اخبر عيناك الجميله ان تكف عبثاً بقلبي 🤍

17

دخل جاسم البيت وقرب من امه وباس راسها بحب
تبسمت ام جاسم بوجهه : الله يرضى عنك
جاسم تبسم : ويااك يارب يمه عندي لك بشارتين
ام جاسم ابتسمت بهدواء : خير ان شاء الله
جاسم بسعاده : خييير وكل الخير بعد
ام جاسم : قول بشرني
جاسم : ترى خالد بيزورك اليوم وهو بنفسه بيقول لك البشاره
ام جاسم تبسمت : حيااااه وليدي الغالي وليه ماجبته معك كان يتغداء معانا
تبسم جاسم : خليه عنك البشاره الثانيه محمد بكره بنروح نخطب له بنت طلال الـ......
ام جاسم بفرحه : ايييه عهد بنته الوحيده الله يوفقه وعهد ماشاءالله عليها عاقله وفهمانه
تبسم جاسم ورفع حاجب : مابتقولي عقبالي
ابتسمت ام جاسم بهدواء : عقبالك ياولدي
ضمها جاسم بحب متمني اللحظه الي يروح يخطب ليلى فيها
،
اندق الباب ووقف محمد من قرب ابوه يفتحه وتبسم وقرب باس راسها : هلا يمه حيااك
ناظرته ام بندر بنقد : تو تدري بامك
تبسم محمد بغصه : يمه تو جيتك قبل اربعه ايام وامس مالحقت عليك جيت بعد مارحتو
ام بندر ناظرته بحده : لاتزيد الهرج وين بندر
تنهد محمد يكتم القهر داخله : وش عرفني فيه
ام بندر بصرامه : ترى لو ادري انه منسجن بسببك بتبرى منك
صمت محمد واكتفى بنظراته الي يدور معنى الامومه فيها ولكن هذي هي مابتتغير تحب بندر الكبير وساره اخر العنقود هذول كل الي يهمها وهذا الي ابعده من البيت
ابو بندر ناظرها بحده : خير تكلمينه كذا تراه ولدك
ام بندر بعصبيه : وبندر ماهو ولدك مادورته للحين
ابو بندر غمض عيونه بغضب : ابلعي لسانك ماهو وقته
قربت مريم من محمد وكانت اصغر منه بسنتين وضمته بحب : لاتشيل بخاطرك ماهي شي جديد من امي تعودنا عليها
ضمها محمد وتبسم وهز راسه : الله يصبرنا
ناظرتهم فهده ورفعت حاجب والي كان عمرها 22 سنه : وانا من يضمني
فتح محمد ذراعه الثانيه وضمها بحب : انا اضمك
ساره ناظرتهم بغرور وبسخريه والي كانت اخر العنقود بعمر 18 سنه : ليه توه جاء من سفر ملتمات حوله
ناظرها محمد بقرف واخذ نفس ماوده يرد عليها لاجل امه ماتكبر الموضوع
قرب بدر من محمد والي كان بعمر 20 سنه وهمس : ليتها تطيح بين يداتي والله اني اخليها مثل سونار تشتغل كرف اربعه وعشرين ساعه
تبسم محمد : اسكت بس لاتسمعك امي وتخليك مثل كومار
ضحك بدر : والله تسويها
جمال ناظرهم واشر لهم بمعنى امي عيونها عليكم
وكان جمال بين فهده ومريم وعمره 24 سنه
نزل محمد وبدر راسهم للارض ومريم وفهد انطلقو لقرب ابوهم
ابو بندر يغير الجو : عندي لكم بشاره لكن وين جوهره
( جوهره اكبر من محمد بسنتين وعمرها 30 )
بدر : يبه جوهره تقول ماتقدر تجي الحين عيالها تو ماردو من المدارس
هز ابو بندر راسه وتبسم : اجل بقولها لكم
ام بندر : عسى خير
ابو بندر : بكره بنروح لطلال صديقي نخطب عهد لمحمد
ارتسمت البسمه على وجيه الجميع لكن ماكنت تتعدى فرحتهم الا ثواني وانكسرت بصوت ام بندر المستنكر : وشووو لمحمد بالاول دور على بندر واخطب له ماهو تقفز لمحمد قبله
