JinYoon(Yoongi btt)
នៅក្នុងប្រទេសកូរ៉េខាងត្បូងគឺមានច្បាប់មួយដែលតម្រូវឲ្យក្មេងប្រុសគ្រប់យអាយុចូលបម្រើយោធាតែវាមិនមែនទាំងអស់នោះទេក៏មានករណីលើកលែងចំពោះក្មេងប្រុសដែលមានជម្ងឺផងដែរ។
ភូមិគ្រឹះដ៏ធំស្កឹមស្កៃបងឈរលៀតសន្ឋឹងយ៉ងាខ្ពស់សន្លឹមនៅកណ្ដាលទីក្រុមសេអ៊ូលប្រទេសកូរ៉េខាងត្បូងនៅក្នុងភូមិគ្រឹះបង្ហាញឲ្យឃើញរាងតូចរូបស្រស់ថ្ពាល់បោកៗភ្នែកមូលស្បែកសរក្បស់ចង្កេះមួយកណ្ដាប់គួរឲ្យស្រឡាញ់កំពុងតែឈររ៉េរ៉នៅនឹងមាត់ទ្វារហាក់ដូចជាកំពុងតែរងចាំមនុស្សម្នាក់យ៉ាងអញ្ចឹង។
រាងតូចដែលកំពុងតែឈរនៅមិនស្ងៀមនេះមានឈ្មោះថា មីន យ៉ុនហ្គីហើយគ្រប់គ្នាចូលចិត្តហៅយ៉ុនហ្គីថា(Cat 🐈)រាងតូចម្នាក់នេះមានអាយុ២២ឆ្នាំហើយCatគឺជាជនជាតិជប៉ុនបានរៀបការជាមួយនិងបុរសជនជាតិកូរ៉េទ្វីត្បិតតែCatគឺជាមនុស្សប្រុសតែសម្រស់របស់រាងតូចម្នាក់នេះមិនចាញ់មនុស្សស្រីប៉ុន្មាននោះទេ។
តាមធម្មតាCatមិនសូវជាចេញមកខាងក្រៅផ្ទះប៉ុន្មាននោះទេព្រោះគេមានជំម្ងឺខ្លាចមនុស្សមិនសូវជាចង់នៅជិតមនុស្សដែលមិនស្និតប៉ុន្មាននោះទេ។
«អ្នកប្រុសតូចចូលក្នុងសិនទៅយ៉ាងណាថ្ងៃនេះក៏លោកប្រុសចេញពីទាហានហើយដែរណាគាត់អាចនិងជិតមកដល់ហើយក៏ថាបាន»អ៊ុំមេផ្ទះដោយដារតែឃើញយ៉ុនហ្គីនៅឈរចាំស្វាមីមិនព្រមទៅណាក៏និយាយប្រាប់ឲ្យរាងតូចចូលទៅចាំនៅខាងក្នុងវិញ។
«អត់ទេអ៊ុំខ្ញុំចង់មកចាំគាត់នៅទីនេះខ្ញុំខានចួបគាត់ពីរឆ្នាំហើយណាអ៊ុំ»យ៉ុនហ្គីក៏តបទៅវិញទាំងញញឹមតិចៗ។
«Cat!!»សម្លេងគ្រលងមួយបន្លឺឡើងហៅឈ្មោះរបស់រាងតូចពីចម្ងាយធ្វើឲ្យម្ចាស់ឈ្មោះប្រញាប់ងាកទៅតាមរកម្ចាស់សម្លេងភ្លាមៗតែម្ដង។ហើយម្នាក់នេះគ្មានអ្នកណាទេក្រៅពីស្វាមីរបស់រាងតូចនាយឈ្មោះថា គីម សុកជីនអាយុ៣០ឆ្នាំហើយតែនៅតែសង្ហាមិនចាញ់តារានោះទេពេលនេះនាយបានបំពេញកាតព្វកិច្ចជានាយទាហានរួចហើយហើយថ្ងៃនេះនាយក៏បានចេញពីការបំពេញភារៈកិច្ចផងដែរ។
