اخبر عيناك الجميله ان تكف عبثاً بقلبي 🤍

37

عند محمد الي اهتزاز تلفونه تحت المخده صحاه بانزعاج رفع راسه ياخذ التلفون وانصدم بالي قاعده في الارض وراسها قرب يده ونايمه بعمق وباين بردانه
ناظر محمد للحاف ورفع حاجب بتعجب : وش تسوي هنا
طنش محمد تلفونه وقعد يناظرها بهدواء مستغرب تواجدها قربه وبعد صراع في التفكير مد يده يهزها بشويش : عهد عهد
صحت عهد تتلفت وتناظره ويدها متخدره ماقدرت تحركها وبالم : بردانه ويدي تالمني
ميل محمد فمه بابتسامه : وليه نايمه هنا وتاركه الغرفه
عهد وبدات تصحصح وبتلعثم : ل لااني لاني اخاف انام وحدي
محمد بصدمه من الكذبه : ووين كنتي تنامي
عهد بلعة ريقها من الكذبه : كانت امي تقعد عندي لين انام وتروح
هز محمد راسه وناظر يدها : للحين تالمك
حركت يدها بخفه وعقدة حواجبها بالم : ايييه
وقف محمد قربها وانحنا وشالها بين يديه
وعهد تناظره بصدمه : وش تسوي
محمد ببرود والحمى تداهمه : باخذك الغرفه تتدفين من البرد وتنامي زين
رفعت عهد كفها لجبين محمد قبل ينزلها على السرير وعقدة حواجبها : محمد انت محموم
تنهد محمد وحطها وغطاها : بروح اشتري اكل
قرب محمد من دولابه واخذ بدلة رسميه واخذ روب استحمام وطلع من الغرفه
عهد بغرابه : وين بيروح بالبدله الرسميه واهو محموم
رفعت حاجب وبغرابه : ليه يعاملني ببرود اهو كان يهددني باني بكون زوجه مطيعه حاسبني قطه مدري كلب الحيوان لكن بعيده عليه اكون مطيعه اهي فتره يامحمد ويرد ابوي وارد له
ضمت اللحاف عليها اكثر وتحس بالبرد وبغضب : ليه نمت هناك وشلون غمضت عيوني اف ياعهد اف
،
جاسم ناظر يزن بضحك : خلاااص يكفي اكيد نايم ومايدري عن تلفونه
يزن عاقد حواجبه : خااايف عليه مدري وش الاحساس لكن لازم اسمع صوته
رفع جاسم تلفونه : ويمكن طاح الحطب من راس عهد بشوفت حالة محمد وعاملته زين خلني بشوف خالد وين غاطس محتاجه الذيب
رن تلفون يزن وتبسم بفرحه : هذا محمد هلااا محمد
محمد بصوت هااادي : هلا يزن نص ساعه واكون عندك
يزن ارمش بحزن وبحنيه : وشلونك محمد
محمد غمض عيونه بضيق : بخير ياخوي بخير
يزن تنهد : اجل استعجل بنتظرك
قفل يزن وحس بضيق وناظر جاسم الي يتصل وخالد مايرد : خالد مع بنته لاتحاول
قفل جاسم التلفون وناظر يزن : وش قال محمد
يزن بضيق : صوته تعبااان يقول نص ساعه ويجينا
جاسم ضيق عيونه : ليكون الهانم الي عنده مسويه شي
يزن هز راسه : الي صار امس مو قليل مرض ابوه وجنون امه والي سوته قدام العالم الله يعييينك يامحمد ويقوي قلبك
جاسم بحيره : اتوقع محموم كل مره يتعب ويتضايق تجيه حمى
يزن تنهد : نص ساعه ونشوف اذا ماجانا نروح له
،
عند خالد الي عقد حواجبه من اهتزاز التلفون ضم ابرار اكثر وحاول ينام لكن النوم تبخر
فتح عيونه بانزعاج وناظر ابرار نايمه بحضنه بهدواء ابتسم بخفه وعض شفاته يداري بسمته
خالد يكلم نفسه : ليت الايام تمر وتكبرين وافرح فيك
تحركت ابرار بانزعاج وغمض خالد عيونه يمثل النوم
فتحت ابرار عيونها بشويش وناظرت وجه خالد الي يدينه تضمها وردت تغمض وتفتح ولكن ماهو حلم كتمت انفاسها بتوتر وتتذكر وش صار امس ووشلون وصلت لهنا
حاولت تسحب حالها من بين يديه وضمها خالد اكثر وبهمس يمثل النوم : ماتعرفين تنامي بهدواء
تجمدت ابرار وبتلعثم : وشلون انا هنا
خالد ومغمض عيونه : قلتي انك خايفه وودك تنامي عندي
ابرار رفعة حاجب وتذكرت : كذاااب والله انت اخذتني من الصاله
فتح خالد عيونه يناظرها ورفع حاجب وميل بسمته : دامك تتذكرين ومن الي قال خالد لاتتركني خايفه
