فوط + كومنتار
كبست على تريكوه بيديها الصغار وهي تبكي ومزالها تشكي عند صدرو العريض اللي خباها وسطو وحجمها وحجمو متناقضين ... مبقاتش تبان تحت يدو
نكزتو سلطانة بعصاها ڨعراتو بالتخنزير جبد روحو عليها شافت فيه بعينها اللي مليانين دمووع ونيفها الاحمر من البكاا .... محلاااها. ... شعرها الحرير كان مبربش ووجهها اثار الضفار عليه مخبش تخبيشات فزدو صفا وجهها للحظة شفتو شافت فيها
سلطانة : وش هاذ الشي اللي صااير هنا قوووولو ... راكم في زريبة تاع بڨر !!!!
ملاك : ماني شوووفي كيفاش دارتلي ودارت ليما
ياسمينة : الحاجة هاذ المرة منسكتلهاش يالوكان على جثتي .... رببببحت كي عادت طفلة ... بنت البارح تجي تمد يدها عليا التربية الخاسرة .. كون جات متربية تحتارم الانسان الكبير و.......
قمر بالعياط : سكري فمك يا وحد الكلبة ... يا الرخيسة المنتنة .... نتي اخر وحدة تهدري ع التربية .... يما رباتني نحتارم الكبير .... بصح كي يتجبر هاذ الكبير لازم نوقفوه عند حدو .. يا وحد الجايرة
سلطانة بالعياط : قمممممممممممر
دارت ليها قمر والدموع في عينيها ... مشات ليها امها باش تسكتها ... يزي الفضايح
قمر : لاه اككي تعيطي .. عيطي على كنتك ماشي عليا انا .. كل مرة تطلق في سمها علينا .... شارفة قدها محبتش تحشم على اصلها
ادهم : نزلي صووتك واهدري بأدب
قمر : منهدرش بأدب ... نتوم مايلقلكم كاان الهمجية
ادهم بحدة : اترررصي واعرفي ماااتهددددري ماكيش في الغابة اللي قدامك كبيرة العشيرة تحتارميها وتنزلي راسك كي تعودي تهدري معاها بيسك ميش قدك
قمر : الحاجة مقامها كبير عندي منكرررتش ... اما يا سيد ادهم راسي مستحيل باش ينزل لأي حد ... وانا غلي على الحية ذيك مانيش على ماني حااشا يمكن هي معلابالهاش وش دارت
ملاك : شو صحانية الوجه ... في داارنا وسط قصرنا وتتفرعني علينا .... متنسايش رووحك شككوون ساامعة .......
قمر : نتي وش مدخللللك هاااا !! هدرت معاك !
ملاك : نتي فريمون وحدة رخيسة وميش متربية
شدت قمر يدها بقوة وجات باش تمشي ليها شدها من رسغها نترها ترجع
ادهم : وين رايحة ل##$#
قمر : حرقة ان شاء الله في جهنم يا وحد المسخوط .......
ياسمينة : كون منعديش للمجلس مانتسماش
قمر : اااا قولي والله ديري اللي تنجمي عليه سامعة !! اذا نتي حاربتيني بالمجلس انا نحاربك بالقانون ..
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
