ليل بلا قمر ❤️باللهجة الجزائرية❤️

البارت 45

فوط + كومنتار 😒

دخلت خرجت هاجر والمشاطة ... بارك لهاجر وباسها من جبينها بمعزة .. ودخل غلق الباب وراه بالمفتاح
خبات يدها اليسرى ورا ظهرها كي شافاتو

قمر : لاه جيت !! حوووجي وش يقولو علينا ضك .. حل الباب حل

قرب ليها وهي تبعد قريب تلصق في الحيط لوهلة نسا روحو علاش جا شاف فيها ملييح ... يتأكد اسكو هي ولا لا ... ڨراف متبدللللة كانت اية .. اية في الجمال .. في حياتو شاف وحدة كيفها ... لز على قبضتو كي تفكر جواد اللي شافها قبل منو ... وقدر يشوف جمالها الفاااتن

قمر : والله مادرت حاااجة والله

ادهم : مدرتيش !! درتيها قد راسك وتقوليلي مدرت حتى حاجة

قمر : وشبيك لاه راك تعيط .. نعطيك بلغية تضربني !!

ادهم : لاه جاية مع هاااااذك الزااامل هاااا يخي قتلك عيطيلي !! تسما تخليني انا اللي حلال تركبي معايا وتركبي مع واحد كيما جواد يخي

قمر : اصبر بعد تشو شوي اكي خلصتلي الاكسجين ضك نهدرو

بعد عليها كي فاق براسو لاصق فيها ... كانوا يتنفسو نفس واحد ... شافت فيه كيلاتو من الفوق للتحت .. سروال قري مع تريكو نوار .. باسكات بلون .. النواضر فوق شعرو اللي كان مستف تقول مدايرو بالمسطرة ريحتو ... ووااااخ من ريحتو ... من نهار عرفتو وهي سادة نيفها باش ما تشمهاش اليوم عبات بيها رواريها

ادهم : ااي ركزي معااايا ... لاه جاية معاه

قمر : كيفاه لاه جاية معاه .. ها نقعد وحدي .. نستنى في حضرة السيد وكتا يشرفنا والعرس رااكب والضياف وصلو والعروس ما جات

ادهم : كنتي قادرة تعيطيلي

قمر : امم باش نعيطلك نبعثلك حمامة بيضا برسالة بين رجليها يااك ... معندي لا تيليفون لا نيميروك التمسخير .. اخرج اخرج عيط معاك لمما

عقد ادهم حواجبو باستغراب

ادهم : دووري

دورها بيدو وجبد القفطان شوية على جيهة رقبتها حلت عينها على وسعهم

ادهم : وش خبشك منا !!

قمر : وشنهي.. بعد عليا اسممممع

بعدت عليه وردت الروبة حاطة يدها على رقبتها كونكوا تسترها زير عليها اكثر شافت في عينيه اللي كانو حادين

قمر : وشبيك .. ادهم !!

ادهم : نهدر معاك .. شكون اللي توشاك في رقبتك

قمر : واحد ماتوشاني اخطيني

ادهم : يدك وشبيها ! لاه راكي مخبيتها وراك !!

قمر : روح الله يسترك خليني متوال يوم طويل عريض كون راني تصدرت وخلصت

نتر يدها من ورا ظهرها شدها بين يديه في زوج كانت كي اللقمة .. شاف فيها ترجف ... لزها بين يديه اللي احتواوها حست بالراحة والاطمئنان .... ستنى حتان حبست يدها من الرجفة ... مد يدو لجيينها يتأكد مكان بيها شي شد يدها بيدو يدور عليها ع الحنة اللي محلية يديها ... بقا يتلمس فيها حس برعشة جسمها بلا ما يحس براسو كيفاه ولا وكتاه بلاوعي منو هز كفها وشم حنتها اما هي حست قلبها رايح يخرج من بلاصتو .. ورجليها فاشلين ء