فوط + كومنتار
دزت ادهم من صدرو بعداتو من عليها شافت فيه بسخرية وجات هابطة الدرجة من دوختها ووقفتها فهاذ الحالة مبقاتش واعية عيطت نائلة على طولها زرب لقفها ادهم قبل ما تطيح طيحة خايبة
هبط معاها في الارض حط يدو على جبينها يتأكد من السخانة زاد على رقبتها ...دور يدو تحت رجليها وتحت رقبتيها وهزها في حملتو لحقتهم نائلة هزازة لي ساكودو تاعهم في زوج شافت سارة في البنات اللي يقراو معاها وحلت فمها عل شكل أوووو
صارة : شفتو وش شفت !!؟؟ مس رقبتها ولا اني غالطة ؟؟
" لاه وكي هزها !! نااااري ذيك الفضايح ع العلن ديراكت ! "
" لاه وهاذيك قمر اللي لاعبتها زعما عاقلة وضريفة عفيفة وخاطيها ؟! ظهرت كلبة من الكبار "
" يهاه ا جماعة العنو بليس بلاك اختو بلاط مرتو بلاك خطيبتو ..."
سارة : جداك هي ماهي مدايرة خاتم وهو ماهو مداير خاتم واذا ع الخاوة راهم ماشي نفس اللقب
هاذو هوما العباد الغيبة والنميمة والفتنة متجسدين على شكل هيرات يغتابو العباد ويهدرو اللي فيهم واللي مافيهمش
.................
اما عند ادهم بعد ما خرج راح ديراكت للطومبيل وقلبو مخطوووف حالتها كانت تشف .. كانت كي اللقمة بين ذرعيه شفافها بيوضة ووجهها شاحب شحوب الموتى ساكنة بين ذرعيه لا حول لها ولا قوة
حطها من الخلف وهو قريب يبكي عليها غاضنتو غاضتو شڨتلو قلبو لحثت نائلة تجري ومعاها اكرم اللي خرجاتو نائلة من وسط المحاضرة بلا ما يهدر معاه ولا يسلم عليه ركب جيهة الفولون مخلاش الفرصة لأدهم حتى يستوعب ولا يخمم هو اللي يسوق
ركب ادهم من الخلف حط راسها على فخذو يمسح على شعرها وخدودها بحنية يد سادتلها نيفها بالبابي مشوار الدم اللي نزفاتو ميش قليل لضك ميش مستوعب ... هاذا ميش رعيف ... مستحيل ... قلبو رجع يفيبري خايف تكون مريضة بشي مرض خايب .. الدم اللي فقداتو ماشي نورمال حس بيها تتململ وهي تأن من الالم شاف فيها بربثة والخوف مبين من عينيه حلت عينيها بتعب وهن تململت بألم الزجيعة اللي تحس بيها ميش نورمال الوجع قطع رحامها كرشها تسطر من جيهة خلاف جسمها مدقدق دڨديق نحاتلو يدو من على نيفها ميش قادرة تتنفس مليح طاحت دمعة سخونة على خدها حط يدو على خدها
ادهم : متخافيش متخافيش راني معاك ... والله راني معاك ميصرالك والو بربي ان شاء الله
تبسمت وسط ألمها اللي ينهش فيها وهي تخزر فيها خزرة ماعندهاش تفسير لأول مرة يلمحها في عينيها غمضت عينيها وعاودت حلتهم
قمر : ق..ت..لك ..من.. قبل ..محلا. ك ولا مق..تلكش ؟
ادهم : اششش ميش وقتو اقمر ميش وقتو
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
