فوط + كومنتار
جمجمو فوطو قبل ماتقراو باش ماتنساوش 😒😒
شرات باط قوفريط وفيطا جي وزادتلهم الشيبس .... مزية كانت مخبية عشرين الف لقاتها اليوم باش تسد جوعها خاطر مكلات حتى حااجة ولا شربت قطرة ما من ذاك القصر كانت ساخفة على شيكولة مليكا ... بصح خانوها صورادها مايكفوش هازتهم في صاشية معلقتهم في ذراع و كاسكروط حمص في يد خلاف توكل في الطريق ... ماعلابالها بحد
قمر : مفهمتش انا ضك هاذ الجو ول بارح المطر تقول عاصفة واليوم الشمس ترعف الداب .... ايييي هاايلة جو هاايل باش نضرب تورة بليل نشبع منو غدوة نبدا القراية و......
كانت تمشي توكل وتهدر وحدها ساعة تحبس في نص الطريق ساعة تمشي ... تهدر وتتناقش مع روحها كي المهبول حطت يدها على قلبها على تزمار الطومبيل اللي وراها
شافت فيها كانت نوار فيمي كلها جديد نوووف تشعل شعيل طبست تشوف تحاول تلمح مولاها ساب شعرها معاها بعداتو وبعدت ع الطريق في بالها باش تبعد ... اما قعدت مڨارية شافت فيه عاقدة حواجبها شكون هاذا مالو شافت حولها خلا مخلي ... الغابة فوها والتلة تحتها لا حيوان لا انسان خلاف .. هاذي هي الطريق اللي تخاف منها الفاصلة بين المدينة والعشيرة ... نفس البلاصة اللي نهار خرجلها جواد فيها بلعت ريقها بخوف .... ولا عندها هاجس من هاذ الطريق .. من هااذك النهار
بعدت ع الطريق وطلقت الريح لرجليها تزرب في مشيتها شافت الطومبيل كي لحقتها وهي تزمر حبست وحبست معاها الطومبيل وفي نفس الوقت نزل الكارو
....................................
كمل سلم ملفاتو وسنيا ع الدوسي وخرج قضا شغالاتو وشرا الشيكولة لاختو من النوع اللي تحبو وركب طومبيلو اودي نوار وديمارا لوجهتو ... وعقلو يخمم فيها السيناريو من البارح لليوم يتعاود في مخو مفهمش لاه راه يخمم فيها ...
لمحها من بعيد تمشي وتشور بيديها كان شاكك اللي هي من روبتها وشعرها اللي فيه قريب ميترة ونص مسيباتو ورا ظهرها عقد حواجبو يشوف فيها ساعة تحبس ساعة تكمل تمشي ... تشالي بيديها يمين ويسار تحكي مع روحها
ادهم : والله ماهي صحيحة
زاد في الفيتاس شوي لحقها صونالها حبست دارت طلت عليه ... وبعدت على الطريق تستنا فيه يفوت .... شوية شافها تزرب في مشيتها عرفها خافت لحقها وصونالها للمرة الدوزيام وهبط الكارو باش تتعرف عليه هزتلو حاجبها بزاوية عالية نفس اللقطة تاع قبيل في بالها تعطيها هيبة ... اما هي منظرها يقتل بالضحك
قمر : اييي
ادهم : وشنهي اييييي ... اركبي نوصلك
حطت يدها على وسطها المنحوت مضيقة عينيها
قمر : لاه توصلني ان شاء الله يخي عندي رجليا
ادهم بحدة : سققمي نببرتك معايا احكي معايا مسقم
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
