فوط + كومنتار
شافت فيه داخل عوجت فمها ومشات تروح تضرب طلة على ليل وتشوفلو وش يوكل جات ماشية حكمها جواد من يدها
جواد : قمر لازم نهدرو
نترت يدها منو وجبدت روحها.... ولا يقلقها بزاف بتصرفاتو
قمر : لاه لسقة هكذا نتا !! اخطيني متهدرش معايا واخر مرة تحط يدك عليا
جواد : ايه كيما تحبي ... بصح وش كاين بينك وبين ولد عمي !!!
قمر : باردون !!!!!!
شافت فيه بخزرة تفاجئ مستغربة من كلامو
جواد : شفتكم مع بعض و.....
قمر : ايه جيت معاه وصلني كي عادت نفس الطريق وينو المشكل
جواد : كي تحتاجي قوليلي ليا انا ... كون عيطتيلي جيت رفدتك ... متزيديش تهدري معاه
شافت فيه مطلعة حواجبها في زوج ربعت يديها تحت صدرها
قمر : والله !!! اوكي ميكون غار خاطرك .. ضك كي نعود نخرج نشاورك ... وكي نعود رايحة لبلاصة نشاورك ... وكي نجي رايحة نوكل ثاني نشاورك ... وكي نجي رايحة نهدر مع العباد ثاني نشاورك .. وتحب حتى نشاورك وش نهدر تساعدك هكا مسيو جواد !!
جواد : مقتلكش هكذا.... اما مانحبش نشوفك معاه مرة اخرى ... هو صعيب و ........
قمر : اففففف لا حول ولا قوة الا بالله
هزت كف يدخا تشالي بيه
قمر : ربحححححت على كبري نجي نشاورك نتا وش ندير وش منديرش وش دخلك !!!!!! نهدر معاه ولا منهدرش هاذي حاجة تخصني
قلبت عينيها وعطاتو بظهرها ماشية خبط الطومبيل بيدو بقوة ... المنظر اللي شافو مزالو يتعااود في راسو خايف .. خايف ياخذها منو ... اذا طلب عليها يديها بسهولة
جواد : مستحيل نخليه يديك مني راح ندير المستحيل باش تكوني ليا
........
قمر : حيوان ... منزيدش نهدر معاه ... وش دخل عزرين باباه الحلوف نهدر ولا منهدرش .. خص غار يجي يضربني
لمحت ليل من بعيد جاي ليها تبسمت من قلبها واستناتو وصل ليها
ربتت على شعرو بحنان وسندت جبينها لجبينو شافت بلاصة منين تطلع وطلعت وطبست لوذنو
قمر : هيا نروحو نجيبولك حاجتك من عند الشي حسان 😂 باش نديرو جولة باهية عندي بزااااف طاقة سلبية حابة نفرغها
مشات بيه حتان للفيرمة تاع السي حسين وسيباتو براحتو ... وغمزاتو
قمر : كي العادة اصبر هنا ضك نجي ... الله غالب علابالي الشي اللي ندير فيه غالط بصح مكانش كيفاش انا ماكلتي حايرة فيها نصبرك بهاذي حتان ينوض الزرع ونديك تسرح متفاهمين
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
