فوط+ كومنتار
شافت فيها باستغراب ... وش جابها هاذي هنا مشات لعندها طبست ليها
قمر : بسسسسس وش الزين مخطوب ولا يستنا في المكتوب
هزت راسها ليها مع شافتها حلت عينيها بصدمة
قمر : وش جابك هنا نائلة !
تبسمت نائلة وتلاحت عنقتها
نائلة : ااعععع اجمل صدفة علابالك !!!! كنت رايحة نموت من القنطة جابتني ماني وامي سيف
قمر : هههه علاه يقربولكم ؟؟
نائلة : ههه ايه هاهي ليك ماني واللي لهيه ماما
شافت قمر وين شورتلها وضحكت
قمر : تقصري .!!! اخت سلطانة ؟؟
نائلة : الحاجة سلطانة حنونتي متغلطيش ... ونتي وش جابك ان شاء الله !! وش هاذ الحطة ! جيتي بوووووومبة ياجدك محلاااااك
قمر : هههه نتي مانك كريمة .... وانا ماني سلطانة
نائلة : ماتقصريش هههه
قمر : هههه نن نقصر برك ماما تخدم هنا هي اللي تطيب بصح سلطانة نحبها من قلبي نعيطلها ماني
نائلة : اممم ارواحي نعرفك على يمااا وماني هبلتهم في الدار نحكي غار عليك
قمر : ههههههه ... مقتيليش بلي تعرفيهم
نائلة : وين نعرفهم انا ههههه ملي كنت صغيرة مزدتش جيت لهنا ... يااااااه تسما هاذيك المسمامة تاع المرة اللي فاتت من هاذ العايلة !
قمر : مع الاسف .. هاهي ليك شو كي تشطح وتتعوج
ضحكت نائلة وكركرتها معاها لعند امها
نائلة : ماما ...
تولهت ليها امها اللي كانت تشايخ في جماعة تاع نسا دارتلها براسها وشنهي !
نائلة : هه ماما جيت نعرفك على صحبتي اللي نهار قتلك خيرتلي الكاراكو ...... هاهي قمر اللي نضال نحكيلك عليها
شافت فيها ليلى وتبسمت ... سلمت عليها قمر بابتسامة .... قعدت شايخت معاها قالت يلا سكتت تقول تعرفهم من زمان
هزت قمر راسها كي حست بالكالم ويتسمع كان التصفاڨ لقات ملاك تشطح في القبايلي غناية الو تريسيتي والغاشي كامل مبرڨ عينيه فيها تقول شما شافو
قمر : اعطيلي تشو خيمار .. مدام الساحة فرغانة نروح نحرحرها نقتلها بالقنطة الحلوفة
مدت يدها لصندالتها نحاتها و نحات الخيمار من على راس نائلة وتحزمت بيه وناضت شمرت على روبتها معرية على سيقانها وقابلت ملاك .. غمزتها قبل ما تبدا ... ودخلت فيها قلبتها ملاك تلفتلها الشطحة ... بعد ماكنت الانظار متوجهة لملاك توجهت لقمر ... نساوها مره .. كانت تشطح تقولها قبايلية حرة كل وحدة وش تهدر تسمع غار " محلاها ". " تهبل " بنت من ؟ " وش تعرف تشطح " " شوفي ساقيها بيوضة حليب " شو كي تقلبي في الشطيح تقول مسلانها مفصول على جسمها " .......
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
