اخبر عيناك الجميله ان تكف عبثاً بقلبي 🤍

20

وقف جاسم على باب بيت محمد يدق لكن بدون جواب
جاسم معصب من كثر قلقه على محمد : محمممد
طلع جاسم نسخة المفتاح الي عنده لبيت محمد وشكر ربه مية مره ان محمد وخالد  حاطين عنده نسخ من مفاتيح بيوتهم
فتح الباب وانطلق يدور على محمد لكنه انصدم لما لمح محمد على الارض قرب الكنب ومبين عليه ماهو بخير
قرب منه جاسم بسرعه يتلمس جبينه الحار ويحاول يصحيه : محمد ياخوي رد عليا محمد
رفعه جاسم على الكنب وتلفت بحيره مايدري وش يسوي : محمد ياخوي لاتخوفني عليك فتح عيونك
لكن محمد تنفسه سريع ومحموم بقوه
قرب جاسم منه مره ثانيه وشاله على ظهره وراح للحمام حطه في البانيوم وشغل المي البارد والي خلت محمد يفز واقف يبي يطلع لكن جاسم قعده بقوه وماقدر محمد يقاوم وهو محموم
صار محمد يهذي بين المي بكلام شوي مفهوم : لييه اايه يمه .... انتي منو ...... ماني ولدك لا
تنهد جاسم بوجع قلب على حال خويه ونزل راسه بحزن يحاول قدر الامكان يمسك دمعة قهر على محمد والي وصل له
اقتحم خالد المكان يناظر محمد بعصبيه وحقد لامه
اما جاسم قعد يناظر وبهمس : الالم لما يكون من الام او الاب يذبح صحيح
بلع خالد كميه كبيره من الالم والقهر ووبحة مخنوقه : بالحيييل ياخوي بالحيل
قعد خالد قرب جاسم ورمش بحزن : الضربه لما تكون من الاهل تكسرك بالحيل محد بيحس بمحمد كثري ياجاسم اهو من امه وانا من ابوي
هز جاسم راسه بقهر على حالهم وبهمس : ليتكم اخواني من امي وابوي
خالد نزل راسه : ليت
جاسم التف له : عسى مابينت للوالده شي
هز خالد راسه : اول ماشفت الرساله الي رسلت لي قلت لهن انه من العمل ورحت
جاسم تنهد : والحين شلون بكره الخطوبه وذا حاله
خالد شتت عيونه وبهدواء : لزوم نسانده لين يعدي بكره على خير
وقف جاسم وقرب من البانيوم وناظر محمد وبهمس : شد حالك ياخوي
حمل جاسم محمد على ظهره بمساعدة خالد وراحو لغرفة محمد وقعدوه على الكنب الي قرب السرير
واخذ خالد بجامتين وعطى جاسم واحده : خذ غير ثيابك لاتستبرد
تبسم جاسم : تمام وانت غير ثياب محمد وغير ثيابك بعد ترى تبللت
تبسم خالد وهز راسه
واتجه جاسم للحمام يغير ثيابه
اما خالد حاول يصحي محمد الي صحى ويتحرك بثقل
ساعده خالد يغير ثيابه ومدده على السرير وغطاه واخذ بجامه زرقاء وناظر ثياب محمد وميل فمه : ياحبك للالوان والفرفشه ياخوي
طلع جاسم من الحمام وناظر خالد وبهمس : مالقيت غير ذا اللون
تبسم خالد ورفع حواجبه : الازرق افضل من الاصفر
التف جاسم يناظر محمد وهز راسه بضحك : اخضر بعد
قرب خالد من جاسم : ينفع نمثل الطبيعه بالواننا
ضحك جاسم بخفه واتجه خالد للحمام يغير ثيابه
قرب جاسم من محمد وتحسس حرارته وتبسم بفرحه : خفت الحراره جداً
محمد فتح عيونه شوي وهمس : بفضلك ياخوي
تبسم جاسم بحنيه وقعد على طرف السرير قرب محمد : بفضل الله وش عندك ليه ماتجيني بدال تقعد بروحك هنا
اخذ محمد نفس وميل فمه ببسمه : كنت بنام وش يوديني لك
جاسم بعتب : ليه يامحمد تسوي بحالك كذا
محمد غمض عيونه وهمس : جوعان عطني شي اكله
تبسم خالد الي وقف قدامهم : ليه في بيتك شي ينوكل اصلاً
ابتسم محمد بخفه : شوف جمالك بالبجامه الصفراء  ماهو دافن حالك بالثياب السود والرسميه
