فوط + كومنتار
شافت في الساعة كانت 11 تأففت بضجر وهي حاطة يدها على خدها ... تخزر في الاستاذ بملل ... وهو يشرح تقولو آلة مبرمجة
قمر : نففخخخي ماوجعوش فمو وهو 3 سوايع يرحي !
قلبت عينيها ودارت للطفلة اللي جاوبتها
" ههههههه والله غار ... انا نعست وش يكمللنا العام مع استاذ كيما هاذا ساعتو سراط "
قمر : اقسم بالله انا راسي او يسطر تبانلي ضك نخبطها برقدة ... من قبيل وهو يبلبل قال يلا سكت "
" ههههه شتي ... انا خليت فراشي ونضت من نومي وجيت باش نقابل هاذ الفوڨيرة صباح ربي "
ضحكت قمر بالصوت بحركة لا ارادية دارو ليها كامل ... قطعت ضحكتها في النص .... وطلع وجهها احمر شاف فيهم الاستاذ
" انسة قمر هزي روحك نتي وصحبتك واخرجو روحو تضحكو برا بنياتي. ... حنا هنا باش نقراو ... عينكم ما تقرواش اقعدو في دياركم ماحت.......... "
قمر : صاي صاي ا استاذ اني خارجة بلا ما تكمل هدرتك.... اصلا كنت خارجة بلا ما تقلي وجعني راسي
هزت لي بولي كوب تاعها وناضت ... شافت في الطفلة ذيك ... لقاتها تخزرلها ... عوجت فمها وخرجت
" انسة نظن ماسمعتينيش مليح ... الحقي زميلتك اللي عينو ميقراش ما يشوش على زملاؤو "
تنهدت وهزت هي ثاني ادواتها وخرجت لقات قمر خارجة لحقتها
" بسسسسسسس ااااي استنايني "
دارت ليها قمر عاقدة حواجبها ... هي متعرفهاش ... هدرت معاها دقيقة بدات تدخس عليها ... وهي ميش من النوع اللي يخالط معندها حتى صحبة تربات وحدها ... كبرت وحدها ... مدت ذيك الطفلة يدها
" انا اسمي نائلة ونتي قمر يخي ! "
مدت قمر يدها وتبسمت معاها
نائلة : يووووو عندك لي فوسااااات هاذا وين تولهتلهم مليح ...
لمت قمر ابتسامتها ميش حابة تتحل معاها بالعريض
نائلة : اضحكككي عيشك
قمر : ايا باي ... نتلاقاو ساعة الخير ان شاء الله
جات دايرة لحقتها نائلة كروشات في ذراعها تأففت قمر
نائلة : متحضريش الكور تاع قانون الاسرة والمواريث
قمر : ننن .... اني خارجة ... نقعد هنا نستنى 3 سوايع باش نحضر الكور
نائلة : اممم يعني صح ... وزيد نقراو عند استاذ مداسي تاع العام اللي فات اااا يووووووما نظام عسكرررري
قمر : اممم
نائلة : ونتي ضك مروحة !!
قمر : رايحة نشري حوايج
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
