فوط + كومنتار
راحت تجري تشطح بلا محارم تلاقات مع امها وريمة في الطريق ... جاو يهدرو معاها زربت تهبط بالزوج درجات وسلطانة تحاول تزرب بخطواتها المتعثرة
سلطانة : عننندكي ابلية تتفلڨي في الدروووج نتوخذو فيك بعقققلك اسمممعي
احلام بخوف : وش كاين ا الحاجة خير !!!!!!
ريمة : وش بيها هاذي .. وين رايحة !!! متكونش هاااربة اوخخخخذي
دزتهم سلطانة بين زوج وهبطت تحاول تزرب تلحق عليها ومن سرعتها مافاقتش بالشال اللي طاح من على راسها
.........
كانت الحالة خايضة بصوت البارود والهدرة تاع الرجال القاوية .. وصهيل الخيول اللي حضرو ثم غالب عليهم صوت ذاك الحصان الاسود اللي كان محط الانظار يخزرولو باهتين .... واولهم ادهم اللي كان متعجب قرب ليه باش يهديه زاد هاج اكثر .... شادينو من اللجام كان بالسسيف متحاميين فيه في 3 لانو اذا تساب من يدهم ميزيدوش يلقاوه شاف ادهم في جدو
ادهم : منين جبتو ا جدي !!! سلالة الغيهاب مبقاتش كاااينة
شدو سليمان من كتفو وهو يتبسم
سليمان : شي ما يغلى على حفيدي الغالي
شاف سليمان في الحضور حمحم ووقف بطولو
سليمان : في يوم كيما هاذا ... وكيما راكم تشوفو هديتي لحفيدي في حفل الاغوية خيل عربي اصيل نادر من سلالة الغيهاب ... وكيما تعرفو السلالة هاذ نقية نقاء تام وبحضور المجلس العروشي نمنحو لحفيدي ونمنحلو كامل الصلاحيات اللي كانت عندي وهو باش يكون خليفتي بعد ما تتغمض عيني ... قررت نعجل فهاذ الشي ... كيما تعرفو عندي احفاد رجال خلاف ميش حاب يصراو مشاكل بعد وهو راح يكون بعدي ... خليفتي وخليفة باباه المرحوم وفي يوم كيما هاذا نعلن على زواج حفيدي ادهم ولد الطاهر ولد سليمان وباش تستمر سلالتي وسلالة بني حمدان والعرس الاسبوع الجاي ان شاء الله .... وضك نبداو المراسم على بركة الله
ناضو اصحاب المجلس العروشي بداو اعرافهم اعطاو خنجر مرصع بالاحجار الكريمة متوارث عبر اجيال العايلة حطو على يدو وعڨبو عليه ساحو قطرات الدم منو
سليمان : كسيد لهذه العشيرة دون تراجع وبعرف دم نسلم سلطتي ومكانتي لادهم حمداني ابن طاهر حمداني ابن سليمان حمداني وانا نعلنو كآغا من بعدي وصلاحياتو في العشيرة نفس صلاحياتي وبشكل رسمي نعلنو الاغا الوريث من بعدي
علا صوت البارود وتولويلات النسا من داخل وصهيل الاحصنة القاوي ....
نطق واحد من رجال المجلس وهو شيخ كبير من عمر سليمان
" وينو مالك يجي يسلم سيف العايلة "
" كان هنا ... وين راه ! .."
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
