ليل بلا قمر ❤️باللهجة الجزائرية❤️

البارت 21

فوط+ كومنتار

احلام : باش تتزوجي !

شافت فيها قمر عاقدة حواجبها تخزرلها بصدمة

قمر : انعم !! مسمعتش مليح

احلام بجدية : قتلك باش تتزوجي

ضحكت قمر ميش مأمنة وطلقت لاطاي ع السرير متسطحة

قمر : اييييي وشكون هاذا اللي دعاتو امو باش يتبلى بمصيبة متنقلة كيما انا هههههههههه

احلام : قممممر منيش نضحك

ناضت قمر وقفت مقابلتها

قمر : حتى انا ا يما منيش نضحك .... علابالك بلي مزلت منيش مدايرة الزواج في راسي  مزلت هاذا وين قلت بسم الله في حياتي .. رايحة طول للزواج ! مزالت القراية ! مزالت النجاحات ! مزالت الخدمة ! الترقية ! مبعد بالاك بالاك بالاك نخمم في الزواج

احلام : هوما طلبوك وانا وافقت نمدك

قمر : والله !!! نتي وافقتي ! بصح يخي هاذي حياتي انا اللي رايحة نتزوج ماشي نتي ا يما

احلام : راااني امك اعررفي كيفاش تهدري معايا ... وسڨمي اسلوبك .. فزدت طبايعك مرررره .... وباش تتزوجي حبيتي ولا كرهتي وحطي عقلك في راسك .. لأنو باش تستري راسك مع راجلك واولادك

قمر : ااايه يا يما عندك خيال واسع زوجتني ديجا وجبتيلي الاولاد هاا بالشوي

ضحكت مزال مدايرتها تمسخيرة هزت راسها بيأس ومشات تمشط شعرها

احلام : اكي كبيرة ضك ووليتي مرا ونص ... لاه متتزوجيش وش خصك الف راجل يتمناك .. وزيد انا حابة نفرح بيك قبل منام عيني

قمر : وش جبدك ضك في هاذ الهدرة يا ماما ... ربي يحفظك وعيشك ويدوم تاج فوق راسي

باستها من راسها بمعزة وشدت وجهها بين يديها

قمر : يما انا عندي احلام كبيييييييرة حابة نحققها مزال بزاف طموحات موصلتهاش ... نحوس نولي نخدم ... نولي محامية كبيييرة ونخرج انا وياك منا من هاذ العشيرة المسودة اللي كلاتلك شبابك ونعيشو في دار على قدنا دافية بالحنانة ونكفيو رواحنا ... واكيد باش نديو معانا ليل ... نطور من نفسي ونكون نفسي بنفسي نولي قادرة على شقايا مبعد يرحمها ربي للزواج ... انا مزلت ضغيرة ع المسؤولية يا ماما ... الزواج ميش حاجة ساهلة ... وانا مزلت طايشة هاذا وين 19 سنة هاذا وين بديت نوعى ع الحياة ... هاذا وين بديت نفهم كيفاش ماشية نعرف طينات الناس .. نياتهم ... نميز بين الخير والشر .. الصالح والطالح ... هاذا وين بديت نتفتح ع الدنيا نتي تحوسي تزوجيني وتغميني بالمسؤوليات .

الزواج لازمو تدبير وعقل ناضج ضك نتي في ميزك انا نقدر ننساجم مع واحد ولا !!! تعرفيني شاعلة بوحدي ... ضك نتي في ميزك نقدر نربي صغار ! اني مزلت نربي في روحي اصلا .... ميش وقتو الزواج ضكا نزيد 5 سنين ولا 6 يعود عندي 25 سنة ... ثما نكون مرا وناضجة اكثر وعشت من الحياة ما يكفي وتمتعت بشبابي ... راني لضك مزلت مرااهقة لضك مزلت نزعف على حوايج تافهين ونشعل على حوايج تافهين ...