لاڤندر .

3

لاڤـندر ..
لزهـراء أل عـلي .
-----------
- تفاعلو .

أيلين : فجأة طفرو الولد و عمي و ابوي و اخذو اسلحتهم و طلعو يتراكضون لبرهه ، و شويه و رجعو و من سئلتهم الشيخه شنو هذا الصوت گال عمي..

ابو فلاح : ذوله بيت الشيخ عناد متعاركين بينهم.

الشيخ قحطان : اي بويه جاا ما شفتهم شمحتاجين ؟، لٱ تنسه هذا عناد رفيج دربي .

ابو أيَهم : بويه عيال بيت و همه يتصافون و بعدين وين نروحلهم الساعه بـ7 ؟.

الشيخه زهره : گعدو يمه كملو اكلكم.

جذبني اسم عناد اول مَـرّھٌ اسمعه و حبيت اتعرف عليه بس ما اگدر لهيج تجاهلت فضولي هذا ، كملنه اكل و شلت الاماعين وي هبه و ام سعد و منار و رجعنه للصاله يم بيبي و عمتي و امي ، گعدت هبه يم امها و ظلت تسولف وياها و اني باوعت لامي و كلت خلي اكللها همين..

رحتلها و هيه باوعتلي و گالت
ام أيَهم : خيرج ؟؟.

أيلين : ماما هبه گالت لازم نروح للسوگ علمود اشتري ملابس .

ام أيَهم : ملابسيش ؟، ولج جبتي وياج خمس جنط هاي كلها ما بيها ملابس ؟.

أيلين : لٱ ماما قصدي دشاديش.

ام أيَهم : هااا ؟، اي خوش كلي لعمتج ام فلاح تاخذج.

أيلين : گليلها انتِ ماما.

ام أيَهم : خيه ما تاخذين أيلين تجيبلها دشداشات ما عدها تلبس ، و تعرفين بيت شيوخ مو لايقه تلبس تراكات.

هبه : هاا شفتي حتى عمتي ام أيَهم حجتها بلسانها.

ام فلاح : هسه يخيه ؟.

ام أيَهم : اي جاا شعدها لٱ منا ولا منا بس دشداشات و تجي.

ام فلاح : يلا يمه أيلين گومي لبسي عباتج.

هبه : يلا ولج خلي نصعد نبدل.

ام فلاح : شتبدلين ؟.

هبه : ابدل غير علمود امشي وياجن ؟.

ام فلاح : اثگلي و اگعدي ابمكانج ابوج ما يرضه.

هبه : وعلي يرضه ما دام وياج يرضه.

أيلين : عمه لخاطري خليها.

ام فلاح : امشي ولي امري للـلله شسوي.

صعدنه نبدل اني لبست قميص اسود و بنطرون كابوي و شال سمائي و عباتي و جنطه صغيرونه سوده خليت بيها فلوس و موبايلي و حذاء رياضيه سوده ، و هبه هم لبست قميص و بنطرون و عبايه ..

نزلنه لعمتي لگيناها مكمله ، طلعنه و صعدنه بسيارة عباس هو راح يوصلنه ، عباس هذا ما مرتاحتله لان حاجي على أيَهم و مطلع علي سمعه مو زينه قبل لٱ يشوفه اصلاً ،