ဗီလိန် ဘုရင် ၏ ရှင်သန်ခြင်း နည်းဗျူဟာ ပရိယာယ် များ

အပိုင်း - ၅ - တ

"အဲဒါကောင်းတယ်။" လီချင်းယွီ က သူ့နှုတ်ခမ်းတွေကို ညင်သာစွာ မြှောက်လိုက်ပြီး "ကိုယ်တော် က အားလီ ကို နာကျင်နေတာကို တွေ့ရမယ်ဆိုရင် ကိုယ်တော်လည်း စိတ်ဆင်းရဲမှာပဲ"

သူကူးလီ သည် ထိုဟိုမရောက် ဒီမရောက်စကားလုံးများကို ကြားလိုက်သည့်အခါ ပျော်လည်း မပျော်သလို စိတ်လည်း မတိုခဲ့ပေ။ သူ့အမူအရာက ပေါ့ပေါ့ပါးပါး ဖြစ်နေသည်။

လီချင်းယွီ သူ့ကို ပြောသည့်စကားတိုင်း စိတ်ထဲက လာပြီး စေတနာဂရုဏာပါတဲ့ ရွှေစကားဖြစ်နိုင်သည်ကို သူဘယ်သောအခါမှ မယုံကြည်ခဲ့သောကြောင့် ဖြစ်ပါသည်။

လီချင်းယွီ ကသူ့ရည်မှန်းချက်များအောင်မြင်ရန် ဘယ်သူ့ကိုမှ ဂရုမစိုက်ပဲ မည်သည့်အရာကိုမဆို လုပ်ဆောင်ဖို့ ဝန်မလေးပေ။ ဒီ ဘုရင်သည် စိတ်ဓာတ်ညံ့ဖျင်းပြီးယုံကြည်နိုင်လောက်စရာ လုံးဝမရှိပါ။

အခု သူ့ကို အတင်းအကြပ်ဖိအားမပေးပဲ လွှတ်ထားပေးတယ်ဆိုတာကလည်း ရှေ့လျှောက်ကျ အကြံအစည် တခုခုရှိလို့ လွှတ်ထားတာ ဖြစ်ရမယ်လို့ သူယုံကြည်ထားသည်။

လီချင်းယွီ က သူ့ခေါင်းကို မော့ကြည့်လိုက်ပြီး သုကူးလီကို ကြည့်လိုက်တဲ့အခါ သုကူးလီ ရဲ့ အမူအရာက ဘာကိုမှ ဂရုမစိုက်သလို အေးစက်နေတဲ့အတွက်ကြောင့် သူ့နှလုံးသားထဲမှာ ဓားတစ်ချောင်းစိုက်ဝင်ထားသလို ဆစ်ခနဲ နာကျင်သွားရပါသည်။

သူ သုကူလီးကို မြတ်နိုးမိတယ်၊ သူ သုကူးလီကို မြင်မြင်ချင်းကို ချစ်မိသွားခဲ့သည်။

သို့သော် သုကူးလီစရိုက်က နဂိုတည်းက မာနကြီးပြီး လူတိုင်းကို အေးစက်စက်ရှိလှသည်။ သူ တတ်နိုင်သလောက် နည်းလမ်းမျိုးစုံဖြင့် အများကြီး ကြိုးစားခဲ့ပေမယ့် သုကူးလီ အပြုံးကို သူမြင်တောင် မမြင်ဖူးခဲ့ဘူး။

သူ့မှာ အာဏာ နဲ့ ပိုက်ဆံတွေ ရှိတာတောင် သုကူးလီ သူမျက်နှာသာပေးခြင်းကို မခံခဲ့ရပေ။

သူ့မယ်တော် သူ့ကို ပြောခဲ့ဖူးသည်။ ဘာပဲ လိုချင်ချင် ရအောင်ကို ယူတတ်ရမယ်တဲ့။ မယ်တော်မကွယ်လွန်ခင်က သူ့ကို မျက်ရည်တွေနဲ့ ထွေးပွေ့လိုက်ပြီး " မယ်မယ့်ရဲ့ ချစ်ရတဲ့ ယွီအာလ် လေးရေ၊ မယ်တော် မရှိတဲ့အချိန်ကျရင် ဘယ်သူမှ ငါ့သားတော်လေးကို ကာကွယ်ပေးမှာ မဟုတ်ဘူး၊ ကိုယ့်ဘာကို အတတ်နိုင်ဆုံး ကာကွယ်ရမယ်၊ သားတော် မှာ သားတော်ပဲရှိတယ်၊ ဒီနန်းတော်ထဲက မိသားစုတွေက အစစ်အမှန်တွေမဟုတ်ဘူး၊ သူတို့က အာဏာရကြဖို့အတွက် သွေးသားချင်း သတ်ပစ်ဖို့ ဝန်မလေးကြဘူး၊ မယ်တော် မရှိလည်း ကောင်းကောင်းရှင်သန်နိုင်ဖို့အတွက် အာဏာအရှိဆုံး လူဖြစ်အောင် လုပ်ရမယ်၊ အဲ့တာမှ သားတော်ကို ဘယ်သူမှ အနိုင်ကျင့်လို့မရမှာ၊ သားတော် ကို ဆန့်ကျင်တဲ့သူဆိုရင်လည်း ညှာတာလို့မရဘူး၊ သတ်ပစ်ရမယ်၊ သားတော် အာဏာခွန်အားရှိလေ သားတော် လွယ်လွယ်နဲ့ မကျရှုံးနိုင်လေပဲ "