ابو بندر وخلاص وصلة معاه : انتي وشو عجزتي لذي الدرجه بندر تبيه دوريه انتي الي خربتيه بدلعك
ام بندر وقفت بعصبيه : وانا اقول مستحيل محمد ياخذ عهد ماياخذها غير بندر وماتناسب غير بندر
محمد قعد على الكرسي يناظرهم وداخله مشاعر تتكسر الحين متاكدين ذي امي امي نبع الحنان والامان امي الي توقف معي ضد العالم
ابو بندر ناظرها والشر يطل من عيونه : ترى انا عجوز تعبان منهد حيلي ومافيني لك ولو تزيدي بالكلام روحي بالف سلام واخذي معك بندر وساره الي مخربتهم والباقي اتركيهم لي
ام بندر بحقد ناظرت محمد : يالحقووود لذي الدرجه تكره اخوك وتبي توصل المواصل لطلاقي ما كاني امك الي حملت فيك تسعه اشهر وتعبت وانا اربيك ليييه تحسد بندر لذي الدرجه
محمد قاعد وساكت وعيونه ترمش يستوعب الي تقوله
بدر عقد حواجبه : يمه ليه مكبره السالفه اذا محمد خطب وبندر لو يبيك يمه جاك وهو يدري ان لامحمد ولا ابوي في البيت
قربت ام بندر لبدر تعطيه كف لكن محمد وقف قدام بدر وصار الكف بوجهه
نط جمال يسحب امه ويحاول يهديها ومريم وفهده واقفات قدام محمد وضاماته بحزن من حال امهن
وقف ابو بندر وبحده : اطلعي برى يالعجوز الخرفه وانتي طـالـ..
محمد بصوت مرتفع : ييييبببه رجيتك يبه لاتقول
وقفت ساره وقربت من امها بخوف من الي بيقوله ابوها وسحبتها معها لبرى تحت كلام امها عن محمد
بدر ناظر محمد بعين دامعه : ليه وقفت قدامي
تبسم محمد يبلع الغصه كانها قطعة زجاج : لو انك مادافعت عني ماجاك شي
ضم محمد بدر بحنان يهمس له : انت رجال يابدر لاتنزل دموعك قدام خواتك وابوك خلك رجال يحتزمون فيك
ابتعد بدر ودخل حمام الغرفه
اما مريم وفهده قاعدات بصمت ودموعهن تنزل من تصرف امهن الي ماتعرف الحنان غير مع بندر وساره
ابو بندر قعد ياخذ انفاسه الي يحسها صعبه بسبب عصبيته وانفعاله
جمال قاعد بغضب كل الي يصير بسبب امه دامها ماتحبهم ليه تجيبهم للحياه دامها ماتقدر تعدل بينهم ليه تجيبهم وليه ماتحبهم وين الغلط ووش سوو لاجل تعاملهم كذا
،
دخل خالد البيت وناظره نظيف وريحت البخور ماليته تبسم بخفه ونادها بصوت شوي مرتفع : ابراار ابراار
طلت عليه ابرار من فوق ونزلت بسرعه وقفت قدامه وتبسمت وكان شكلها كيوت ببجامة خالد الكبيره عليها وشعرها الفوضوي : هلا حيااك
تبسم خالد وعيونه تتاملها : وش كنتي تسوين
رفعت ابرار حواجبها ووسعت عيونه وبسمة شقاوه : رتبت الغرفه الي قرب غرفتك لاجل انام فيها
تبسم خالد وضحك بخفه : وليه تتعبي حالك وانا قلت لك بنروح نشتري غرفه جديده على ذوقك
هزت ابرار راسها بالنفي : لاا ابد ماله داعي تخسر حالك وكل الغرف هنا حلوه
هز خالد راسه : تمام غيري ثيابك وتعالي بنطلع نتغداء براء ونتسوق وبعدها بنروح لام جاسم ومن ثم نروح لبوي
تبسمت ابرار بفرحه : الحييين اجهز
انطلقت ابرار لفوق بسرعه تضحك بسعاده
