اخبر عيناك الجميله ان تكف عبثاً بقلبي 🤍

30

في صباح اليوم الثاني
صحى محمد ويزن وصارو يجهزون للحفله ويرتبون الهدايا وياكدون على الورد
يزن عقد حواجبه : كذا تمام باقي نروح نحلق
محمد تلفت يناظر حوله : عقد ياقوت ازرق الذهب والساعه وشنطة الثياب باقة الورد وباقة شوكوكلاته مانسينا شي
يزن هز راسه : لا وزياده عليها خلنا نروح
محمد ضحك بخفه : مشينا
،
صحى جاسم يناظر حوله تبسم لما طاحت عينه على الفستان الاحمر ماقدر يقاوم جمال الفستان او خيال ليلى الي رافقه همس جاسم بحزن : متى ياليلى اشوفك فيه
تنهد جاسم ووقف وراح الحمام تروش لاجل ينتعش وطلع  اخذ بدله رياضيه ونزل للصاله قرب من امه وقبلها قعد معاها شوي وطلع وتاكد من يزن وين بيتلاقون
،
عند خالد
حس بحركه خلفه وتفاجئ من اليد الي حاوطته التفت  يناظر بصدمه وتفاجئ من ابرار الي نايمه قربه بثوب الحمام وماحوطته
قبض خالد يده بقوه من التوتر وانفاسه تسارعت بلع ريقه وحول يرفع يدها عنه ولكنها ضمته اكثر وحطة راسها على كتفه بنوم عميق
حط خالد كفه على عيونه وتنهد وهمس : لاتتعبيني يابرار
ناظرها بهدواء وتعمق بملامحه الطفوليه الناعمه حاوطها بيده واسترخاء بالنظر لها بهدواء ونام بدون يحس
،
قعدت عهد متبسمه وتناظر حالها والحرمه من الصالون واقفه خلفها : مدام شو حابه اعملك
عهد بثقه : مو شي كثير ميكاب خفيف واتركي شعري ينزل بنعومته ماتسوين له شي
غمضت عهد عيونها بهدواء وبدات الحرمه بالميكاب اما عهد سرحت بخيالها وشلون بنعيش يامحمد ولمتى بنتحمل بعض اسبوع وماقدر احس بختنق
دخلت ام عهد وقربت من بنتها بحب : عهد يمه
وقفت الحرمه وابتعدت اشوي
ناظرتها عهد وتبسمت بحنان : لبيه يمه فيه شي
هزت ام عهد راسها وتنهدت : عهد يابنتي انتي اليوم حفلتك انتي اميره اليوم لزوم تتبسمين وتجاملين الكل
عهد بغرابه : وش له داعي ذا الكلام
ام عهد تمسكت بكف عهد وميلت راسها : اهل محمد بيجونا اليوم وامه سبق وقلنا لك عن مشاكلها
عهد رفعت حاجب : تقصدي انها ممكن ترمي كلام
هزت ام عهد راسها : وممكن تسوي اي شي بعد لكن انتي لاتعطيها مجال لذا الشي خلك هاديه مهما صار خلك واثقه ورافعه راسك وطنشيها زين
ابتسمت عهد بحب : يمه لاتقلقي كل شي بيمر باي حال بيمر كذا او كذا ماله داعي تفكري كثير
ضمتها ام عهد متمنيه لها كل الخير ووقفت بهدواء : يجزاك خير قاطعتك كملي زينيها
تبسمت الحرمه : لا مافيه مشكله
طلعت ام عهد وتبسمت عهد بسخريه وبهمس : عندي فضول وش ممكن يصير اليوم
،
في الصالون الرجالي
قرب جاسم من محمد ويزن وتبسم : ايييه لزوم نضبطك اليوم لعيون بنتك
ضحك محمد بسخريه : ايييه خلنا نطمنها لين تنور بيتي
يزن ميل فمه : بينور بيتك الحب
محمد ناظره بطرف عين : حب قول شي منطقي ماتدري عن الكراهيه الي بداخلها حشى اتوقع قلبها اسود
