فوط + كومنتار
بون البنات هاذ البارت راه طويل حق 3 .. لذلك راه مكانش غدوة بارت .. اني قتلكم من ضك تسما الل يتحب تقرا غدوة متكملش البارت كامل ولا دبر راسها المهم انا اني خبرت
كانت قاعدة ع البيرو مدلية كرعيها وتأرجح فيهم وهو قاعد في الكرسي تاعو مقابلها رجليها بين رجليه القسم فارغ غار هوما اللي وصلو بكري
ادهم : وش رايك بعد ما تسوتني نروحو نقعدو يامات في تونس !
قمر : اهاه ! قول والله
ادهم : هههه والله
قمر : ايا مريقلة 👌.... اسمع ..
ادهم : خير
قمر : نحوس نحضر قضية في المحكمة العليا
ادهم : يخي علابالك انتردي .
قمر : عيييشك الله يرضى عليك .. شوف هاذاك وكيل الجمهورية والله غار ناس ملاح
ادهم : ونتي منين تعرفيه ان شاء الله !!🤨🤨
قمر : كيما نهار حضرت ثما
هز راسو بإيه ومد يدو بعد شعرها من على وجهها حطو ورا وذنها .. سمعو تحمحيمة تلفتو في زوج كانت سارة تاع المرة اللي فات مع شلة بنات
ناضت قمر من فوق البيرو تعدل في هندامها وهيأتها المخربقة
ادهم بهمس : اقعدي في الطاولة الاولى مكان لاه تبعدي لاخرى خلاص اخر مرة قعدتي لاريار شفتي وش صرا
هزتلو راسها بإيه ومشات شافو فيهم البنات بصدمة بالاخص سارة .. شافو فيهم في زوج .. دخلو حكمو طاوللت تاعهم .. اليوم يقراو تيدي عندو.... حضرو كل التلاميذ ولحقت نائلة قعدت بجنب قمر بعد ما عنقتها
نائلة : اسمحيلي بزاااف بزااف والله ماقعدت .. يما مريضة طلعتلها لاطونسيون .. مقدرتش نجي نزورك
قمر : معليش الحبيبة ..
نائلة : وش راكي ؟ وش قاتلكم الطبيبة !؟
قمر : قاتلي ضربة شم..........
قاطعهم ادهم اللي خبط المكتب بالقلم باش يديرو الكالم سكتو بدل نظرو للبقية
نائلة : لاه قعدتي اللولة .... ولا باش تتفرجي فيه
قمر : جداك... هو اللي قعدني هنا ... وتقدري تقولي نتفرج فيه من بين الاسباب
بدا ادهم الشرح في السبورة .. قمر مركزة مع حركاتو .. مع ساعدو اللي يبان بعد ماشمر الشوميز تاعو حطت يدها على خدها تخربش في الطابلة شاردة في عالم خلاف تماما
ادهم : مدام قمر معليش تعاوديلي وش كنت نشرح ؟
تلفتو كامل ليها .. ركزو كان مع كلمة وحدة " مدام ؟ "
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
