فوط + كومنتار
بنات التفاعل راه كارثة ... فوتيو وكومنتيو باش تطلع الكرونيك شوي ... والله اذا كملت هكذا بهاذ التفاعل مستحيل نكملها خاطر هكذا كي شغل راني نكتب في الريح ونضيع في وقتي وخلاص
قمر : شوفي ا ماما قلبي راه ع الشعرة .. سكتلها مرتين على وجهك ... بصح المرة الثالثة تغلط تخلص .. كون كشما تزيد تنبش فيا ولا فيك .. ساعتها تشوف كيفاش نمسح بيها الارض ... مكانش في بالي راكي تفوتي في هاذ الشي كاامل هنا ... مالا اليوم اخر يوم عندك هنا مستحيل نقبل تزيدي تعيشي هاذ المعيشة
احلام : قمممر ماشي نتي اللي تجي تتصرفي فيا ساامعة ... معندي وين نروح هاذي هي لقمة عيشي هنا لادار... لا مال ... وين باش نلقا خدمة اخرى و......
قاطعتهم ميرال اللي دخلت وعلى وجهها الضحكة بحسها الفكاهي
ميرال : قمر الليل قاتلك ماني جيبلنا البربوشة والمرڨة وانا جيت باش نعاونك نهز معاك
قمر : متهزيش معايا نهز وحدي ... في النهاية هاذي خدمتي
ميرال : اوو وانا لاه راكي معمرة عليا هكا الزين 🥺🥺
قمر وهي تمتم تهز في طاوة المرقة : هاذا وش خصني غار نتي
ميرال : سمعتك 😒
قمر : ايه علابالي ماشي طرشة ...روحي روحي اتحركي قدامي ما تهزي معايا ما نهز معاك عندي يديا في النهاية نتوما بنات العز اللي يديهم لازم يبقاو رطبين وحنا الخدامات اللي نخدمو حضرة سيادتكم
رمات كلامها وخرجت هازة شنافتها ميش حاملة حتى واحد فيهم تنهدت احلام بتعب
ميرال : وانا وش دخلني خالتي 🥺 ياك تعرفيني نشتي نهدر ونقسر مع الغاشي وكي لقيتها صغيرة من لاجي حبيت نخلط معاها ونديرها صحبتي
مسحت احلام على شعرها بحنية
احلام : متديريش عليها .. برك مزالت ماوالفتش
ميرال : اممم بصح زويينة تهوووبل جبتي قمر قمر ا خالتي اسم على مسمى تي طيرتها للبنات بالزين بلا حلاوتها ... بصح لساانها يااا مااا خوويتي موس ماضي
احلام : هههه ضك تعاشريها تعرفي طبيعتها هي ميش هكذا والله حنينة
ميرال : لا انا ماقلت شي بصح تعييشي خالتي اقنعيها تديريلي ليكور تعلمني نقصف الجبهات
خبطتها احلام لكتفها وهي تضحك
احلام : امشي امشي ام قريب يخلصو عليك العشا وتفوتي عليك ماكلة قمر البنينة
ميرال : اااه وزيدي اقنعيها تعلمني نطيب .. خالتي. ريمة ومنال من قبيل وهوما يشككرو ويطحرو
احلام : امشي امشي برك
ضحكت ميرال وخرجت رايحة لاصال دومونج لقاتهم مزالو مبداوش قعدت في بلاصتها وهي تشوف في الماكلة بعينين يلمعو بقات تستنى وكتا باش يبداو بقات قمر ثما واقفة لكن بعييدة عليهم باش تشوف كشما يحتاجو
أنت تقرأ
ليل بلا قمر ❤️باللهجة الجزائرية❤️
Mystery / Thrillerقصتنا هذه المرة تدور في عشيرة آل حمدان ... اين يوجد فيها كل الوسوم .. الخوف .. ولظلم .. والفرح والحزن .. التفكك .. التوحد .... مجرد لقاء صادف وعابر ... يتحول الى اقامة ابدية لديهم .. لتدخل تلك الفتاة قلوبهم ... لتدون في سجلهم العروشي .. برضا الب...