تنهد جاسم وبفضول وتردد : ااا محمد امك بتروح
محمد ضحك بخفه : لزوم تكتمل الحفله وبتكون حفله استثنائيه بعد
جاسم حط يده على كتف محمد وابتسم : اول مره اتمنى اكون بجلسة حريم
يزن ناظر جاسم : بنسمع المتفجرات لاتخاف ااووين خالد
جاسم هز راسه بعدم معرفه : مادري توقعته سابقني
محمد ميل فمه ورفع حاجب : وكاد غارق مع البزر
ضحك يزن وجاسم ومحمد متبسم
،
صحيت ابرار ودارت بعيونها ولكنها تجمدت وجهها غارق برقبة خالد وضامته بيديها ورجلها فوق بطنه ويد خالد محاوطتها من خصرها والثانيه فوق عيونه
بلعة ابرار ريقها وغمضة بقوه ودقات قلبها تنسمع
كاتمه انفاسها بقوه ورفعت رجلها عنه اخذت نفس عميق لكنها استنشقت عطره عضت شفايفها بقوه ورفعت يدها عنه ابتسمت تطمن حالها واخذت تلف جسمها للناحيه الثانيه لكن صوت خالد الناعس جمدها : حركتك كثيره
غمضة عيونها تمثل النوم وتتمنى انه حلم
اترفع خالد وقعد يناظرها وابتسم بهدواء قرب منها وهمس لها : تراك بثوب الحمام
فتحت ابرار عيونها على وسعهم تناظره بصدمه
وقف خالد حابس ضحكته وراح الحمام
وقفت ابرار بفزع تناظر حالها بصدمه وعضت شفايفها بقوه : وشلووون يصير كذا ليه مارحت غرفتي
جرت ابرار لغرفتها متندمه ومحرجه وكل المشاعر عندها
طلع خالد من الحمام وناظر مكانها وضحك : صدمة عمرك يابرار لكن وش نومها بغرفتي
وقف خالد قرب السرير واخذ تلفونه وانصدم من الوقت والمكالمات الي متروسه بتلفونه : وشلووون رديت انااام
شتت خالد عيونه وضم شفايفه : ليه ماقدرت ابعد عنها واصحى وشلون رديت اتاملها ليه ماقدرت ابعدها عني
غمض عيونه وتنهد من دقات قلبه المزعجه واخذ ثيابه وغيرهم وطلع وراح للصاله تلفت بفضول وناداها : ابرااار
ابرار من خلف باب غرفتها : وش تبي
رفع خالد حاجب بتعجب : اليوم حفلة الملكه لمحمد وعهد
ابرار وحاطه ظهرها على باب غرفتها : بتوديني معك
خالد ابتسم : ايه اشتريت لك فستان مع اغراضه تجهزي وبعدها بمر اخذك
التف خالد يمشي لكن ابرار فتحت الباب وطلعت راسها وبخجل : خاالد
رد خالد وناظرها ميل راسه وابتسم : هلا
ابرار بلعة ريقها وبتردد : ماعرف اجهز حالي
خالد عقد حواجبه : وشلون يعني
ابرار شتت عيونها وابتسمت بحرج : يعني ماعرف شلون اجهز شعري والميكاب
ارمش خالد بصدمه يناظرها : لكن انتي في المول شريتي مكياج وذي الاشياء
ابرار رجعت راسها لداخل الغرفه وسكرت الباب وباحراااج : قلت بتعلم لكن ماعاد فضيت
غمض خالد عيونه ومن ثم ضحك بخفه : وش البزر الي عندي وشلون الحين
رن تلفونه ورد خالد : هلا
ضحك يزن : لا ومروق بعد وينك للحين
خالد تنهد : وش اقولك مابقدر اجيكم
يزن عقد حواجبه : ليه وش صار
ابتعد خالد وطلع للحديقه : ابرار ماتعرف تجهز حالها
ضحك يزن من قلب : ووش بتسوي
