ليل بلا قمر ❤️باللهجة الجزائرية❤️

البارت 7

فوط + كومنتار

على صوت الرصاصة هاجو اكل .. الكلاب هربو اكل راحت تجري ليه وهو في حالا هيجان لحقها خايف يعطيها خبطة صحيحة

جواد : قممممر حبسي ... خليه يهدا اكثر

اما هي كانت تجري كي المهبولة مدت يدها تهدي ليل .. وهو كان يصهل بقوة ويطلع في رجليه الاماميين ... مدت يدها لشعرو وهي تبكي وهو مع حس بملمسها هدا حطت جبينها ضد جبينو وعنقاتو بقوة متوحشتو وهو يدير في اصوات كأنو يعبر على الشي اللي في قلبو بعد عليه وبقات تتفقد فيه من البلايص اكل من الجوايه اكل ... خايفة تكون الرصاصة جات فيه ضحكت بفرحة ورجعت تحضن فيه وتبوس فيه وتربت على شعرو تداعب فيه

قمر : اااه يا ليل خلعتني خلععتني عليك في حياتي ننسى هاذ اليوم علاه هربت علاه كون كشما صرالك

شاف فيها بعينين يبرقو ولحسلها خدها مسحت لعابو وخبطاتو

قمر : بغل قتلك متزيدش تلحسني

جواد : هاذي اهانة عظيمة لخيل ببنية قوية كيما هاذي

قمر : صحيت بزااااف بزززاف مالغري الشر اللي درتو فيا بصح خيرك هاذا مننساهولكش طول ماني حية

جواد : مالا انا درت فيك الشر !

قمر : ها مالا تنكر !!!!

جواد : مننكرش .. برك نحب نقصر معاك تعجبني الربثة تاعك والخوف تأمني اي حاجة تتقال

تبسمتلو ابتسامة كبييرة خلات ليفوسات تاعها محفورين بقا غار يخزر فيها تايه ... كلشي فيها باهي ومتحوف سبحان الله ... جمال خارجي وداخلي جمالها رباني براءتها حكاية اخرى

قرب مد يدو يداعب الحصان صهل بقوة ورفع رجليه زرب بعد عليه ناضت قمر تضحك

قمر : هاااا بان شكون الخواف 

جواد : ههههه معلابالكش بلي حصان كيما هاذا يضربني ضربة يكسرلي ضلوعي وشطوبي ساعتها ارواحي نتي اتوجعي في بلاصتي

قمر : هههههههه اللي فيني يكفيني .... حقا وسمك !!!!

جواد : هاذا وين ظهرتلك تسقسيني !! .. اسمي من اسماء الحصان احرزي

قمر : اممم ادهم !

جواد : هههه وش جبدك في ولد عمي

قمر : خهههه مالا كلكم من الجواد

جواد : ايوااااااا جواد

قمر : اسمك جواد !

جواد : اممم

قمر : هههههه هاني لقيتها بسهولة

جواد : هيا ضك لقيتي الليل تاعك هيا نروحو راني متت بالجوع

تبسمتلو تبسم هو لا ارادي سحبت معاها ليل تتمشى

جواد : يظهرلي مكانتو عزيزة في قلبك لدرجة تبكي عليه