجميلات فعلاً ماشاء الله عليك ابرار كانك اميره طالعه من ديزني
تبسم ابرار بخجل ودارت بفستانها الوردي والي تصميمه اكمام من تحت الكتف لين نصف الذراع وماسك من الصدر والخصر وتنوره وااسعه بكسرات لين نصف الساق
بحذاء كعب مغطي الاصابع وملتف من فوق القدم بلول ابيض
وشعرها الويفي والنازل لنصف ظهرها مكياجها الخفيف والي عباره عن لمعه ورديه خفيفه حول عيونها وكثافة رموشها المزينه بالمسكره وبارزه حواجبها بالشي الخفيف وروج وردي ناعم لفمها الصغير بشفايفها الممتليه
عهد تبسمت باعجاب : يازييينك يا ابرار حصني حالك
قربت منها ابرار بسعاده وضمتها : وانتي بعد جميييله حيييل لزوم تحصني حالك
دخلت ام عهد الغرفه وناظرتهم باعجاب وحب كبير وبحنان وعيونه ممتليه دموع : بسم الله عليكن يابناتي ربي يحميكن من كل عين وحاسد ويسعدكن بحياتكن
قربت عهد منها وضمتها وتحاول تبلع غصتها وماتنزل دموعها
ابرار ابتسمت ولمعت عيونها : اقول بطلع قبل اتاثر وتنزل دموعي ترا مالي ام تمسح دموعي
فتحت ام عهد يدها الثانيه وبعتب : الله رزقني ببنتين عهد وانتي تعالي يمه اضمك
جرت ابرار لحضنها وضمت ام عهد البنتين بحب وتتمنا لهن السعاده
،
بعد اذان المغرب وصل عمار مع امه ولمى واشر لهم عمار على باب الحريم وراحت ام عمار ولمى متمسكه بيدها بتوتر : فيه ناس وصلو
ام عمار تبسمت : اي فيه حريم بندخل الصاله نبعد العبايه ومن ثم ندخل مجلس الحريم
هزت لمى راسها بالموافقه وتتمنى لو تتراجع وماجت من البدايه
انصدمت ام عمار بالي واقفه قدامها وارمشت عيونها تتذكر الماضي الي انعاد قدام عيونها وبهمس : ام جاسم
رفعت لمى راسها على الاسم وترمش عيونها بترقب
قربت ام جاسم منهم والتعب مبين بملامحها وابتسمت بحزن : اخبارك ياعبير
بلعة ام عمار  غصة حزن وتاملت ملامحها : بخير وانتي
ام جاسم هزت راسها بالنفي : وين الخير وولدي شايل بخاطره مني لاني الغيت خطبته
ام عمار رفعت راسها وتحاول تمثل القوه : حصل الي حصل وانتهى ماله داعي نذكر الماضي
ام جاسم ولمعة عيونها : لكنهم لبعضهم من انولدت
ام عمار قاطعتها بحزن : وين ذا الكلام لما جيتيني تلغي الخطوبه
ام جاسم هزت راسها بضعف : ادري اني غلطانه لكن وش ذنب جاسم ولدي
ام عمار بوجع : ووش كان ذنب بنتي لما الغيتي الخطبه
نزلت ابرار الدرج ووقفت قربهم وسمعت اخر جمله وناظرتهم بصدمه التفت ناحية البنت الواقفه بهدواء وحزنت عليها حرام كل ذا الجمال وعمياء
ام جاسم ناظرت لمى وبرجاء : ليلى يابنتي جاسم ابد مانساك ولو ليوم واحد وشلون تنسيه رجيتك يابنتي لاتتخلين عنه
لمى بهدواء : لاتترجين ياعمه والله ماعاد ينفع انا صرت حرمة همدان الحين وبذمة رجال
ابرار ابتسمت لاجل تلهي الموضوع : حياكم الله تفضلو ليلى تعالي عندنا البنات فوق عند عهد اريح من زحمة الحريم
تبسمت لمى على الصوت الطفولي : طيب خذيني معاك
تمسكت ابرار بيد لمى واخذتها معاها لغرفة عهد
ناظرتها ام عمار وابتسمت على برائتها : بنت من ذي يا ام جاسم
تنهدت ام جاسم وناظرتها بحزن : حرمة خالد صديق جاسم ولدي
ام عمار ناظرتها بصدمه  : مسستحيل توها طفله
هزت ام جاسم راسها : الحياه ضلمتها حييل واخذها خالد ينقذها
ناظرتها ام عمار بحزن وابرار تساعد لمى تطلع الدرج : ربي عوضها بخالد
قربت ام عهد منهن وبابتسامه لطيفه : حياااكن الله تفضلن المجلس ليه واقفات
راحن ام عمار وام جاسم وام عهد لمجلس الحريم
،
بمجلس الرجال والي امتلى
دخل محمد رافع خشمه واصدقائه خلفه يتبسمون
ابو عهد بحب : حياكم الله ياعيالي
يزن ابتسم : ربي يحييك ياعمي
ابو بندر بعتب : تاخرتو عسى خير