خالد ميل فمه : بشوف حل خلكم مع محمد الحين
يزن مبتسم : طيب متواصلين اجل
قفل يزن التلفون وناظروه جاسم ومحمد بفضول
يزن ابتسم : البزر حقت خالد ماتعرف تجهز حالها
محمد ضحك من قلب : ورطه والله والحين
جاسم عقد حواجبه : وين بنوديها مابيقدر خالد يتصرف بذي الاموار تعرفونه
محمد رفع حاجب : انا بحل امر البزر
رفع محمد تلفونه واتصل وتبسم للصوت : هلا والله عمي طلال اخبارك
ابو عهد تبسم بحب : بخير ياولدي اخبارك انت
محمد تنهد : والله يعمي في الصالون نحلق ونتجهز
ابو عهد تبسم بسعاده وفرحان : الله يسهلك ياولدي
محمد عقد حواجبه : عسى مانقصكم شي انتم يعني جاهزين
ابو عهد هز راسه : ايه ياولدي مجهزين كل شي مشكور انت تبي شي
محمد تبسم : سلامتك ياعمي بس كنت بسال
ابو عهد : قول وشو
محمد : الحرمه الي من الصالون للحين تجهز عهد
ابو عهد ابتسم : ايه ياولدي توها مانتهت
محمد رفع حاجب وغمز ليزن وجاسم : والله ياعمي اذا بتقدر تسال ان كانت بتقدر تجهز حرمة خالد بعد متورطين بها متعرف تجهز حالها توها بزر
ضحك ابو عهد : قول لخالد لا يهم يجيبها ويخليه منها
محمد عقد حواجبه : لا لا ما اقصد يجيبها عندك اذا انتهت من عهد ياخذها خالد لحرمته ماله داعي نزعجكم
ابو عهد بحب : افااا وش ذا الكلام قول لخالد يجيبها وماعليه ويكون احسن بعد تتعرف على عهد ويصيرين حريمكم اصدقاء بعد
ضحك محمد : والله ياعمي مستحي منك لكن مثل ماتعرف الضروف ماندري وين نوديها واتصلت لك
تبسم ابو عهد : ابد مابه داعي تستحي بالعكس زين كذا تدري عهد وحيده بتتونس بحرمة خالد اتصله وقله يجيبها وماعليه
تبسم محمد : اجل استاذنك ياعمي نلتقي بعدين
قفل محمد التلفون وتبسم : انحلت
اتصل محمد لخالد وكلمه واستحى خالد جداً لكنه وافق
يزن ابتسم : الله يستر لاتتعاون حريمكم ضدكم
ضحك محمد : وش بيسوون مثلاً حدهم يعصبون
التفت محمد وناظر جاسم الي يناظر التلفون بصمت حزت بخاطر محمد يشوف جاسم حزين وبهدواء : جاسم وش بيصير على ليلى
ناظره جاسم شوي وبعدها تنهد : مادري الي بتختار
يزن رفع حاجب : شلون يعني بتتركها تختار
حط جاسم تلفونه على الطاوله بضيق وحواجبه معقوده بعصبيه : وش اسوي يعني اجبرها
محمد بعصبيه من رد جاسم : ايه تجبرها وليه منتظر كل ذي السنين وتدورها ليه تعبنا ذاك الاسبوع الا لجل نجبرها
جاسم بحده : وبعدها وش يصير شلون اعيش معاها
محمد ناظره بقوه : بتعيش معاها دامك تحبها بتعيش باي طريقه
جاسم بعصبيه : ايه احبها وودي اعيش معاها حتى لو اجبرها لكن اجبرها تعيش عندي وفيه حد بقلبها ذا الي مستحيل اتقبله يامحمد ذا بيجنني
هز يزن راسه وناظر محمد : كلامه صحيح يامحمد صعب اذا كانت تحب فعلاً
قبض محمد على يده بعصبيه وناظر جاسم : حاول تكون اناني قبل تفوتك الفرصه تتوقع بتنساها بكل سهوله ياجاسم قلبك بيتركها لااا بتقعد تعاااني