قعد خالد على الكنب وتبسم بحب وناظر بيته بهدواء صار البيت حياه بجيت ابرار صرت ارجع للبيت ادور شخص لاجل اتبسم له ماعاد بترجع حياتي ممله مثل قبل ارجع انام واصحى اطلع من البيت لين ارجع مره ثانيه انام صار بحياتي شخص يشاركني تفاصيل اليوم ينتظر رجعتي
همس خالد بهدواء : ليتك تبقي للابد
نزلت ابرار جاهزه بالعبايه والبرقع وتبسمت : تاخرت
هز خالد راسه ووقف : لا ابد يلا تعالي
طلع خالد وابرار واتجهوا للمول ودخلت ابرار كل المحلات تناظر بانبهار ماهي مصدقه حالها اما خالد مكتفي ببسمه وعيونه وراها
ناظرته ابرار بسعاااده : وش اشتري
ضحك خالد : اي شي يعجبك خذيه
توسعت عيون ابرار : والفلوس
ضحك خالد من قلب ونزل وجهه لقرب وجهها وهمس : عندي فلوس كثيييير اي شي تبيه خذيه
ضحكة ابرار بسعاده مختلطه بخجل وراحت تجمع ثياب من الفستان للبنطال للعبايات والاكسسوار والمكياج والعطور والكريمات للجزمات والفوط الواسعه للبلوزات
وخالد يمشي خلفها يدف العربيه الي تحط ابرار الثياب فيها وعيون خالد تتاملها بشغف
وقفت ابرار تتلفت وناظرت خالد بخجل : باقي اشياء خلك انت هنا وانا بروح اجيبهن
عقد خالد حواجبه : لا ماتروحي وحدك بروح انا وانتي
ابرار شتت عيونها ماتدري كيف تشرح له : لزوم اروح وحدي مابتاخر
فتح خالد فمه يعترض لكنه استوعب وتدارك الامر : تمام لاتتاخري
قعد خالد على الكراسي والتفت عنها عاقد حواجبه يحاول قدر الامكان مايبين انه انحرج منها بعد
اما ابرار انطلقت مسرعه محرجه منه وماكانت الا دقيقتين ورجعت بسرعه : تاخرت
هز خالد راسه بهدواء : لا خلاص كملتي
ابرار تبسمت : ايه
اخذ خالد الاغاراض والي كانت كثييييره فعلااااً للمحاسب الي ناظرهم بصدمه وبداء يحسبهم
وبعد ربع ساعه ناظرهم المحاسب عاقد حواجبه : الدفع ببطاقه
هز خالد راسه وطلع بطاقة البنك : كم الحساب
المحاسب : خمسه الاف وخمسمية دولار
فتحت ابرار عيونها بصدمه وصوت مرتفع شوي : وشووو لا لا خل ارجعهم
ناظرها خالد بحده ودخل البطاقه ودفع المبلغ واخذ العمال الاكياس لسيارته مسك خالد يد ابرار الي خافت من نظرته وراح لمحل الاثاث ودخل غرف النوم يناظرهم التف ناحيتها وابتسم بهدواء : ناظري غرف النوم واختاري واحده
رفعت ابرار راسها تناظر وبهمس : لكن عندك غرف نوم ليه تشتري
خالد عقد حواجبه : لا تهتمي بالفلوس عندي فلوس كثييير  انتي اختاري الي يعجبك وماعليك
هزت ابرار راسها وناظرت بهدواء من غرف النوم الفاخره للعاديه للهاديه الملونه والساده والكلاسيكيه
لين ناظرت غرفت نوم ورديه هاديه وبسيطه : هذي
ناظر خالد ورفع حاجب : عجبتك
هزت ابرار راسها ببسمه هاديه : حييل
اتفق خالد مع الرجال على غرفة النوم يجيبها الليله مع كامل اغراضها من ديكور وزينه وملايات وسجادات واضائات ودفع المبلغ واخذ ورقة الاستلام
واخذ ابرار للمطعم وطلب لها كل الي تبيه وكانت ابرار تاكل وماتقصر لين شبعت
ومن بعده ردو للبيت لاجل يدخلون ثياب ابرار ويغيرون ثيابهم وينطلقو لام جاسم