فوط + كومنتار
تفاااعلو
ادهم : وش تديرو هنا! جواد !
جواد بجدية : السلام عليكم
مردش عليه ادهم شاف طول في قمر اللي كانت تتبسم كي البهلولة
ادهم : وشراكي تديري هنا !
مريم : قمر قاتلك ما ........
سكتت كي شافتهم مع بعض وادهم مزير على يدو فهمت اللي صرا عضت على خدها وقطعت كلامها
قمر : جبت السينية .. نحوس نقدم الطابلة للنص بعيدة هنا بزاف هنا و ....
ادهم بالعياط : نتييي تهزي طابلة ! نتي تقدري تهزي طابلة ! تقصري بيا ؟ وهاذ وش يدير هنا هاا
قمر وجهها حمار
قمر : وش بيك تعيط عليا ... اهدر بالعقلية اكل نعرفو نعليو صوتنا .. واعرف ما تخرج من فمك ... يخي مادارلك وواللو شافني نتعافر معاها جا يهز معايا
شدها من ذراعها بقوة
ادهم : لاه انا رجل كرسي ! لاه معيطتيليش ليا هااا !
قمر : نحي يدك عليا اكي كسرتني ... وهاذي متستاهلش هاذ العياط والزياط ...
ادهم : والله والله والله يا جواد نزيد نلقاك هدرت معاها .. صباح الخير ماتقولهالهاش ... صينو راح ننسى انك ولد عمي
جبدها من ذراعها ماشي بيها وهي تحاول تنحي يدو من عليها نتر روبتها تهبط كانت مشمرتها عند مسلانها مبينة بيوضة ساقيها هي مفصلة وزادت فصلتها ... منظرهم وهو شادها يمشي فيها قدامو جذب انظار الجميع وحد ما حب يدخل تلاقا في الباب مع سلطانة هدرت معاه محبش يرد عليها جات تلحقهم حبستها احلام
احلام : خليهم ا يما بيناتهم
هزتلها راسها بإيه وكملت مشات تستفسر ع الشي اللي صرا . اما مريم شافت في جواد بالساكت ومشات من توالو مسح على وجهو بقوة ... هاذا وش كان خاصو ... حاس بقلبو يحرق .. حاس بضيقة ... من ضياعها من يدو شاف في سلطانة اللي خرجت مع شافاتو جات تزرب بخطواتها عنقاتو متوحشاتو .. منهار قالها ذاك الكلام وهي ضميرها مأنبها طلبت من السماح بادلها العناق ميقدرش يدير عليها ولا ميسامحاش في النهاية هي جداه
سلطانة : حقك عليا اولدي ...
جواد : معليش ا ماني ... بصح بعدت مقدرتش .. حبيتها هي اللولة ومزالت ساكنة في قلبي ... منيش حاب المشاكل مع ادهم .. منيش حاب نخزر بمرت خويا ... هاذا وين جيت نهز معاها الطابلة برك ناضت الحرب ... بصح في حقو منيش مغلطو
لزت على عصاها هاذا وين فهمت اللي صرا ربتت على كتفو بحنية
سلطانة. : مريم ثاني محتاجة فرصة ا جواد ... الدنيا اقدار ومكاتيب اعطلي قلبك فرصة وليها هي فرصة غار هي اللي تقدر تنسيك فيها
أنت تقرأ
ليل بلا قمر ❤️باللهجة الجزائرية❤️
غموض / إثارةقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