جاسم ناظر للبعيد يتهرب من نظرات محمد : قلبي بينساها لاتخاف
محمد مد يده لكتف جاسم وضغط عليه : كذاااب لو قلبك قادر ينساها كان السنين الي راحت نسته ماهو كل يوم يدور عليها بدون تعب او ملل
اكتفى جاسم بالصمت والنظر للبعيد
اشر يزن لمحمد يترك جاسم ومايضغط عليه اكثر
،
طلعت لمى للحديقه تمشي بهدواء متجهه لفلة خالها سعد
وقف امامها بهدواء ووقفت قبل تصتدم فيه وتبسمت : همداان
همدان ابتسم : وشلون
لمى ضحكة بخفه : ريحة عطرك تسبقك
ضحك همدان وعيونه تتامل وجهها : وين رايحه
لمى ارمشت : بروح لـ هند ودي تساعدني
رفع همدان يده ومسك كفها بحنيه : تعالي باخذك لها
لمى بتردد : وانت بتروح الحفله
همدان عقد حواجبه : لا
لمى بهدواء : وش مضايقك
همدان ابتسم : ليت افهم بس شلون تعرفين حالتي
لمى تبسمت بخفه : نبرة صوتك ليه متضايق
همدان رفع حاجب : ليه بتروحي الحفله
لمى ابتسمت : تلقينا العزومه بنروح شوي ونرجع
هز همدان راسه وتنهد : ودك بـ هند تزينك
لمى استحت : ايه مادري وش اسوي
همدان ناظرها وتعمق بملامحها وبهمس : بتلاقين ام جاسم هناك
لمى ضحكة بخفه ورفعت كفها الثاني وتمسكت بيدينها الثنتين بكف همدان : ايه بنلاقيها همدان ترى جاسم مابيجبرني عليه اهو ساعدنا ورجع ممتلكات ابوي لنا وابتعد بهدواء ابد ماسالهم عن قراري او سال حتى عني وكاني مو موجوده تعامل معانا برسميه وراح
همدان لمعت عيونه وابتسم : يعني مابتختاري جاسم
لمى نزلت راسها باحرج : الي انتهى ماله داعي يتجدد
همدان ناظرها بصدمه وكان متوقع تنفذ الوصيه
ضحك بصدمه وسحب كفه من بين يديها وضمها بقوه وكانه خايف يفقدها
لمى بخجل : همدااان لزوم اتجهز
تركها همدان وابتسم : ترى صرنا بصالة فلتنا
لمى بخجل : مانتبهت
،
وقف خالد قدام فلة ابو عهد وناظر ابرار بهدواء : ابرار ماله داعي تستحي لذي الدرجه
ابرار ناظرته معصبه : وشلووون ابلشهم كذا واول مره ازورهم
عقد خالد حواجبه بحده : اجل وشلوون وش الحل
ابرار بزعل : رجعني البيت ماله لزمه احضر
خالد بحده : لزوم تحضرين وماهو وقته الزعل بعدين الحين ادخلي
طلع ابو عهد وابتسم : ليه واقفين عند الباب حياكم
قرب خالد منه وسلم عليه : ماله داعي ادخل ياعمي لكن مستحيه تدخل
ضحك ابو عهد وناظرها بلطف : افا يابنتي ليه مستحيه ترى عهد وحيده وبتتونس معاك حيل والبيت مافيه غير زوجتي وبنتي
عهد بخجل : ماهو القصد ياعمي لكن فشله باول يوم اجيكم واتعرف عليكم ابلشكم
هز ابو عهد راسه : ابد مافيه شي بتقعدي مع عهد وتتجهزون ولا اوصيك تتفقين معاها على خالد ومحمد
ضحكة ابرار بطفوله : بنشوف
خالد رفع حاجب وناظرها : وش الي بنشوف
ضحك ابو عهد : اتركها عنك روحي يابنتي منتظرينك
