فوط + كومنتار .... هاني وليت كليتوني 😂😂
بصح هاذ المرة تتفاعلو مكانش كيفاش هيا فوطيو قبل متقراو .. متعاودوليش السيناريو تاع المرة اللي فاتت ... اتفاعلو نزيدكم بارت ضك في الدقيقة راه واجد اني سهرت علاجالكم
القاضي : طللبك مرفوض سيد ادهم ... انت توجه الاتهامات باستمرار .. في الاول اتهمت بالتزوير .. والان تتهم بالخيانة وهذه تعتبر جريمة
هز المطرقة تاعو باش ينهي الجلسة بأسرع وقت
قمر : سيددددددي القااااضي اعتذر على المقاطعة لكن لدي دليل
كل من في المحكمة دارو ليها شاف فيها ادهم بهدوء كانت قاعدة في الصف الثالث وكتا ولات للصف الثاني !
ناضت من بلاصتها وهبطت للمنطقة مقابلة القاضي وقفت في النص
المحامي 2 : شكون نتي باش تقاطعي جلسة المحكمة !!!!!! وديجا كيفاش دخلتي ... ممنوع رانا في المحكمة العليا .. ماشي اللي يجي يحضر
شافت فيه قمر مطلعة حاجبها بزاوية عالية تاع من نيتك
قمر : هدرت معاك !!!
قلبت عينيها وشافت في القاضي اللي كان يخزرلها باستغراب تكلم وكيل الجمهورية اللي ثما
" انسة شكون نتي ... ! وشكون عطاك الاذن تدخلي تحضري الجلسة هاذي خاصة ... وزيد تقاطعي القاضي وهو ينطق بالحكم "
قمر : ايه اذا كان كاين دليل يبدل النطق بالحكم ويثبت ادانة المتهم
المحامي 2 : سيدي القاضي اطالب بطرد هذه الانسة من المحكمة وتقديم شكوى على اقتحام .. المحكمة العليا .. ومقاطعة القاضي اثناء النطق بالحكم و .....
قمر : وفقا لنص المادة 212 من قانون الإجراءات الجنائية الجزائري فيجب ان يقتضي مبدأ حرية الاثبات ان يعرض على اعضاء المحكمة ولا سلطة عليه مهما كانت الظروف والاسباب
شاف فيها المحامي الدوزيام وحك جبينو بتوتر اما ادهم ضيق عينيه فيها وشبك يديه ورا ظهرو يخزرلها بالساكت
القاضي : شكون نتي !!
قدمت ليه قمر بخطوات ثابتة وحطتلو التصريح تاعها وحطتلو البطاقة تاعها وضمت يديها لصدرها شاف فيها وشاف في المحامي الدوزيام لمحت تفاحة ادم اللي نزلت وطلعت كي بلع ريقو رجعلها كواغطها
القاضي : تفضلي وشنو هو الدليل اللي عندك
تبسمت شطر تبسيمة لمحها ادهم اللي كان واقف قريب ليها ... مالغري كانت تبسيمة صغييرة بصح ماخباتش غمازاتها اللي ظهرو قدمت ليه ومدتلو التيليفون ورجعت بخطواتها للخلف تخزر فيه وفي ردات فعلو ... كان السكوت مخييم على القاعة والوزير تبدلت القعدة تاعو مين كانت رجل فوق رجل تكا على الكرسي باستقامة يتابع في الاحداث باهتمام
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