تنهد خالد وناظر انعكاسه في المرايا : كاني رجعت ولد عشر تسع سنين
ضحك جاسم : وانا اشهد وانت منزل شعرك لوجهك بعد طالع كيوت
ناظره خالد بحده : وش كيوت شايفني بنت
محمد تبسم : والله ياخالد باين امك الله يرحمها كنت تناظر الكوريين كثير لين صرت تشبههم
جاسم غمز لخالد : اي مثل الي نشوفهم بالمسلسلات
محمد : اي طويل بالحيل وعيونه مسحوبه بعد حتى وجهك تقاسيمه بارزه شبه هم
جاسم : لا فيه اختلاف واحد انفه مثل السيف مو صغير
محمد ضحك بخفه : لا صار فيه منهم انفهم كذا
خالد حرك فك فمه الاسفل بعصبيه ومن ثم رماهم بالمخده : تتمسخر انت وياه
جاسم بصدمه برائه : لا والله انك حلو تشبههم حتى ينفع تكون ممثل بعد بيقبلونك
محمد ضحك : باقي تتعلم اللغه
خالد بعصبيه تركهم وراح يتكلم : انا الحمار الي قاعد معاكم اصلاً
ناظر جاسم محمد ومن ثم ضحكوا من قلب
محمد : والله انه اهبل مايشوف البنات شلون يتهبلن عليه
جاسم ضحك من قلب : تتذكر لما البنت طلبت تتصور معاه بالكوفي
ضحك محمد ويحس ردت له الروح مع اصدقائه : اي يشبه لهم كثير والبنات صارو يخقوا عليه
جاسم رفع حاجب : ليكون تحسده
ضحك محمد : لاا طبعاً انا جمالي منفرد
جاسم تبسم : ايه جمال لك وبدر لي
ضحك محمد من قلب وماقدر يمسك حاله
تبسم جاسم بشوفته كذا ووقف واخذ التلفون : ذكرتني جمال اكد عليا اطمنه عنك
دق على جمال وماكانت غير رنه وجاه الصوت
جمال : هلا جاسم
جاسم تبسم : يامرحبا جمال تسمع صوت من ذا
ضحك محمد : جماال من متى تتكلم مع جاسم
جمال تبسم براحه لما سمع صوت اخوه : من زمان وينك عن جاسم ماخذ رقمي ورقم بدر
ناظر محمد لجاسم : ايا الخاين
ضحك جاسم : دام تطمنت اذلف ترى اخوك يغار عليا
جمال يمثل الصدمه : بديت اشك بكم
محمد رفع صوته : اقلب وجهك لاكسر التلفون
قفل جاسم وناظر محمد وضحك : استريح انت وانا بشوف خالد وش يسوي
هز محمد راسه وراح جاسم يدور خالد الي لقاه بالمطبخ يحوس فيه
جاسم : وش تسوي انت
خالد بطفش : مالقيت شي ياكله محمد زين كله اكل سريع التحضير
جاسم ناظر المكان ورفع حواجبه : اجل انت نظف المكان وانا اروح اشتري الدواء والاكل
تبسم خالد بسخريه : لا خليك انت نظف المكان وانا اروح اشتري
جاسم رفع حاجب : لكن انت تحب النظافه وبتقدر تنظف المكان
خالد : احب النظافه مايعني انظف
تنهد جاسم : اجل نلعب حجره ورقه مقص
قرب خالد منه : يلا حجره ورقه مقص
رفع خالد حواجبه بنصر : وعطر البيييت
راح خالد يجري طالع من البيت يضحك على جاسم الي توهق بالتنظيف
ناظر جاسم المكان : لاحووول
وبداء جاسم ينظف وياخذ الثياب المرميه يوديهم الغساله وقعد ينظف بذمه وضمير بالنسبه له
،
عمار ناظر همدان بزعل : يقال تراضيني الحين
حاول همدان يخفي بسمته ويبقى جاد : اعتبره الي تبي المهم تاكل كل الي طلبت
تنهد عمار وناظر الاكل : همدان ليه طالب كل ذا عازم احد انت
همدان : ايه عازمك
عمار بطفش : وش عندك اعترف
شقة البسمه وجه همدان : بكره بتكون الخطوبه والملكه بعد
ناظره عمار بعدم استيعاب : حق منو
همدان وانكسرت بسمته : حقي
عمار : على من
همدان بعصبيه : فقدت الذاكره انت على اختك
عمار بصدمه : وشلون وش ذا ليه كذا
همدان وسع عيونه الحاده : عمااار