اخذت ابرار اغراضها من خالد تحت نظراته وراحت مسرعه تضحك
ابو عهد تبسم بحزن : توها صغيره
خالد تنهد : ايه محيرتني ماعرف اتعامل معاها للحين
ضحك ابو عهد : الله يعينك
،
دخلت ابرار الفله واشرت لها الشغاله تروح معاها
راحت ابرار معاها على الدرج ودخلت ثالث غرفه على اليمين بتوتر شديد انصدمت من الي تشوفها وابتسمت براحه لها : ماشاء الله علييك حلوووه
ضحكة عهد بخفه : عيونك الحلوه انتي حرمة خالد
هزت ابرار راسها بلطافه : ايه اسمي ابرار
حزنت عهد عليها وشلون طفله ومتزوجه : حياك اقعدي اعذريني ماوقفت اسلم عليك
ابرار تبسمت : لا لا خليك لين تنتهي عادي
عهد ابتسمت بحنان : طيب ابعدي عنك العبايه وارتاحي شوي وتبداء فيك
ابرار بحرج : طيب السموحه ابلشتكم
عهد ضحكة بخفه : لا ابد بالعكس زين نتونس انا وانتي امي مشغوله من الصباح وانا قاعده وحدي
تبسمت ابرار : كنت متوتره حيل قبل اتعرف عليك لكن الحمدلله طلعتي عسل
عهد ضحكة : كنتي خايفه اطلع نفسيه
ابرار رفعت حواجبه : اي والله
الحرمه : لو سمحتي مدام لون فستانك شو لاجل الميكاب
ابرار بفهاوه : وشو
الحرمه : مدام فستانك شو لونه
ابرار بحرج : ااا ايه لحظه بشوف
راحت ابرار واخذت الحقيبه تناظر الفستان وابتسمت بفرحه عاجبها اللون : وردي
عهد تبسمت : اشتراه لك خالد
ابرار بخجل : ايه رجع امس البيت وكان مشتري الفستان ومستلزماته لكن كنت نايمه وماشفتهم للحين
عهد بحنان : ووشلون خالد معاك زين
توسعت بسمة ابرار : تو ماقعدنا زين مع بعض يعني قعدت معاه يوم وبعدها كانت الخطوبه حقكم وبعدها مشكلة جاسم تو امس رجعت البيت
عهد رفعت حاجب : كنتي عند اهلك
ابرار ناظرتها بهدواء ومن ثم ابتسمت تخفي حزنها الي باين بعيونها : لا حطني خالد عند ام جاسم
عهد ندمت على الكلمه وناظرتها باسف : اعذريني نسيت ان والدك ووالدتك متطلقين
ناظرتها ابرار بصدمه : متطلقين
عهد عقدة حواجبه واحترات خايفه ان ابرار ماتدري : اعتقد اني سمعت كذا
ابرار ضحكة بسخريه : وش سمعتي قولي عادي
عهد بحرج : سمعت انك ضحية طلاق امك وابوك وخالد اخذك
حزنت ابرار وبين بملامحها : خالد الي قالها
انتهت الحرمه من عهد ووقفت عهد وقربت من ابرار وبحنان : لاتزعلين تراه قالها بعد مالامه ابوي وعمي حمد ليه يتزوج طفله
ابتسمت ابرار وعيونها تلمع بالدموع : ابد مازعلت من خالد لكن حزنت عليه تو ادرك انه متحملني رغم كل شي
عهد بغرابه : شلون يعني
ابرار رفعت عيونها لفوق لاجل ماتنزل دموعها وبصوت باكي : خالد كان محامي زوجي الي دخل السجن لانه تاجر مخدرات وخمر لكن خالد ابد مادافع عنه خالد اخذ القضيه لاجل يدافع عني لين تطلقت
نزلت دموع ابرار وغطت وجهها بيديها : ولاجل مايرجعني لابوي لانه بيرميني على اي حد تزوجني وتاركني اكمل دراستي
عهد بصدمه : كنتي متزوجه وشلووون توك طفله
