فوط + كومنتار
في دار صغييرونة مقدرة قد عبادها متكونة من غرفة وحدة وكوزينة صغييرة تضم أسرة صغيرة ... بصح هاذ الدار مالغري صغيرة مي الحب اللي فيها كبييير شهدت على اجمل الذكريات ذكريات بين اب وبنتو ... ذكريات عظيمة بين البنت والام العظيمة دار افرادها صغار متكونة من ام وبنت فقط
احلام : هيا قمر نوضي راح عليا الحال رايحة للخدمة
غمت قمر راسها تكمل نومها وهي تهمهم
تبسمت احلام وحطت يدها على راسها
احلام : هيا قمرة حبيبتي نوضي
بعدت قمر الغطا على وجهها وناضت تخزر في امها بعينين ناعسين شافت في التاقة المحلولة
قمر : يما مزال الحال ماكيش تشوفي في الظلمة مزالت !
احلام : اي 5.30 هاذاك هو تنوضي تفطري وتروحي تقضي شغالاتك
قمر : ماما راهي 5.30 الفروج ومزال مناضش علاه يعني ديجا لاه رايحة تخدمي ضك! يخي حتان لل7.00
احلام : اااه فكرتيني اليوم اني منروحش بكري بيسك غدوة خطبت بنت الاغا حسين وباش يديرو العرس وحفل الاغوية وتنصيب الاغا الصغير الوريث بعد الاغا
عوجت قمر فمها وتأففت
قمر بنرفزة : لاه كي عادت ست الحسن رايحة تتخطب يهلكوك نتي ! وزيد كيفاش تلحقي توجدي كلش وحدك الكوزينة كاملة ليك
احلام : يقدرني ربي ونقدر نشاله وزيد رايحن يخلصوني على تعبي يعني يضاعفولي
قمر : لوكتا هاذوك الظالمين ياخذو حقنا والله الا منرجع حقنا منهم بالثالث والمثلث مزال حاقرينك يوكلولك من حقك ومن صحتك .... الشهر اللي فات مخلصوكش تحوسي يخلصوك هاذ الشهر ويزيدوك فوقو مفهمتش وين راه العدل اللي راهم يشكرو بيه الاغا
تنهدت احلام بحزن
احلام : هيا نوضي نوضي راح الحال منطمنش عليك وحدك ونتي ....
قمر والدموع في عينيها : ميش باش تسكتيني هاذ المرة يا أمي حرقة بابا مزالها في قلبي لليوم
ناضت قمر غسلت وجهها وهزت القش فرزت حالتها لقات امها لبست قشها
احلام : قمر الفطور فوق الطابلة
قمر : نفطرو كيفكيف
احلام : روحي برك افطري انا فطرت كي نضت
شافت قمر في طرف الخبز الصغير بجنبو زبدة تنهدت بحزن وراحت حلت الفريجيدار الصغيرة لقاتها فرغانة زمت شفافها بحزن اصلا هاذي هي حالتهم من زمان من نهار خطاهم عمود البيت اغلب الليالي يباتو جيعانين
قمر : يما اليوم نروح لافيل نحوس على خدمة
شدتلها احلام يديها الصغار بين يديها والدموع في عينيها
أنت تقرأ
ليل بلا قمر ❤️باللهجة الجزائرية❤️
Misterio / Suspensoقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
