My 7 Alphas

EP-28(The main point is...)

*For Unicode*

“ lauraနင်ဒီနားမကပ်လာနဲ့ ငါတို့တောင်ဒီကောင်ကိုမနည်းထိန်းနေရတာ Lillianနဲ့အတူနေနေ ”

Lauraထိုအနားလျှောက်သွားဖို့ပြင်လိုက်လျှင်ဘဲ
Kim Vရဲ့တားမြစ်သံကြောင့် နောက်ကိုခြေတစ်လှမ်းဆုတ်မိသွားသည်။

ထိုအချိန်မှာKim Vရဲ့ဂရုစိုက်မှုကြောင့် Lauraအနည်းငယ်ပြုံးမိသွားသည်။

မသိရင်ခုနကခံစားချက်တွေက lauraကိုယ့်ဟာကိုယ်တစ်ယောက်တည်းကြိတ်ခံစားပြီး ဒရမ်မာခင်းခဲ့ရသလိုပဲ။

အော် လောကကြီးရယ် ဘယ်လိုတွေတောင်ကျီစယ်နေရတာလဲ။ ဆိုးရွားရင်လည်းအဆုံးစွန်ဆုံးထိဆိုးရွားလိုက်စမ်းပါ။

Lauraတိတ်တဆိတ်ရေရွတ်နေပေမယ့်လည်း နဂိုကတည်းက ရှင်သန်နေရတဲ့ဘဝကြီးကဒီလိုပဲဆက်သွားနေဦးမယ်ဆိုတာ lauraသိပြီးသားပါ။

တစ်ခါတစ်လေကျရင် ပြိုလဲကျပြီး ဝမ်းနည်းနိုင်တယ်။အရှုံးပေးရတော့မယ်လို့ထင်တဲ့အထိလည်း စိတ်ဓာတ်တွေကျနိုင်တယ်။ ပြန်မထနိုင်တော့ဘူးထင်တဲ့အထိ မောပန်းနိုင်ပြီး ပြန်ရုန်းမထွက်နိုင်တော့ဘူးထင်တဲ့အထိ စိတ်ပျက်နိုင်တယ်။

ဒါပေမယ့် ဒါတွေက လောကကြီးရဲ့ကျီစယ်မှုသက်သက်ပဲ။နောက်ပြီး လောကကြီးက လူတွေရဲ့ခံနိုင်ရည်‌တိုးလာအောင် လုပ်ပေးတဲ့ကိစ္စရပ်တွေပေါ့။

အချိန်လေးနည်းနည်းလေးပဲသည်းခံလိုက်မယ်ဆိုရင် ပြိုလဲကျပြီး ဝမ်းနည်းချိန်မှာ မင်းဘာသာမင်းထနိုင်တဲ့အထိခွန်းအားတွေရှိလာနိုင်တယ်။
အရှုံးပေးရမယ်လို့ထင်လာတဲ့အခါမှာ ပန်းတိုင်နဲ့နီးနီးလေးပဲရှိတော့တယ်ဆိုတာ မင်းသိလာရလိမ့်မယ်။မင်းလုပ်မှာ နည်းနည်းလေးသည်းခံလိုက်ရုံပဲ။ ဘဝကြီးက seesawလိုပဲ တစ်ဖက်ကကျလိုက် တစ်ဖက်ကတက်လိုက်နဲ့လိုက် သေချာစဉ်းစားကြည့်တော့ အနည်းငယ်လည်းပျော်ဖို့ကောင်းနိုင်တယ်‌။

Lauraသက်ပြင်းကိုချလိုက်ပြီး Lillianရှိရာဘက်ကိုပြန်လျှောက်ဖို့ပြင်လိုက်ချိန်မှာ စိတ်ရူးဖောက်နေတဲ့အယ်လ်ဖာသတ်သွားခဲ့တဲ့ အိုမီဂါအလောင်းလှုပ်လာတာကို‌ ရုတ်တရက်ခံစားမိလိုက်သည်။