بلعة ابرار ريقها من جاااذبيته وماقدرت تبعد عيونها عنه
خالد خاف يقعد كذا اكثر وبعدها يندم على الي بيسويه قعد وحرك يده : وبعدين السرير عريض ليه تنامي على كتفي ترى راسك كبير
تنهدت ابرار بخفه باين ماهو معتبرني الا بنته مو اكثر وغمضة عيونها بحزن وبان بملامحها
التف خالد يناظرها مستغرب عدم ردها وتفاجئ
مال بصدره ناحيتها وقبل خدها وابتسم : خلاص زين نامي بكتفي ماعندي اعتراض
فتحت ابرار عيونها بصدمه وتبسمت ووقفت : ووين بروح
خالد نزل نظره للي لابسته وبهمس : لاحوول
ابرار نزلت نظرها مستغربه من خالد وهمسه عليها وتفااااجات بالي لابستنه والتفت تتخبى وراء ظهره وبخججل : خالد وش لبستني
خالد بصدمه والتف : مالبستك ولا لمستك
جرت ابرار خلف ظهره وتمسكت فيه : لاااتلتف وبعدين من عطاني وقال البسي
خالد ويحاول يكتم ضحكته : وانا وش يدريني ان عندك ذي الثياب
عقد خالد حواجبه : وبعدين ليه تشترين ذي الثياب هااه
ابرار بصدمه مختلطه بخجل : اشتريته وش الي ليه اشتريتهم
خالد كان بيلتف لها لكن ابرار متمسكه بظهره ورد يناظر امامه وبعصبيه : وجع وانتي وش تسوين في ذي الملابس توك صغيره
ابرار بتلعثم وماتدري شلون تصرفه : خ خاالد وش لك بملابسي وبعدين ماني صغيره
مسك خالد يدها وسحبها لامامه بعصبيه وبحده : نعم وش لي بثيابك لاتنسي انك عندي وتحت شوري لين تكملين دراستك وبعدين سوي الي تبين وروحي وين ماتبي
ابرار بخوف من حدة عيونه وبعناد ناظرته : وانا مابدرس ولابكمل دراسه ومابروح من عندك عجبك اهلا ماعجبك غصب عنك بتتحملني لين اموت انت وعدتني ماتتركني خلك قد وعدك
دفته ابرار بتوتر وراحت تجري لغرفتها
نظرات خالد الحاده تبدلة بصدمه : ذي وش تقول
،
في الكافي يزن منتظر محمد بقلق وجاسم في حيره يكمل الي بيسويه او يتراجع
يزن بطفش : مليييت من الانتظار
جاسم تنهد : يزن والله ان حالي حالك واكثر لكن ماعندنا غير ننتظر
يزن عقد حواجبه : وانت وش تفكر فيه الحين
جاسم باعد عيونه عن يزن : متردد في الي بسويه
يزن بعصبيه : مو من جدددك كنت امس مقتنع انك بتاخذها وش صار اليوم
جاسم مسح على وجهه : والله والله ان الحيره قاتلتني ماودي اتركها لكن ماودي اخذها واشوف همدان بقلبها بتعذذذذب ياخوي بالشعور
يزن بحده : خذها خلك اناني واذا صار وهمدان بقلبها طلقها بعدين اذا قدرت
محمد قرب منهم بكل اناقه وكانه امير وسيم من القصص الخياليه بالبدله الرسميه الزرقاء وازرار قميصه الاول والثاني مفتوح وربطة العنق نازله والقميص مشدود على صدره وشعره الي نازل كم خصله على وجهه والباقي لوراه
يزن شقت البسمه وجهه : وش الزييين ذا كله
جاسم ضحك : والله لو انك بنيه تركت ليلى وطوايفها لعيونك
ضحك محمد وقعد قربهم ببسمه مرهقها التعب : وش كنتم تتكلمون كان الوضع حاد بينكم
يزن رجع عصب وناظر جاسم بحده : امس مكلمني ومقرر انه بياخذ ليلى واليوم الاخ محتار
محمد ناظر جاسم بسخريه : والله ودي العب باعداداتك ارحم حالك يا اخوي مبين تموت عليها وطايح من وانت صغير وش الي بعقلك انت
جاسم تنهد : محمد يكفي يزن قالب وجهه تخيل اخذها امووت فيها واشوف همدان بعيونها وقلبها والله اموووت بارضي ولا ذي المشاعر
محمد عقد حواجبه وبخفه : بكل الاحوال انت بتموت بارضك يوم زفتها وهمدان قربها يعني الافضل تموت واهي قربك بدل تموت واهي قرب همدان
جاسم ناظره بطفش : من جدك هذا وقته تتمسخر
محمد رفع حاجب : وانت من جدك تتكلم
ضحك يزن : اتممممنى احطكم بغرفه وتحطون حرتكم ببعض والله بترتاحون
