Love is born, because of you(Complete)

11

Part 11

သူ့အပေါ်တစ်ကိုယ်လုံးပစ်ပြီးမှီလာတဲ့ချာတိတ်ကိုစနေဦးခိုက်ခါးမှထိန်းကိုင်ရင်းအပြင်ကိုခေါ်ထုတ်လာသည်။မသောက်နိုင်ပဲသောက်ထားတာများလား။ခြေလှမ်းမှန်မှန်နဲ့တော့လျှောက်နိုင်သေးတာမို့အရမ်းထိန်းမကိုင်ရ။ချာတိတ်တို့ထိုင်တဲ့ဝိုင်းကိုရောက်လေတော့အကုန်လုံးနေရာပြန်ရောက်နေကြသည် ။ပျောက်နေတဲ့ချာတိတ်ကိုလည်းရှာနေသည့်ပုံပင်။ဝိုင်းသို့သူနဲ့ချာတိတ်လာသည်ကိုမြင်တော့ပြာပြာသလဲနဲ့ဟိုတစ်ယောက်ကထလာ ၏။

"ဟယ်! အကြင်နာဘယ်လိုဖြစ်တာလဲ"

ကိုစနေဦးခိုက်ကိုမှီပြီးတွေ့လိုက်ရတဲ့အကြင်နာ့ကိုဖူးငုံနေရာမှထ၍ခက်သွက်သွက်ပြေးတွဲဖို့ပြင်လိုက်သည်။အကြင်နာကမသောက်ပဲဘယ်လိုမူးသွားရတာတုန်း။ကိုစနေဦးခိုက်ကများတိုက်လိုက်တာလား။

"နေ!! မင်းနိုင်မှာမဟုတ်ဘူး။နေရာထိကိုယ်ပို့ပေးမယ်"

ခပ်ပြတ်ပြတ်အသံ‌အနေထားနဲ့တားမြစ်သံကြောင့်ဖူးငုံရှေ့ဆက်မဲ့ခြေလှမ်းကိုရပ်တည့်လိုက်သည်။အကြင်နာမူးနေတာကိုအသေချာတွဲပေးနေသူကြောင့်ဖူးငုံအနည်းငယ်တော့အံ့ဩသွားသည်။အကြင်နာ့ထက်ဖူးငုံက
စနေဦးခိုက်,ကိုအကြိမ်များစွာတွေ့ဖူးသည်။ဝန်ထမ်းတွေကိုခပ်တန်းတန်းသာဆက်ဆံတတ်သည်မို့ဖူးငုံကတော့ကိုစနေဦးခိုက်နဲ့တွေ့ရင်အနေကြပ်တာတော့အမှန်။ကိုနေနဲ့လားလားမှမတူသည့် ကိုနေ့ သူငယ်ချင်းကအနေတည်၊ရုပ်တည်လွန်းသည်။အခုလည်းအတော်စိတ်ရှုပ်ချင်ရှုပ်နေမှာ။

"ဒါဆိုငါတို့ပြန်တော့မယ် ရွှေရည်။အကြင်နာနဲ့ဘယ်လိုပြန်ရမလဲမသိတော့ဘူး။ငါကမူးပေမဲ့တီတီမသိအောင်လိမ်လို့ရတယ်။အကြင်နာကကြည့်ဦး"

ကိုယ်စထားတဲ့ပြသာနာမို့အဆူခံရမည့်အ‌ရေးကိုတွေးမိပြီးငိုချင်လာတာတော့အမှန်။အကြင်နာရဲ့အရက်သောက်လစ်မစ်ကzero။
မသောက်ပါဘူးဆိုတဲ့လူကဘယ်လိုမူးသွားရတာပါလိမ့်။ဖူးငုံ တွေးရင်းငိုချင်လာသည်။အိမ်ရောက်ရင်တော့သေပြီ။

"ဒါဆိုဖူးငုံတို့ရွှေရည်တိုက်ခန်းလိုက်ခဲ့ပါလား။ညစာစားပွဲလို့ပြောလာတယ်မလား။အရမ်းညဉ့်နက်လို့hotelမှာအိပ်လိုက်တယ်ပြောရင်ရော"