"အစ်ကိုသားသား ရပြီလားမသိဘူး ကြည့်အုံး"
"မရသေးဘူး အုပ်ထားအုံး ခဏခဏမလှပ်နဲ့ လာလာ ကြက်ဥလာခေါက် ငါကြည့်လိုက်မယ် အဲ့ဟာက"
အိမ်ထဲရောက်နေသော မိုးသားကို နွေဦးမောင် ဆိုင်ထဲကနေလှမ်းအော်သတိပေးလိုက်သည်။
"ကိုကိုရေ ဖုန်းလာနေတယ်"
မီးဖိုခန်းတွင် ဝေယံနှင့် အလုပ်ရှုပ်နေသော မိုးသားက မကြားပေ။
နွေဦး လှမ်းအော်လိုက်သော်လည်း တုံ့ပြန်သံမကြားရသည်မို့ ဖုန်းမကိုင်ပဲထားလိုက်သော်လည်း ဖုန်းကနောက်တစ်ကြိမ်ထပ်မြည်လာပြန်သည်။
📲အိပ်မက်တွေတစ်ပုံကြီးပဲ မင်းနဲ့အတူစိတ်ကူးထားတယ် တစ်နေ့နေ့တော့နီးစပ်ရမယ် ချွင်းချက်မရှိငါယုံထားတယ် 📲
မကိုင်မချင်း မြည်နေသော ဖုန်းသံကြောင့် နွေဦး ကိုကို့ရဲ့ဖုန်းကိုယူကြည့်လိုက်သည်။
💛ဆု💛
ဘာလဲ....သူမက ဘယ်သူလဲ။
ဘာလို့ ကိုကိုက အသဲပုံလေးတွေနဲ့ contact မှတ်ထားတာလဲ။
သူမက ဘာလို့ ကိုကို့ဖုန်းကို မကိုင်မချင်း ခေါ်နေတာလဲ။
နွေဦး ဖုန်းကိုမကိုင်ပဲထားလိုက်မယ်လို့စိတ်ကူးသော်လည်း သိချင်လာသော မေးခွန်းအထွေထွေကြောင့် ဖုန်းကိုင်လိုက်သည်။
"ဟဲ့ ဘာလုပ်နေလို့ ဖုန်းကိုချက်ချင်းမကိုင်တာလဲ ငါနင့်ကိုပြောစရာရှိလို့ပါဆို "
ဟယ်လိုထူးချိန်တောင်မရ ခပ်စွာစွာပြောလာသော မိန်းကလေးအသံကြောင့် နွေဦး မျက်မှောင်ကြုတ်လိုက်မိသည်။
"မင်းက ဘယ်သူလဲ"
"ငါက.... ဟမ်....မိုးသား မဟုတ်ဘူးလား"
"မဟုတ်ဘူး ကိုကိုက အိမ်ထဲမှာ မင်းကဘယ်သူလဲ ကိုကို့ဆီဘာကိစ္စနဲ့ဆက်တာလဲ "
"နေ...နေစမ်းပါအုံး ကိုကို ဟုတ်လား မိုးသားမှာ ညီလည်းမရှိပါဘူး ငါ့ကိုဘယ်သူလဲ မေးနေရအောင် နင်ကဘယ်သူလဲ"
ရင့်သောအပြောတို့ကြောင့် ဆုမခံချင်စွာ ခွန်းတုံ့ပြန်မိသည်။
မိုးသားကို ကိုကိုခေါ်ပုံအရ သူမထက်လည်း ငယ်ရမည်။ဒါကို ဒင်းက အကြီးကိုအကြီးမှန်းမသိ။
YOU ARE READING
WSICTSOTM
RomansaWhich Should I Choose The Sun Or The Moon's New Version. It'll not be the same ending with the old version. Please ,enjoy the new ver hee''. I don't own the fic cover photo . It's from Pinterest. New Version Start Date -13.3.2023 New Version End Da...