ميل محمد فمه بسخريه : بيقتلني ذا مابيطلع حرته
جاسم تامله بهدواء : محموم
التف محمد يناظره ومن ثم ابتسم : وش رايك تغير الدور بدل تمثل الابوه تمثل الامومه لايقه عليك اكثر
ضربه جاسم على كتفه بحنيه وقربه منه وتحسس جبينه : اصير الي تبيه الحين وبعدين نتفاهم وشلون تطلع وانت محموم
محمد باعد يده وعقد حواجبه : ترى الناس تراقب
جاسم بحده : يعني اقلب الوجه الثاني ماتجي انت بالرضى
محمد ناظر يزن برجاء : فكني منه رجيتك
يزن تبسم : وش صار ياجاسم
جاسم تنهد : تخيل لاجل يضرب ابره بصعوبه نثبته انا وخالد
يزن ناظر محمد بصدمه : محمد
محمد رفع حاجب : انا بخييير وبكامل قواي والحين انا ودي تساعدوني
يزن باهتمام : وش تبي
محمد تنهد : لزوم ارتب الشركتين وانا وحيد مستحيل اقدر
جاسم رفع حاجب : بسيطه شركة عمي حمد اتركها لي برتبها لك من الالف للياء وشركة عمي طلال اتركها لخالد نفهم عملنا ويزن يفهم بشغله بياخذك معاه للمشفى
ناظره يزن ورفع حاجب : الحين انا ما اقدر اضرب له ابره ولازم اوديه للمشفى
جاسم رفع يديه باستسلام : والله انا ما اقدر اثبته مافيني حيل
يزن عقد حواجبه : لا بضرب له الابره ونتقسم نساعدكم لاجل ننتهي اسرع
قرب منهم خالد والبسمه شاقه وجهه : وش الي ينتهي اسرع
جاسم ومحمد يناظروه بتفحص ورافعين حواجبهم
ويزن يضحك بخفه
خالد جمدت ملامحه بتوتر : وجع لاتناظروني
محمد ميل فمه : مبين عروس بصباحيته
توسعت عيون خالد بقوه : ووووجع
جاسم هز راسه : لاتنكر خالد مابنتواصل مع حقوق الاطفال لاتخاف
خالد قعد يناظرهم بصدمه
ويزن ضحك من قلب : والله باقي اشوي وتطلع عيونك
خالد بعصبيه : حيوانات انتم مصدقين اني بقرب لها
محمد تنهد : محنا مصدقين لكن ننبهك على ملامحك الي تقول انك سويت شي ومستحيل مستحيل مستحيل تنكر ذا الشي
جاسم حط يده بكتف خالد الي قاعد قربه : اعترف وش صار امس
خالد الي ارتسمت بسمته وحاول يخبيها : وش صار خايفه تنام وحدها ونامت عندي
جاسم ضحك : ايييه وانا اقول متصل عشر مرات ماترد وانت نايم بالعسل
خال رفع حاجب : وجع
محمد ضحك : والله صدق عندنا بزران وش رايك نحطهم عند بعض
يزن ميل فمه لبسمت محمد : ليه وعهد تخاف تنام وحدها
محمد بتعجب : تخيل نمت فوق الكنب وصحيت لقيتها ملحفتني وقاعده في الارض وراسها عند يدي تقول تخاف
ضحك جاسم من قلب ويزن يضحك بخفه ويهز راسه
خالد مبتسم : اقطع يدي اذا هي تخاف ذي تخوف ماتخاف
ضحك محمد : وانت الصادق حاسس ان فيها شي موطبيعي للحين ماسمعت لسانها يغرد
جاسم ووللحين يضحك : والله والسموحه يامحمد لكن متمني اشوفها بذي الحاله ابرد قلبي فيها
ضحك محمد لما تذكر شكلها : والله كانت قاعده وضامه حالها بيد من البرد واليد الثانيه تحت راسها متخدره ماقدرت تحركها
ضحك خالد وجاسم بقوه
ويزن يتبسم : عسى ماتشمت فيها وطلع لك عرق
ضحك محمد : لا الصدمه تملكتني
،
عند ابرار الي قاعده بتوتر : هين ياخالد قاعد تمثل دور البطل البارد الي مافيه شي يجذبه
وقفت ابرار بعصبيه : لااا وقايل بنطلع مع بعض وراح وماعاد سال عني هين ياخالد صبرك عليا
راحت ابرار للمطبخ تناظره بقهر : مافيه شي للاكل حتى ااااه ياخااالد
اخذت تلفونها بتردد تتصله او لا : وشلون اتصله محرجه منه ولكن بطني يالمني جوعاااانه
ضحكة بخفه : الحل ارسل له
ضحكت بشقاوه ورسلت له رساله : جوووعااانه
ماكانت الا اقل من دقيقه ووصلت لها رساله : طيييب
ضحكة وضمة التلفون وحركت عيونها بعشوائيه : والله ياخالد اني اعلقك فيني
فتحت ابرار اغنية احلام ورقصة شوي

