Part 31
ဒုန်း!!
ဒုန်းခနဲ့ကားပိတ်သံနှင့်အတူကားထဲကိုဝင်လာသူကြောင့်သျှင်မင်း မှေးနေရင်းမှလန့်သွားရသည်။
"ကိုယ်နဲ့လိုက်ရမယ်လို့ သော်တာမင်း
မပြောဘူးလား"
"ပြောတယ်လေ....ကျွန်တော်မလိုက်ဘူးလို့ပြောထားတာကိုကျပြန်မပြောဘူးလား"
ကျစ်!!
နေညွန့်စိတ်မရှည်စွာဖြင့်သျှင်မင်းရဲ့လက် ကောက်ဝတ်ကိုဆွဲကာကားပေါ်ကဆင်းရန်ပြင်လေသည်။သျှင်မင်းကသူ့ရဲ့လက်ကိုပြန်ရုန်းထွက်ရင်းအထိမခံ။
"ကိုနေ!! ကျွန်တော်မလိုက်ဘူးလို့ပြောနေတယ်လေ အတင်းအကြပ်မလုပ်နဲ့"
နေညွန့်ရဲ့ကိုယ်ကိုတွန်းလွှတ်ပြီးသျှင်မင်းပြောလိုက်လေသည်။သူလိုချင်ယူ၊သူမလိုချင်ရင်လွှင့်ပစ်ရအောင်အရုပ်လည်းမဟုတ်။သူရှိနေစရာမလိုတဲ့ရှုတင်မှာတမင်လာနေပြီးအရှက်ခွဲတယ်။လူကိုပိုင်စိုးပိုင်နင်းလုပ်တယ်။သူကိုယ်တိုင်ချမှတ်တဲ့စည်းကမ်းတွေကိုသူကိုယ်တိုက်ပဲဖောက်ဖျက်ပြီးပြုမှုနေတာလုံးဝမကျေနပ်နိုင်ဘူး။
လင်းသစ်ဟန်အနားရောက်လာတော့ကိုယ်ကလိုသုံးလား။ရှိနေတုန်းကကျထွက်သွားခိုင်းပြီးအလိုက်တသိထွက်လာပေးတော့လည်းသူပဲလူကိုဆွဲလားရမ်းလားနဲ့။
"မင်းဘာဖြစ်ချင်နေတာလဲသျှင်မင်း။ကိုယ့်ကိုလွန်ဆန်ဖို့မင်းတွေးနေရင်ရပ်လိုက်တော့"
"ဘာလို့လဲ...လွန်ဆန်ချင်နေတာမဟုတ်ဘူး
....ဒီစိတ်ပျက်စရာဆက်ဆံရေးကိုကျွန်တော်အဆုံးသတ်ချင်နေတာမှားနေလို့လား"
အဟင်း!
"စိတ်ပျက်စရာဆက်ဆံရေး!!ငါ့ထက်ဘယ်ကောင်ကမင်းကိုပိုက်ဆံပိုပေးပြီးကုတင်ပေါ်ခေါ်နေလို့လဲ"
ခွပ်!!
အထိုးခံလိုက်ရသည့်ပါးစောင်းကိုနေညွန့်လျှာနဲ့ထိုးစွရင်းသျှင်မင်းကိုတည်တည်ငြိမ်ငြိမ်နှင့်ကြည့်လိုက်သည်။စော်ကားခံလိုက်ရသည့်စကားကြောင့်ပြုမှုမိပေမဲ့သျှင်မင်းစိတ်ထဲလန့်သွားမိသည်။ကိုနေ့ကိုသူထိုးလိုက်မိတာလား။ဘာဆက်လုပ်ရမလဲမသိတော့တဲ့အခြေနေမှာသူရွေးချယ်မိလိုက်တာဒီကားပေါ်ကထွက်သွားဖို့ပင်။
YOU ARE READING
Love is born, because of you(Complete)
Non-Fictionစနေဦးခိုက် အကြင်နာမောင် Warning !! Myanmar bl fiction Unicode & Zawgyi တတိယမြှောက်ကြိုးစားမှု့လေးကနေကြိုဆိုပါတယ်။ Starting date -4/12/22
