فوط + كومنتار
مريم : هيا نخرجو !!
هاجر ايه ... او مبقاش للحنة وجعني راسي نحوس نرقد كون غار يزربو
مرام : يخي لباس ا قمر !!
قمر : لباس لباس ... هيا نخرجو
خرجو كملو جولتهم ولا نقولو تصديرتهم قمر راحتلها ذيك البهجة ... والحماس كانت تشوف غار بعينيها
نائلة : ماشي قلتي نشطح علاوي !! هيا فرصتك الاخيرة .. اخر غنية خلاص العرس ضكا
قمر : لا .. في عرسك ان شاء الله
ملاك : هيا بررررك بليييييييز والله غار شطيحك ما يتشبعش
دارت الديجي العلاوي رڨادة ... ناضت هاجر تشطح بكتافها ومعاها البنات مقدرتش قمر تصبري ... ناضت دخلت في وسطهم ودات العصا تاع سلطانة من بين يديها حبسو البنات وبقاو يصفوقلها وخلاص .. وهي تشطح بكتافها وبنسلانها تقول حافظة الاغنية حففظ كل حركة متناسقة بإتقان مع الاغنية وهي تشطح وتهدر مع ملاك
قمر : هاهي ليك. تصور .. اجري ليها اني حشمت من الضياف كون فرجت فيه الانس والجن
شافت ملاك وين تشوف راحت لذيك الطفلة .. نحاتلها تيليفونها بلا ما تخمم حذفت الفيدو من كلش
ملاك : المرة الجاية احترمي روووحك ... تسمع بيك سلطانة تذبخك وتسلخك وتشرب دمك يلا حاسبها ساهلة
قعدت قمر كي عيات ... وهي تلمح في الانظار المتوجهة كان ليها هي بقات في بلاصتها متحركتش حاسة بقلبها مضيوق
.....
وصل الوقت وجدت احلام وريمة ومنال .. حوايج الحنة وكلشي زينو الطابلة بفن وفخامة كلشي راقي بطريقة فخممممة ماشفوها في حتى عرس لمعو عينين النسا وهوما يشوفي في طبق معمر ويز
قمر : هاجر اكي تشمي فهاذ الريحة !!
هاجر : وشمن ريحة !!
قمر : مكيش تشمي ...!!!!
سدت نيفها
منال : بليتو وين راهي الحنة ماجبتوهاش ؟؟
احلام : شوفي ماني .. قاتلي تاع الحج سقسيها ترا مالقيتهاش في الطبق
سلطانة : اي هنا بعدي تشوفي !!
بعدتهم سلطانة تحوس بيديها
سلطانة : هاهي هاهي !
دارت الديجي الغناية تاع الحنة " صلو على على محمد " بلت سلطانة الحنة احلام راحت دارت الذرايات على روسهم وقدمت ليهم بدات بهاجر وبعدها قمر دارتلهم زوج دبلونات في يديهم في زوج والنسا هولوها بالزغاريت عطاتهم شربو الما المرقي .... احلام وريمة في زوج يبكييو .. وشكون ماتبكيش فهاذ اليوم وهي تشوف في بنتها مرا وعروسة ... رايحة عليها .. ورايحين يديوها خلصت سلطلنة حنتهم وهي تتبسم هاذ المرة بلا تخبية شافت فبها قمر بعينين مدمعين وباستها من راسها ... الحركة اللي خلات الكل يهدر ويتمتم عليها حاسدينهم على عروسة كيما قمر زين وافعال
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