ضحك محمد بخفه : عمي طلال ادرى ليه تاخرنا
ضحك ابو عهد وهز راسه : اييه ادري زين جيتو بوقتكم اقعدو
قعدو الاربعه قرب بعض وكان قرب جاسم عمار
عمار تبسم : الف مبروك من الحين وعقبال البقيه
خالد تبسم : عقبالهم انا متزوج
عمار انصدم : ماسمعنا خبر عن زواجك
خالد ببسمه هاديه : ملكه واخذتها ماصار شي كبير
ابو بندر ومستعجل بقلق : وين المملك للحين
فز جاسم وابتسم : الحين اتصله
طلع جاسم من المجلس وعمار يناظره بقلق
خالد رفع حاجب والي مركز على حركات عمار : خير عمار فيه شي
عمار هز راسه وبهمس : خايف جاسم يتلاقى مع همدان برى وماندري بهم
خالد عقد حواجبه وبترقب : على اساس بننتظر كلمت اختك واختيارها
عمار باسف : لمى مكلمه همدان اليوم انها بتكمل معاه ولجل كذا همدان مصر يحضر اليوم الملكه
ناظره خالد بحده : وقسم بالله ان كلم جاسم او استفزه باي طريقه كانت مايلاقي همدان حاله الا بالمحاكم والسجن
قرب يزن منهم بعد ما حس بالتوتر : عسى خير
خالد يهمس بحده : وين الخير وهمدان جاي فرحان بموافقت لمى عليه
ناظره يزن بصدمه : وشووو
عمار بهدواء : انا بطلع انتظره برى ماله داعي نبين شي قدام الناس
خالد رفع حاجب وبحده : تبقى هنا او تطلع المهم همدان مايقارب جاسم
محمد متبسم وباله عند اصدقائه مسك كتف يزن وبفضول : وش صاير
يزن بعصبيه : اقعد وشد ظهرك وارفع راسك ومايعنيك اليوم اي شي فاهم
محمد عقد حواجبه : جاسم صح
هز يزن راسه : خلك مركز مع عمك وبس لين تنتهي الملكه ماهو يصير مثل الخطبه
قبض محمد يده يحاول قدر المستطاع يتبسم ومن داخله يتوعد بهمدان دون يدري وش الي صاير
،
دخلت ابرار مع لمى غرفة عهد وتبسمت : عهد جبت لك صديقه
تبسمت عهد بحب وبغرابه من ابرار الي ماسكه يدها ونظرت لمى العشوائيه : حيااك ربي وش اسمك
ابرار بسعاده : اسمها ليلى
ضحكة لمى بخفه : ربي يحييك عهد واسمي لمى مو ليلى
ابرار بغرابه : لا انا سمعت عنك من قبل
ضحكة لمى وقعدت على السرير : كان اسمي ليلى بعمر السنتين وبعدها تغير والحين اسمي لمى
ابرار قعدت قربها وبفضول وعيونها على خاتم الملكه حق لمى : ممكن اسال يعني اذا ينفع اتدخل بالسالفه
اخذت لمى نفس عميق وابتسمت : تفضلي دامك تدري بالسالفه اساساً
عهد ناظرت ابرار بغرابه : ماني فاهمه شي
ابرار التفت تناظر عهد بحماس : تتذكري يوم خطبتك الي صار وطلعو يجرون خالد ومحمد وجاسم ويزن
عهد تذكرت وابتسمت بسخريه : اييه يقولون على خطيبت جاسم انها ملكة على غيره وهي باسمه
اشرت لها ابرار على لمى والبسمه شاقه حلقها : المتهمه عندنا
ضحكة لمى على لطافة ابرار : باين خطبتك اختربت بسببي عهد
عهد ناظرت ابرار بعتب : اسفه ماقصدت لكن هذا الي قالوه
لمى تبسمت : ماقلتي شي تعتذري لاجله
ابرار بحماس وعندها فضول كبير : طيب الحين ودي اسال اذا ترضين
لمى ميلت راسها بلطافه : قولي بصراحه ارتحت لكن ومنه بفضفض وارتاح
ابرار قعدت وتربعت قدامها : متى عرفتي جاسم
لمى رفعت حواجبها : التقيت فيه بمول والبنات كبرو فتحت البرقع حقتي ووقتها كنت قاعده اناظره ومادري ان عيوني عليه وجاب شعر اني قليلت حياء
ضحكة عهد مو مصدقه : ولما درى انك ماتشوفين
ضحكة لمى بحرج : لقيته بنفس اليوم في الليل بمطعم وقتها جاني واعتذر قدام اخوي وهمدان
ابرار بجديه : ومتى دريتي انه جاسم خطيبك
لمى عضة شفايفها : بيوم الملكه والي كان يوم خطبة عهد
عهد بغرابه : دامه قابلك من قبل وشلون ماكلمك وعرفك عليه
لمى رفعت حاجب : التقيت بجاسم مره ثانيه صدفه وكان قاعد قربي على الطياره ووقتها سمع مني عن يزن صديقهم الي يدورون عنه ولما راح وقابل يزن وقتها يزن كلمه عني معتقد ان جاسم حضر معي لايطاليا
