فوط+كومنتار
واقفة في الكوزينة تدور كي النحلة من ومن ... من بلاصة لبلاصة ... توجد من ومن
دخلت للكوزينة حبست في الباب تتمعن فيها من الخلف ... شكون هاذ البنية ... ويني احلام . وهاذي وكتا جات هاذي ...
ريمة : شكون نتي !!
دارت ليها قمر مفجوعة شافت فيها كيلتها من الفوق للتحت سيدة صغيرة في العمر تبان في اواخر الربعينات بصح مزالت شادة صحتها تنهدت ودارت تكمل خدمتها تجاوب ببرودة ميش طايقة لا القصر ولا عبادو
قمر : انا بنت احلام
قربت ليها ريمة تشوف وش تدير وعينيها على الكوزينة كاملة شافت وش محضرة عملت التحليات .. تيراميسو ... تارتولات ... فلان ... تحلية خلاف في كؤوس مستفين ورا بعض شافت في العشا يطيب والصفارة تصفر البربوشة تفور والشربة طايبة زيتون مع الرولي والبوراك خصو كان يتقلى .. جو ناتيورال .. غراتان ... كلشي وااجد حاضر محضر
ريمة : ويني أمك !!
قمر ببرود : اي راقدة
ريمة : راااقدة !! لاه وقت رقاد ضك !
حبست قمر من العجين تاع خبز الدار وشافت فيها مطلعة حواجبها في زوج بزاوية عالية
قمر : باردووون !!!
ريمة : روحي فيقي امك الضياف قريب يجو وهي راقدة !!
قمر : علاه انا منكفيش !! معمرتلكش عينك !! كلشي حاضر مبقا كان خبز الدار يطيب ونوجد الطابلة
ريمة : نتي اللي حضرتي هاذو وحدك !
قمر ببرود : ايييي كيفكيف خدمتي وخدمة امي متفرقش
ريمة : باش تتحاسبو اذا صرا مشكلة على الطاولة ... اخرتها تتحط الخطبة فيديين بنية قدك
حطت قمر يديها في زوج على خصرها مقلبتهم الطابلية مضيقة على وسطها مفصلة لاطاي تاعها شعرها ملموم الفوق كعكة كبيرة فوضوية وشوية سلبات طايحين على وجهها المدور
قمر : علاه وش خصني امدام ! عندي يديا رجليا عينيا الحمد لله ماما علمتني كلشي
ريمة : اممم ها الله يبارك مافي باليش بلي احلام عندها طفلة كبيرة ... مزال في بالي ذيك البنية الصغرونة اللي تجري وتلعب
تنهدت قمر ودارت تكمل في الخبز تاعها شافت فيها ريمة من الخلف كيلتها .. بالحق بهرتها هاذ الطفلة .. دارت على الكوزينة تتفقد الشي اللي حضراتو كلشي كان متحوووف وواجد اكلات عصرية وتقليدية بكل انواعها بلا التحليات ... للحظة حسدت احلام على قمر عطاها ربي الزين والجمال الباهر وزيد الفحولية والشطارة للحظة عقدت مقارنة في راسها بينها وبين بنتها اللي متبان شي متوال قمر من كلشي
بقات في الكوزينة ثم تتفقد فيها حاسة بفضاضة ونفور قمر منها والمعاملة الباردة .. غسلت قمر يديها من العجين وراحت جبدت البقلاوة من الفور ولاحت في بلاصتها الخبز هزت ريمة حواجبها في زوج لا ميش لهاذ الدرجة ... تي حتى احلام ومتنجمش دير هاذا الشي كامل دارتلها العسل وخلاتها تشرب
أنت تقرأ
ليل بلا قمر ❤️باللهجة الجزائرية❤️
Mistero / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
