فوط + كومنتار
واقفة مقابلة 5 رجال شيوخة ببرانسهم تدل على هيبتهم كل واحد قاعد في كرسي مفخم وهي يديها مربوطين في زوج قدامها ذرعيها مخبشين وعليهم لاطراس تاع صباع .... اثار تاع لزة قوية كي جابوها الحراس حالتها حليلة ... عينيها حمورة من الدموع اللي كابستهم شعرها طالع ومغوبش تخزر في الارض بلا ما ترمش مزالت اللحظة اللي طعنتو تتكرر مرة ورا مرة بدون توقف
" نتي ارتكبتي جريمة في حق الاغا ومتوال الناس ومتوال عينينا اعتديتي على روحو ... قللتي من مقام الاغا الكبير .... ما حتارمتيه محتارمتي حد فينا ... تتحداي العين في العين .. خارجة متوال الرجال هكذا شي ما يستر عليك ... وزيد من الفوق رميتي السرج ... وختمتيها بالقتل "
" عقابك يا بنت شعيب هو النفي من العشيرة مدى الحياة ... تحرم عليك تدخليها مرة اخرى "
" انتي مسرحة وزواجك باطل "
" يحرم عليك تتزوجي اي حد منا سوا من العايلة ولا من العشيرة "
" يحرم عليك تتلاقاي بأي فرد من افراد العايلة وحتى امك "
" تسحب منك كل الحقوق اللي كانت عندك فهاذ العشيرة "
" يطبق فيك حد القصاص "
شاف مالك في احلام اللي كانت تطل خلسة وهي شادة فمها تبكي بالدموع شاف في قمر مرة اخرى حاير في أمرو ... دموع بنتو قتلوه ... هو من 15 سنة في نفس المكان وفي نفس المجلس حرقلها قلبها وكواه وشواه واليوم كمل عليه قتلو شافت فيه احلام دارتلو براسها لالا شاف فيها وشاف في اللي كان هاز الخنجر وراح يطبق الحد
مالك : اتفضل يلا طبق الحكم
حطت يدها على فمها تبكي بالشهقة اما قمر كانت واقفة جثة بلا روح ... تبسمت ع الحكم اللي نطقو بيه شد مالك على قبضتو ... هي هكذا استفزتو اكثر ... نفس اللقطة تاع 15 سنة اللي دارها شعيب عاودتها تضحكككك ... هي بنتو ومن صلبو وخليفتو علاش لا
مالك : لاه راكي تضحكي !!!!
غمضت عينيها بخفة وجاوباتو وهي تتبسم
قمر : لأني راح نحس بجبل نزاح من كتفي ع الاقل نطهر ذنبي اللي ارتكبتو في حق روح ونخفف من عذاب الضمير ... احسن قرار سمعتو من قرارتكم
غمضت عينيها مستعدة وهي راسمة ابتسامة عريضة على فمها كأنها ميش تستقبل في موتها هز مالك يدو عطا الموافقة للمنفذ هز يدو راح ...............
بقى يفصل بين كرشها والخنجر يادوب 2 ملم كي شدتو يد قوووية من الجيهة الحادة ... عقدت حواجبها وحلت عينها ع الريحة اللي شمتها شافت فيه بصدمة وفرحة مخلطة
ادهم : كيفاش تنفذ القصاص من راسك .... بلا حضور وبلا مشاورة الاغا ... لا وزيد قصاص باططل
" كيفاش تسمح لنفسك تشكك في قرارتنا ... اغا سليمان كلم حفيدك "
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
