فوط كومنتار
شدلها الخنجر بيدو هي تدز وهو يدز يتهاوشو هو يجبد من جيهة وهي من جيهة ... في احظة غلب الشيطان حلو كلهم عينيهم على وسعهم ع الضربة اللي تضربت والموس اللي ترشق حد معلابالو شكون المصيب ولا المصاب .
كانت لحظات صعيبة على كل اللي ثم بقاو مصدومين .. يشوفو في الدم .. اما شكون تقاس واحد ما يعرف شهقت سلطانة وهبطت تجري خايفة عليهم .. ايا اللي تقاس واحد من 3 في 3 عزاز على قلبها تبعتها ريمة واحلام ... في زوج شادين قلوبهم
طلقت الخنجر من يدها وتراجعت للخلف وهي تهز في راسها يمين ويسار شافت في يديها اللي معببين دم
قمر : لالال..ل.لل..لااال انا مقتلتوش .. انا مقتلتوش انا ...انا منيش قاتلة
شافت فيه وهي ترجف من الخوف .... شافتو كي طاح في الارض على ركايبو وشاد كرشو والدم يسيل كي العين ساندو جدو وولاد عمو في زوج ودارو كامل بيهم ... تلاحت احلام عنقت قمر بقوة كي شافتها سالمة غانمة اما ريمة راحت تجري وهي تبكي على ولدها كي شافاتو طايح جثة بلا روح في الارض ينزف شافت سلطانة في قمر شوفة لوم وعتاب بعدت على امها وهي مصدووومة تاع الصح مدت يدها تقرب من ادهم وهي ترجف ... تشوف فيه يحل ويغمض في عينيه ... برونسو الباج تصبغ باللون الاحمر مبقى فيه ما يبان
جات تقرب ليه بعدتها ريمة
ريمة : بعععععدي احسسسنلك يااااا وحد الكللللبة .... هاذا بسبتك ... نتي اللي قتلتيه نتتتي .... كون كشما يصرا لولدي تشوفي وش ندير فيك
زمت يدها وهي تبكي بالساكت مصدوومة احلام محضنتها وتبكي جات مريم تجري دخلت في وسط ذاك الحشد دزت جواد بقوة بلا قصد شدها من ذراعها
جواد : وش رايحة تديييري بعدي بعدي ..... ضك يجي الاسعاف جايبة حقيبتك وجاية تجري شكون نتي
شافت فيه مريم من الفوق للتحت مطلعة حاجبة وتخنزرت فيه ونترت يدها منو
مريم : ماعندوووو مااا دخلك بعد خليني نشوف خدمتي يا وولللللللددد عممممي
قلبت عينيها وهبطت بعدت الناس عليه تسعفو اسعافات اولية قبل مايجي الاسعاف
ريمة وهاجر كانو يبكيو ويغردو بالصوت وهو غايب ع الوعي .... سليمان وسلطانة جاتهم صدمة ... خايفين يضيع حفيدهم وكبدتهم من بين يديهم كيما فقدو باباه
عمومو مكانوش اقل منهم ... الحالة تقلبت والنساوين تاع العايلة زادو جاو للساحة ..كل وحدة تغرد من جيهة
جات ريمة باش تنحي الخنجر اللي كان نغروس في كرشو حبستها مريم
مريم : لاااا خاااالتي خليه. ... كون تنحيه يزيد ينزف...... بعدو الله يستركم هو اصلا محتاج اكسجين ونتوما زدتو غميتوه
بعدهم سليمان صرفهم عليه كان محافظ على ملامحو كي هو كي سلطانة ... اما سلطانة كانت واقفة فوق راسو متكية على عصاها دمعة ماطاحتس من خدها .... اما قلبها اللي كان يبكي الدم
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