عمار هز راسه يحاول يفهم : يعني انت طلعت من الشركه ورحت البيت تقنع لمى بذا الكلام ولمى اقتنعت
تبسم همدان من جديد : اي
عمار بعصبيه : يالحيوان تدري كم تركت خلفك عمل وكم جريت من مكان للثاني علشان الحق عملي وعملك وانت في الاخير طلعت عند لمى
همدان رمش بعيونه : اقول لك اقنعتها ان الملكه بكره مو بس خطوبه وانت تفكر بالعمل
عمار : ايييه لانك ماتدري وش تارك وراك من عمل
هز همدان راسه يحاول يحافظ على هدوئه : طيب انا غلطان الحين خلاص قفل سالفة العمل ونرجع لسالفة بكره الملكه
عمار بعصبيه : لا مافيه ملكه
همدان ناظره بصدمه وقبض يده بعصبيه : عسى خير وش عندك انت بعد
عمار تنهد : بالاول خطبه لين تتسهل الامور اكثر وتصير الملكه
همدان بحده : لا ماصدقت لمى وافقت
عمار قاطعه : لمى وافقت على خطوبه بس اكيد انت ضغطت عليها بعنادك وماودي لمى بذي الفتره تحس بضغوطات او اي شي
همدان اخذ نفس يهدي حاله : عمار رجاء دام لمى وافقت لاتعترض
عمار ومتاكد ان ذا التهور غلط : همدان لاتتسرع بالقرارات ياخوي وتقفز مره واحده خلنا نمشي خطوه خطوه
همدان ناظر عمار وبجديه : بمشي خطوه خطوه بكل شي دون لمى بقفز لها قفز والمفروض تفرح لنا ماهو تعارض
احتار عمار شلون يفهم همدان وفضل السكوت والاكل
لين ردو الفلل وجمع همدان ابوه سعد وعمته عبير وعمه منصور 
همدان بثقه : ببشركم كلمت لمى ووافقت على الملكه تكون بكره
تعلقت البسمه بوجه الجميع وتبدلت صدمه
عبير ام عمار بصدمه : وشو بكره
سلوى ام همدان ناظرت همدان بصدمه كبيره وهزت راسه بخفه بالرفض
اما سعد ابو همدان بلع الصدمه وتبسم : ماتقدم فيه الخير ياولدي والمهم لمى راضيه
منصور ابو سحر زم شفايفه وبتردد : خلها بكره خطوبه ومن بعده نحدد موعد للملكه وش رايك
هز همدان راسه بالرفض : ماله داعي لطولها وهي قصيره بكره الليل يجونا الاهل والاصدقاء ونحتفل ونتعشاء بجو فرح وسعاده والكل مبسوط
صمت الكل يناظرونه وماهم راضيين على تسرعه لكنهم يدرون ان مستحيل يغيرون رائيه دام لمى موافقه
،
وقف خالد قرب صيدليه بعد ما اخذ مقاضي البيت ونزل من السياره يشتري دواء لمحمد
قرب محمد للصيدلي : لو سمحت ودي دواء للحراره ونزلت البرد
الصيدلي : عمر المريض كم
خالد رفع حاجب : 28 سنه
الصيدلي : بعطيك دواء لكن لازم يضرب ابر اذا حابب يشفئ قريب
تبسم خالد بشر : ايييه ابر وليه لا
الصيدلي : البيت قريب من هنا
هز خالد راسه : اي قريب وانا جيت بسيارتي من بيضرب الابر للمريض
الصيدلي : انتظر لو سمحت
راح الصيدلي يتاكد من الفاضي من زملائه يروح مع خالد
دخلت بنت الصيدليه تناظر التلفون وتتبسم وقفت ورفعت راسها تدور الصيدلي لمحت خالد وشهقت بصوت خفيف
التف خالد يناظرها بحده ولمح صورة ممثل كوري بتلفونها ابتسم بسخريه والتف عنها بطفش
البنت بصدمه : اا لووو سمحت انت عربي
اخذ خالد نفس عميق يهدي اعصابه وغمض عيونه
البنت تبسمت بسعاده : اوباا
طلع الصيدلي ومعاها صديقه : كاظم بيروح معاك
هز خالد راسه ودفع قيمة العلاج وصافح كاظم : تفضل لو سمحت
اما البنت تناظره بصدمه : طلع عربي لكن برضو يشبه الممثل كثييير
تبسم الصيدلي : لكن فيه لمحه عربيه
تنهدت البنت وناظرته منطلق بسيارته السوداء وتمتمت بهمس : فارس احلامي راح