فوط + كومنتار
نحات الورد احمر كااامل .... وجات مولية ... لقات الدنيا خايضة بالرجال يوجدو في الساحة ذيك للحفلة تأففت ونزلت راسها ... حتان سمعت صوت بكا هزت راسها لقات توبة تتلوط بين يدين ايهاب
مشات بإتجاهو وقفت مقابلاتو
قمر : اعطيهالي
ايهاب : متسكتش يلا حرنت هكذا خلاص ضك تقلقني نخبط جدها
قمر : يخبطك جان ان شاء الله
ايهاب : شكون اللي راه يعلم فيك الهدرة !! ربي نقصلك من طولك زادلك في لسانك
قمر : ايه اللسان هو الصح ... اعطيلي الطفلة اي فحمت بالبكا ... شد عليا الورد
حكمت عليه الطفلة بيد واليد لوخرا شد بيها الورد مع شدو رماه يسب
ايهاب : $@@#$
قمر : خماج ما تحشمش ربي يحرقك في جهنم الحمرة ان شاء الله يا يا وحد الموسخ ...
ناضت توبة تضحك بعد ما كانت تبكي وهي تلعب بشعر قمر نحاتولها من فمها ... حطت توبة راسها على كتف قمر وترضع في يدها تدير في اصوات طفولية مستحلية وضعيتها
ايهاب : شو الكلبة .... سكتت
قمر : ايه باينة .. نتا هازها تقول محمل شكارة ... علابالها بلي خالها مفسد اجتماعي Bad boy 😒😒
هز حاجبو يقحرلها
ايهاب : اكي عليا bad boy!!!
قمر : ها علامن مالا ... شو ذيك اللبسة السناسل والبراسليات والسروال مقطع 2 ميترات والشعر كي صاريلو مدايرو كي القلعة فوق راسك باين مشبع ڨمل
للحظة بغا يضحك على جوابها ... خلطلها شعرها باستهزاء
ايهاب : انا تاعي اوموا مستف قدقد شو تاعك كي صاريلو !!
قمر : حشااك تاع وجهك ... تلحقو شعري طويل .. ورطب ...
شاف فيها ايهاب بجرأة يتبع في طول شعرها
ايهاب : عندك الحق .. محلاك بالحق قم..............
قبل ما يكمل كلامو كان وجههو داير ببوكس هز راسو شاف ادهم قدامو واقف عينيه قريب يطرطقو من الغش ... الغاشي كامل يخزرلهم اما قمر لزت على توبة ليها بحركة لا ارادية وبعدت للخلف
شدو ادهم من كول تريكوه جابدو ليه
ادهم : ر@#$ و ###$ يخي قلت ل #$ ماتزيدش تحوم حيهتها
قمر : بركا ماسبيت سخط.....
ادهم بالعياط : بلعي نتي #$$ مبعدا نتفاهم مع $#$
قمر : ربي يحرقك ان شاء الله
جبد ايهاب روحو منو بملل موش حاب يكبرها
ايهاب : وحدك موسوس. خو مكان والو .. حبت تدي الطفلة وانا عطيتهالها ... اتهنى ماشي الجور تاعي
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