ناويلك على نيه بس انت اصبر شويه
اذا ما اعلقك فيني وهواك يصير في ايديه

والله لا اشغل افكارك واشعل بالهوى نارك
واسكن قلبي بدارك واعلمك الرومانسيه

ناويلك على نيه بس انت اصبر شويه
اذا ما اعلقك فيني وهواك يصير في ايديه

ودي اسمع انا احبك بصدق يقولها قلبك
واشوف الشوق يلعبك في الروحه والجيه

ناويلك على نيه بس انت اصبر شويه
اذا ما اعلقك فيني وهواك يصير في ايديه

ضحكة ابرار الي تردد كلمات الاغنيه من اعماق قلبها وتنظف البيت من قلب
،
عند عهد الي حط لها محمد الاكل وراح تركت السرير  ونزلت وقربت منه وضمة بطنها : والله اني جوعااانه
نزلت تاكل بشهيه مفتوحه وتنهدت : والحين وش اسوي
تلفتت تناظر البيت ووقفت بضيق : ليت ابرار ولمى يجوني
نضفت مكان الاكل ورتبت البيت وماكان يحتاج له وقت لان محمد تو كان جايب شغاله تنضفه
اخذت شنطتها وعقدة حواجبها : ليه حطني بغرفته وماحطني بغرفه النوم الاضافيه
راحت متجهه لها وناظرتها بتفحص : حلوه الوانها الاخضر مع تدرجات الذهبي
قربت من السرير تتفحص الغرفه بعيونها بفضول : ليه ماحطني هنا بدل غرفته
قربت من الدولاب فتحته وناظرت بصدمه : ثياااب من ذي
عقدة حواجبها بصدمه قوووويه لما سحبت شي وطلع فستان حرمه : الحيوااان الزفت ووووش ذااااا
اخذت عهد الثياب بعصبيه ترميها من الدولاب للارض وعيونها تتجول بين الثياب بحده : والله يامحمد اني اطين عيشتك
عضت اسنانها بقوه وقبضت يدينها بعصبيه وبصوت مرتفع : محمممممد