ابرار بلعه ريقه : ابوي مزوجني من كان عمري ١٣ سنه لكن مهدي مالمسني ابد كان يعاملني مثل بنته الي فقدها من زمان
عهد حزنت على ابرار وبنفس الوقت معصبه شلون يكون اب ذا : معليه ابرار المهم طلعتي منهم
ابرار ابتسمت رغم دموعها : طلعني خالد منهم وانقذني من ابوي خالد بالنسبه لي بطل قصتي الحزينه وابد ما الومه على شي
ضمتها عهد وتحاول قدر الامكان ماتنزل دموعها وينعدم الميكاب وبغصه : خالد رجال وانتي صرتي حرمته ليه تبكي انسي الماضي المهم الحاضر
هزت ابرار راسها وتبسمت بلطافه : انا فعلاً كنت ناسيه الماضي مع خالد لكن الماضي مستحيل ينساني
عهد تبسمت بحب : حتى لو ذكرك اذكريه وانتي فرحانه لانك تخلصتي منه لانك صرتي مع خالد الي مابيتركك
ضحكة ابرار باحراج : ليته مايتركني
عهد رفعت حاجب : اكيد صرت زوجته ليه بيتركك
ابرار تبسمت : خالد متزوجني بالاسم وتاركني اكمل تعليمي لين اكمل الجامعه وبعدها بنتكلم بذا الموضوع
عهد توسعت بسمتها حيل وغمزت لابرار : اهو كلام بس مايقدر يقاومك
ابرار وسعت عيونها الناعسه بطفوله : من جد
عهد ابتسمت لها : اذا تحبينه ووداك يحبك لزوم تقعدي معها وتضحكي معاه ماهو تتصرفين معاه برسميه
ابرار ميلت فمها : لكن خالد يطلع من الصباح ومايرد غير اخر الليل دايم مشغول مع جاسم ومحمد ويزن
عهد عقدة حواجبها : وشلون يعني الاربعه ذول مايفترقون
رفعت ابرار حواجبها وهزت راسها : ايه حتى انه حطني عند ام جاسم وماسال او دورني
ابتسمت عهد ومسكت كفها : معليك عندنا الوقت بنطيحه بحبك
ابرار بخجل : ليته يحبني ومايتركني
ضحكة عهد وضمتها بحب
قاطعتهم الحرمه : الوقت بيروح لزوم ما اتاخر تعالي يامدام اجهزك
وقفت ابرار وراحت تغسل وجهها وردت للحرمه
عهد بحب : لا اوصيك عليها حطي لها ميكاب وردي بناتي خفيف الي يبرز عيونها الناعسه الواسعه
الحرمه : تمام كذا وشعرها
رفعت ابرار يدها واخذت المساكه من شعرها الي غطى وجهها
الحرمه ناظرته : شعرك بيحتاج وقت لانه كيرلي
عهد ضحكة بخفه على شكل ابرار الي شعرها غطى وجهها لانه كثييير وكيرلي بنفس الوقت : اجل خليه ويفي بيناسبها جدا
الحرمه : ماشي مدام
عهد تبسمت : شعرك حلو من الله كيرلي واحنا نحاول بشعرنا ومايضبط
ضحكة ابرار بخفه : لاتجاملي اتمنى لو انه يطيح بنعومه
الحرمه : ممكن تعملي فرد لشعرك ببروتين
ابرار بفرحه : وبيصير ناعم
الحرمه : ايه لكن مو دايم كم شهر او سنه بالكثير
تبسمت ابرار : بشوف خالد
ناظرتها عهد بحب وتتمنى لها كل خير واهم شي ان خالد يبادلها المشاعر
ضحكة عهد بخفه وماتوقعت ابد ان خالد مسوي كل ذا لاجل ينقذ ابرار لكن وشلون اهو ومحمد اصدقاء وشلون محمد ماهو مثل خالد بشهامته ولطفه
تنهدت عهد بحزن ومن ثم ابتسمت وراحت تغير ثيابها وترتدي الفستان