فوط + كومنتار
هزت قمر راسها ع الصوت اللي سمعتو تحسب روحها تتخيل حلت عينيها على وسعهم واول سؤال تبادر لذهنها هو : " وش جابو لهنا ؟ "
بلا تردد طابست قبل ما يشوفها وزحفت تخبات تحت الطاولة وهو كأنو شاف طيفها بصح ميش متأكد .... شاف مع نائلة اللي بدورها هي ثاني مزالت في حالة صدمة اما هو ميعرفهاش اصلا شكون هي
" السلام عليكم مجددا طلبتي الاعزاء ... معكم الاستاذ او الدكتور ادهم حمداني ... راح نكون مستخلف الاستاذ الراحل رحمه الله لفترة وجيزة لانو الامتحانتات قربت ... ونصكم او اغلبكم بدا يخدم لاميموار تاعو ونتوم مزلتو ماعلابالكمش حتى وش تقراو في القانون الجنائي "
حط القلم تاعو فوق البيرو طلع نظرو يحوس عليها وسط الطلاب هو متأكد اللي يقري قسمها دروس ومحاضرةات ثاني
ادهم : انسة في الاخير علاه راكي واقفة ؟؟
حمحمت باحراج وقعدت تهمس بصوت منخفض
نائلة : قمر هااذا وش جابو لهنا !
قمر : وانا وين علابالي كيفاش ضك نخرج انا
نائلة : لاه تخبيتي اصلا ؟؟
قمر : بلعي نتي فمك وماتهدريش معايا باش ماتجذبيش الانتباه ليا .. ففق ضك هاذا وش جابو لهنا ؟ ... الحلوف جا معايا ومقاليش بلي داخلين نفس الج........
مكملتش كلامها شافت مع الصباط اللي متوالها طلعت راسها لقاتو واقف بطولو وعرضو مربع يديه تحت صدرو يخزرلها بحدة تبسمتلو بتبهليل
ادهم : اخرجي من ثم
خرجت من ثم وقفت متوالو شافت في الطلاب كامل يخزرولها وجهها حمار من الموقف المحرج اللي تحطت فيه
ادهم : وش كنتي تديري ثم !
قمر : احم .. طاحلي قلمي برك كنت نجبد فيه
ادهم : وين راه القلم !
شاف مع وجهها اللي طلع احمر من الاحراج اكثر واكثر .... موقف غبي غبي غبي ......
ادهم : وشبيك ؟ مريضة ؟!
حمحمت باحراج وقعدت في بلاصتها شورتلو على الطلاب اللي كانوا يخزرو فيهم في حالة صمت تام ... رجع للمكتب تاعو اما هي حطت راسها على الطاولة تخزر في نائلة
نائلة : شتي زهري الحلوف ؟
ضحكت عليها نائلة
نائلة : عرسي بعد شهر قمروششي افرحي افرحي
قمر : ازددق اردددق مالا فيها شابة يمينة ونصر الدين حرة .. يسموني نروبلها تصديرتي كامل نلبسها
نائلة : ارقدي ارقدي وجهك راه اصفر كي حبة القارس تنحالك الوجع ؟
قمر : شوية ماشي كيما قبيل عذاب
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