ابرار بسخريه : كل ذي صدف
لمى ابتسمت بخفه : وبعد كنت اقابله من البرنده لان غرفتنا قرب بعض ووقتها تكلمنا وكلمني عن ليلى وحبه لها
ابرار وحزنت على جاسم : تعتبري كل ذا صدف ياليلى
لمى ضحكة بخفه : دامك مصممه على اسم ليلى تبي تقنعيني انه القدر رجعني لجاسم وان ذي مو صدف
عهد رفعت حواجبها بتعجب : الصدفه تكون بالعاده مره مرتين ثلاث بالكثير اما بعد كذا يكون القدر
رفعت لمى راسها وغمضت عيونها بخفه : فات الاوان
ابرار عقدة حواجبها : بسالك شي ليلى وش الي فات
لمى ارمشت لثواني بهدواء وبعدها ابتسمت بسخريه : وشلون وانا ما اتذكره اصلا تركني وتوي صغيره حيل
ابرار بقوه : واهو بعد كان صغير وكانت عليه ضغوطات موت ابوه وحادث يزن وحادثك وموت ابوك كل شي كان فوقه صحى على اختفائك انتي ويزن بعمر مايتعداء الـ 14 وش ممكن يسوي
لمى قبضة على يدها : امه الغت كل شي
ابرار بحزن : وجاسم وش ذنبه من امه جاسم جن جنونه يوم ملكتي رجع لامه بدون عقل يصرخ ويكسر جاسم دور عليك وماترك حد ماسال عنك جاسم مايبي غيرك
لمى بلعة غصتها : وانا وش ذنبي من كل ذا انا تزوجت بشخص يحبني ويهتم فيني ومايعصب عليا
عهد ومتاثره بالي يصير وماتدري مع من توقف : متاكده ماعصب عليك ابد لانه شي مستحيل
لمى بصوت حزين : يمكن مرتين او ثلاث لكن يعتذر بعده
ابرار ولمعت عيونها : والي محرم عليه كل البنات دونك وحالف مايتزوج غيرك والي يدورك كانه يدور ابره بكومة قش لكن في النهايه الابره ذي عورته حيييييل
صمتت ابرار تجمع حالها لاجل ماتبكي وبعدها قالت بصوت خافت باكي : كسر قلب امه لاجلك وكسرتي قلبه حتى خالد حزززين بالحيل ومايفكر غير بجاسم
نزلت دموع لمى واخذت تتنفس بعمق وترمش عيونها بحزن
عهد ناظرت ابرار واشرت لها تسكت : يكفي ابرار
ابرار هزت راسها بالرفض : لا مايكفي والدور عليك ياعهد ترى ادري بالي يصير لك مع محمد ضنونك لاتعميك وتعيشين بجحيم يكفي محمد عايلته لاتزيدينه تراه ضعيف
عهد عقدة حواجبها وبحزن : ليتها ضنون لكن شفته بعيوني يتبسم للحرمه ويضحك معاها
هزت ابرار راسها : بتندمين اذا حكمتي عليه من اول نظره
لمى بصوت باكي : ابرار توك صغيره على ذي الامور لاتحكمي بسرعه
ابرار بسخريه ضحكت : انا الصغيره متزوجه للمره الثانيه ويتيمة ام وابوي بايعني لاجل الخمر انا الصغيره شربت من كاس المر لين ارتويت انا الصغيره عشت الظلم والخوف والجوع والبرد انتي وياها الي عايشات بالرفاهيه وتحكمن على كل شي من النظر الي مايهمكن غير حالكن
عهد بضعف : انا الي مايهمني غير حالي
قاطعتها ابرار بدموعها الي تنزل مثل قطرات المطر : انتي قاعده تهمي حالك ووشلون بتعيشين معاه وجامعتك ودك تدرسينها انتي اساساً مو مقتنعه بالزواج لاجل كذا تدوري ابسط عيب لمحمد
ناظرتها عهد بصدمه : ابراار
ابرار بحزن : انتي ماتعرفين ان محمد ماعنده غير بيته يهرب له اذا ضاقت عليه وانشغل اصدقائه عنه وبوجودك في البيت بتحولين بيته المهرب الوحيد جحيم هذا تفكيره شوفي شلون خايف من الزواجه ذي اكثر منك
التفت عهد تناظر للجهه الثانيه بعناد
لمى بحيره : وانتي متزوجه خالد صح
ابرار بحزن وتحاول تمسح دموعها بدون تخرب مكياجها : خالد اضطر يتزوجني لاجل ينقذني من ابوي بعد ماطلقني من زوجي وياليت انه يناظرني كزوجه ماهو بالعكس يناظرني اخت وينتظر انهي الجامعه لاجل يطلقني
لمى تنهدت وبهدواء : الامر منتهي عندي وانا زوجة همدان
عهد هزت راسها : لاتحاولي تغيري شي كل شي منتهي
ابرار ابتسمت بسخريه : نشوف وش الي بيصير نشوف وش الي انتهى