فوط + كومنتار
في الليل
كانوا كلهم مجمعين على طاولة الاكل تسمع غار المغارف يتخبطو والكل ساكتين طبست قمر على نائلة تخبرها
قمر : راني نشوف في شي عباد وجههم احمر قريب ينفجرو
نائلة : شوفي كي تشوف فيك كون جاو عينيها رصاص كون طرطقاتك
قمر : هاجر ... بسسسس اسمعي
هاجر : اممم
قمر : بنت خالك مالها ... عينيها قريب يخرجو
هاجر : بفففق خلينا منها عيشك متسمطيليش الماكلة اي غيارة تدير كلش غار متخربيش في ساحتها وا
......
رونق : ايييي قمر وين واصلة في قرايتك
شافوا معاهم كاامل كملت قمر توكل من السلاطة ببرود
قمر : منيش قارية كيما تعرفي لافيل بعيدة علينا وزيد بنات القرية مايعرفوش يقراو
ضحكت رونق بالصوت نكزتها امها طاحت قمر عينها على ادهم اللي هز حاجبو يخزرلها وجهت نظرها ليها
قمر : لاه هدرت حاجة تضحك!!!!
رونق : لا اسمحيلي على ردة فعلي .. اما .. ادهم قاري الله يبارك ومحامي كبيير في المحكمة العليا متجيش يدي وحدة ميش قارية وجاهلة
قمر : اييي صح ممكن منيش قارية وجاهلة بصح نعلمك اصول الدار والحراير على اصولها في النهاية راح تتزوجي ... المسؤولية باش ترفديها بشهادة مااااستر 2 اللي تعلقيها في الحيط ؟؟
تبسمت سلطانة وكملت توكل بهدوء عكسهم اللي كانو. كامل يترصدو في اجاباتهم
ريمة : صح في الفحولية والتربية
رونق : لا سامحيني عمتي بصح ماشي كنت تقولي رونق قارية محاماة ماستر 2 وهي اللي تليق مع ادهم ...... وطني طنا وغيرها من الهدرات .... في اللخر تجيبي وحدة كيما هاذي متعرف البا من تا
شافت فيها قمر هازة حاجبها بزاوية عاالية بسخرية حطت الفرشيطة من يدها وشبكت يديها
قمر : شوفي حنونتي اللي راكي تهدري عليها متعرفش البا والتا تقريك القانون بلي فيه
رونق : نتي !!
دارتلها بسبابتها
قمر : ايه انا ولا معجبتكش ! مالا كي تتخرجي ارواحي تديري سطاج عندي نعتلك كيفاش تدافعي على حقوق المرأة يعني على روحك 😏
تبسمت سلطانة شادة ضحكتها شاف فيها سليمان قلبت عينيها اما البنات كانو عاضين على خدهم باش ميضحكوش واحد ماكان فاهم هدرتها من غير نائلة وامها وادهم وجواد واكيد سلطانة و سليمان اللي ميخفى عليهم شي
رونق : اووو مديتها في روحك بزاف .... نتي اتلهاي غار بكوزينتك وش عرفك نتي في القانون
نائلة : رونق ماشي زودتيها شوي !! مالك ! راكي ماستر برك قارية في جامعة عادي وهي قارية في مدرسة عليا للمحاماة عامين وهي تماجوري والسنة تتخرج وميش شايفة روحها كيما نتي
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
