فوط + كومنتار
حل الصندوق حل عينيه على وسعهم من الشي اللي شافو .. مارمشش دقيقة من الصدمة اللي جااتو شد التصويرة بيدين يرجفو يتأكد من اللي يشوف فيه ... كانت تصويرة قمر لابسة كاراكو ومنعتة الحنة تاعها للكاميرا وهي تضحك كانت مخربشة برموز واشارات وكلمات مكررة مرض مرض مرض دم دم دم ألم ألم ألم عقم عقم عقم .. جنون .. اكتئاب عقم .. سرطان .. موت موت موت
سخر خطوات للخلف حاس براسو رزين هاذا وين فهم .. هاذا وين فهم وش الشي اللي بقمر .. هي مريضة بالسحر اللي داراتو والدتو موش مستوعب ولا عقلو قادر يتقبل حقيقة انو امو تخلط فهاذ الامور
.. شاف في الصندوق بزاف أمور مشطة معقودة وخصلة شعر معقود حنة محروقة ... سنسلة ذهب ... واخرهم دمية هزها يقلب فيها بين يديه كانت مرشوقة بالابر في كل بلاصة في الانف في الفم في البطن في الرحم في الرأس ...حط يديه على فمو موش مستوعب موش مستوعب وموش مصدق ... الشي اللي شافو يدمر ... هي دمرتها ... هي هدتها وش دارتلها بنية صغيرة هاذا وين جاية للدنيا ... وش ذنبها ... السحر كامل معقود بالمرض والعقم والموت ..
ياسمينة : وش تدير عندك !!!!
دار على صوتها شاف فيها بصدمة تامة وبرود في أن واحد عينيه حمورة دم الدمية والتصويرة مزالو في يدو .. حلت عينيها على وسعهم
ياسمينة : شكون عطالك الحق تفركت في حوايجي وخصوصياتي
جواد : لاه !
ياسمينة : ماعندو ما دخلك وتهدر لواحد تشوف ما نعمل فيك
جواد بسخرية : تعقديلي سحر كيما قمر ! تمرضيني ! وتموتيتي ! وتهبليني ! وتهديلي صحاب كيما هي
ياسمينة : بعيد الشر ...رجعهم لبلاصتهم واخرج منا لانتا شفت ولا سمعت
جواد بالعياط : لاااااااااااااه نهدر معاااااك لااااه لاااه لاااه ارررب العالي لاااااه وش دااارتلك
كان يعيط ويكسر وش كاين ع الكوافووز وهي رجليها فشلو .. هي تكشفت واليوم موتها
ياسمينة : اتهدن ا وليدي عيشك
جواد : منيش وليييدك مااانيش وليدك .. انا منيش ولد سحارة انا منيش ولد مشعوذة
ياسمينة : وطي صوتك يا وليدي الله يسترك والله غار ضك نفكو .. في البلاصة ... ونوعدك منزيدش نعاودها طول مني حية ماتعيطش برك يسمعوك يقتلوني
جواد : يقتلوووك !! الموت خسااارة فيك ..علابالك !
ياسمينة : جواد حط من يددددك واخرج من شمبرتي واللي شفتو هنا يموت هنا
جات تقرب ليه حبسها موجه الفرد لوجهها وفتح زر الامان شافت فيه بصدمة
جواد : تقولي منقتلكش ؟ قسما برب العزة وتقربي خطوة نقتلك سممممعتي بعدي من الباب
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
