فوط + كومنتار
... دخلت للقصر شكون قال بلي قمر يجي النهار وتحط رجلها فيه وهي كانت حالفة .. بصح فرحتها كبيييرة ماتتقاسش اليوم لقات ليل .. اليوم رجعت الغالي هدية الغالي شافت في القصر فيه بزاف اتجاهات وبيبان ... لحقت تتبع في ريحة الطياب اللي ضاربة وميش باش تغيب عليها ريحة طعام امها اللي تشهي تبسمت وتبعت احساسها .. دخلت للكوزينة شافت امها عاطيتها بظهر
خزرت فيها بحزن كانت تجري من ومن تقطع في البصل قربت ليها كانت تعبانة لدرجة كبيييرة متتصورش يادوب قادرة توقف على رجليها شافت في عينيها الحمورة عارفة اللي كانت تبكي
قمر : ماما
دارت ليها احلام وعينيها معبيين دموع عنقتها بقووة والموس في يدها تبوش فيها في كل بلاصة هداتها قمر وحطت يدها على خدها
قمر : يمااا اششششش وشبيك ياااروحي .. علاه راكي تبكي .!! خير !
احلام : والو يا بنتي برك فزعت عليك خفت عليك وملقيتش كيفاش باش نحوس عليك مربوطة بخطوبة حفيدة الاغا الكبير
قمر : ههه هوما مارحموش بابا ومرحموش تعبك نتي راكي قريب تطيحي وجهك اصفر شاحب شحوب الموتى تحوسي يرحموك تروحي تحوسي على بنتك ماتيماجينيش شحال .......
ياسمينة: اوووو هوووووه عايشين الدراما هنا بين البنت وامها .....كملت بحدة : احلااااام شنهي هاذ التقصير لضك مزال موجدتي حتى حاجة !! وكتا تخلصصي لازم تديري كللشي يليق بعايلة الحمداني قاعدة تحضنيلي في بنتك كملللي خدمتك وهاكي قائمة الاكل تاع الريجيم تاعي تاع هاذ الاسبوع و متنسايش تجي ديريلي مساج لكتافي راهم يسطرو
حزت قمر حاجبها بزاوية عالية بعدت على امها وشاف في ياسمينة
قمر : وشنهي شنهي !!! عاودي مسمعتش مليح
ياسمينة : وشنهي هاذ الوقاحة! نتي وش دخلك هدرت مع امك ... وديجا كي يهدرو سيادك نتي تهبطي راسك ... احلاااام شنهي هاذ التربية معلمتيش بنتك كيفاش تتعامل مع الناس اللي اعلى منها !!
احلام : مدام انا ... قم.......
حطت قمر يدها على وسطها تخزرلها بتعجب وصدنة في نفس الوقت من المعاملة اللي يعاملو بيها امها
قمر بحدة : شووووفي نقلك حنوووونتي اولا امي ماهيش كلبة عندكم سااامعة !! خدمتها تجي تطيب وتروح .. ماهيش خدامتك باش تجي تدير لحضرة سيادتك مساج باش ترتحي ... ماكيش تشوووفي فيها رايحة تطيييح !! قولولي عندكم رحمة في قلوبكم .. يا متجبرين !! هاا
ياسمينة : نتي وحدة ......
قمر بحدة اكثر : شوووفي باش يكون في علمك امي منقبلكش تزيدي تقولي كللمة صغيرة في حقها وديري في حسابك اذا غلطتي مرة اخرى في حقها باش تخلصي كلشي بالثالث والمثلث واذا ماعجبتكش خدمة ماما يا الله شمري على ذرعيك وريلنا شطارتك كون جيتي تعرفي تطيبي ماتجيبوش اللي يطيبلكم خاطر متأكدة بلي كون تطيبي نتي يديرلهم تسمم
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
